அசுரர்கள் ஜாக்கிரதை

கிருஷ்ணா · கிருஷ்ணா Thu Apr 24, 2014 2:25 pm

அகிலம் முழுக்க ஆண்கள் மட்டுமாய்
அரைநாழி கூட கடத்த இயலாது
அப்படி இருந்தும் உண்மை புரிந்தும்
அன்பால் ஆள்தற்குரிய பெண்ணை
அடக்கி ஆள துடிப்பவர் தாம்
அனேகம் பேர் உண்டு ஆங்காங்கே
அறியாப் பருவக் குழந்தை முதல்
அரிவை தெரிவை பேரிளம்பெண் வரை
அனைத்தும் பெண்ணென பாகுபாடின்றி
அசுரனாய் வந்து அழித்துச் செல்கிறான்
அவனும் பெண்வயிற்றில் பிறந்தது மறந்து
அவளை போகப் பொருளாய் கண்டு
அக்குழந்தையின் துயரம் கவனமில்லாது
அத்தள்ளாத வயதும் பொருட்படுத்தாது
அவர்களைக் கசக்க மனம்எப்படி வந்தது
அன்னைவளர்த்திருக்கவாய்ப்பில்லையோ
அக்காள்தங்கையெனஉறவுமில்லையோ
அடிபணிய வேண்டாம் பெண்ணுக்கு
அடித்தும் வார்த்தையால் வதைத்தும்
அருந்திய மதுவின் ஊக்கம் தீர்க்கும்
அடிமுட்டாள் ஆணாய் இராதே
அன்பைக் காட்டு அடங்கிப் போவாள்
அடக்க நினைத்தால் அதிர வைப்பாள்
அதுவே நடக்கின்றது இக்காலத்தில்
அடங்கிப்போன காலம் மலையேறி
அடக்கி வைக்கிறாள் இப்போது
அவளை மணந்து கொள்ள வேண்டுமா
அவள் இடுகிறாள் ஆயிரம் நிபந்தனை
அசுரர்களே ஜாக்கிரதை உங்களின்
அழிவும் அவர்களால் மட்டுமே !