அரசியல் தொலைநிலைக்கல்வி - நகைச்சுவை

soplangi · soplangi Tue Apr 22, 2014 12:47 pm

கல்விக்காக உண்மையாகவே தொண்டாற்றுவோரின் எண்ணிக்கை, என்றைக்கோ, 'இறந்த காலம்' ஆகிவிட்டது. இப்போது கல்வி நிறுவனங்களை நடத்துவோர், பெரும்பாலும் அரசியல்வாதிகள். தெரிந்தோ தெரியாமலோ, 'சகலகலா வல்லவர்'களாக திகழும் இவர்கள், எத்தனையோ படிப்புகளை, தங்கள் கல்வி நிறுவனங்களில் நடத்தினாலும், வெளியே சொல்லாத சில, 'கற்பனை' படிப்புகளையும் இவர்கள் நடத்தினால் பயனுள்ளதாக இருக்கும்.

அ.தி.மு.க., 'அஜால் குஜால்' கல்லூரி

'திடீர் ஞானோதய' பட்டப்படிப்பு: தேர்தல், 'கிளைமேக்ஸ்' வரை கண்டுகொள்ளாமல் இருந்து விட்டு, திடீரென பாரதிய ஜனதா கட்சி மீது, 'பாய்வது' எப்படி என, பக்குவமாக கற்றுத் தரப்படும்.

'பணப்பட்டுவாடா' படிப்பு: வேறு எதையுமே நம்பாமல், சாமக்கோடாங்கி போல், இரவோடு இரவாக வீடுகளின் கதவு இடுக்குகளில், பணக்கவரை 'பதவிசாக' பட்டுவாடா செய்வது எப்படி என, 'சிக்காமல்' கற்றுத்தரப்படும்.

'ஆளை அமுக்கும்' பட்டயப் படிப்பு: 'மாபெரும்' நடிகர், நடிகைகளான, ராமராஜன், செந்தில், பொன்னம்பலம், ஆனந்த்ராஜ், தியாகு, குண்டு கல்யாணம், விந்தியா, வெண்ணிற ஆடை நிர்மலா, குயிலி போன்றவர்களை 'அப்படியே' அமுக்கிக்கொண்டு வந்து, பிரசாரம் செய்ய வைப்பது எப்படி என, கற்றுத் தரப்படும்.

தி.மு.க., 'தில்லாலங்கடி' கலை அறிவியல் கல்லூரி

'2 ஜி' மறைப்பு படிப்பு: ஊழல் குற்றச்சாட்டு பூசணிக்காய், 'எம்மாம் பெரிசாக' இருந்தாலும், அதை அப்படியே, சோற்றுக்குள் மறைப்பது எப்படி, 'ஊசிப்போன பூசணிக்காயை', நல்ல பூசணிக்காய் என்றும் கூறும் தைரியம் கற்றுத்தரப்படும்.

'கதவை திற; காற்று வரட்டும்' படிப்பு: காங்கிரஸ் காற்று வருவதற்காக வீட்டின் முன் கதவையும், அந்தக் காற்று அடிக்கவில்லை என்றால், எதற்கும் இருக்கட்டும் என்று, பா.ஜ., காற்று வீசுவதற்காக பின் கதவையும் திறந்து வைத்து காத்திருப்பது எப்படி என, காற்றைப் போல், 'கண்ணுக்கு தெரியாமல்' கற்றுத் தரப்படும்.

'ஒரே வாரிசு' பட்டயப் படிப்பு: எத்தனை மகன்கள் இருந்தாலும், அத்தனை பேருக்கும், 'அல்வா' கொடுத்து விட்டு, ஒரு வாரிசுக்கே மகுடம் சூட்டுவது எப்படி என, எளிதாக கற்றுத் தரப்படும்.

காங்கிரஸ் 'கலகல' கல்லூரி

'நோ ஐடியா' படிப்பு: என்ன படிப்பை எப்படி நடத்தலாம் என, தெரியாததால் நடத்தப்படும் படிப்பு. இதற்கு பாடத்திட்டம், பரீட்சை என, எதுவும் கிடையாது. பட்டம் மட்டும் தரப்படும்.

'கோஷ்டிப் பூசல்' கோடைப் பயிற்சி: கோடை விடுமுறையின் போது, பொழுதுபோகாமல் இருப்பவர்கள், இப்படிப்பில் சேரலாம். சேரும்போது கட்டாயம் கதர் சட்டை, வேட்டி அணிந்து வர வேண்டும். அனைவரும் ஒன்றாக அமர்ந்ததும், ஆளாளுக்கு அடித்துக்கொண்டு சட்டை, வேட்டியை கிழிப்பது எப்படி என்றும், புதுப்புது கோஷ்டிகளுடன் பரபரப்பை உருவாக்குவது எப்படி என்றும், 'ரத்தம் சிந்தாமல்' அகிம்சை முறைப்படி கற்றுத் தரப்படும்.

'மவுன மோகன்' படிப்பு: சுற்றிலும் இருப்பவர்கள், 'நாக்கில் பல்லைப் போட்டு' நம்மை என்ன பேசினாலும், காதில் ரத்தம் வரும் அளவுக்கு திட்டினாலும், குற்றம், 'கோல்மால்' என, எவ்வளவு வாலாட்டினாலும், கூடவே இருந்துகொண்டு, எவ்வளவு, 'ஆட்டைய' போட்டாலும், எது பற்றியும் தெரியாதது போல், காதைப் பொத்தி, வாயை மூடி 'மவுனமாக' இருப்பது எப்படி என, கற்றுத்தரப்படும்.

எம்.எஸ்.தண்டபாணி, மதுரை

**ஜாஹீதாபானு** · **ஜாஹீதாபானு** Tue Apr 22, 2014 1:39 pm

சன் டீவியில் பஜகா வுக்கு ஓட்டு போடுங்கன்னு விளம்பரம் வருது. எப்படி அது?

soplangi · soplangi Tue Apr 22, 2014 2:04 pm

எல்லாம் பணம் செய்யும் வேலை....

காசு கொடுத்தா எந்த விளம்பரமும் எல்லாவற்றிலும் வரும்....

Sponsored content · Sponsored content

அரசியல் தொலைநிலைக்கல்வி - நகைச்சுவை

அரசியல் தொலைநிலைக்கல்வி - நகைச்சுவை

Re: அரசியல் தொலைநிலைக்கல்வி - நகைச்சுவை

Re: அரசியல் தொலைநிலைக்கல்வி - நகைச்சுவை

Re: அரசியல் தொலைநிலைக்கல்வி - நகைச்சுவை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக