அக்னி-1 ஏவுகணையை இரவில் பரிசோதித்து இந்தியா சாதனை

**சிவா** · **சிவா** Sat 12 Apr 2014 - 7:47

அணு ஆயுதங்களை சுமந்து சென்று குறிப்பிட்ட இலக்கை துல்லியமாக தாக்கி அழிக்கும் வல்லமை கொண்ட ‘அக்னி-1’ ஏவுகணையை முதன்முதலாக இரவு நேரத்தில் பரிசோதித்த இந்தியா, இந்த முயற்சியில் அபார வெற்றியடைந்துள்ளது.

12 டன் எடையுடன் 15 மீட்டர் நீளமுள்ள அக்னி-1 ஏவுகணை ஆயிரம் கிலோ எடை கொண்ட அணு ஆயுதம் உள்ளிட்ட போராயுதங்களை சுமந்தபடி, சீறிப் பாய்ந்து சென்று 700 கிலோ மீட்டர் தூரத்தில் உள்ள இலக்கை குறி தவறாமல் தாக்கி அழிக்கும் ஆற்றல் உடையதாகும்.

இந்த ரக ஏவுகணைகளை இது வரை பகல் நேரங்களில் மட்டுமே இந்திய ராணுவத்தினர் பரிசோதித்து வந்தனர். இரவிலும் இதை பரிசோதிக்க விரும்பிய ராணுவ அதிகாரிகள், கடந்த மாதம் 18 மற்றும் 19-ம் தேதியை இதற்காக தேர்வு செய்தனர். ஆனால், பல்வேறு காரணங்களால் இந்த சோதனை தள்ளிப் போனது.

இந்நிலையில், நேற்று பின்னிரவு 11.10 மணியளவில் ஒடிசா மாநிலம், பலசோர் அருகேயுள்ள வீல்ஸ் தீவில் இருந்து அக்னி-1 ஏவப்பட்டது. ஏவிய வேகத்தில் 700 கிலோ மீட்டர் தூரத்தில் அமைக்கப்பட்டிருந்த மாதிரி இலக்கை அது துல்லியமாக தாக்கி அழித்ததாக ராணுவ ஆராய்ச்சி மற்றும் மேம்பாட்டு நிறுவன அதிகாரிகள் மகிழ்ச்சி பொங்க தெரிவித்தனர்.

**ayyasamy ram** · **ayyasamy ram** Sat 12 Apr 2014 - 15:25

வல்லரசாகும் நாள் தூரத்தில் இல்லை..!
-
மிக்க மகிழ்ச்சி..

அக்னி-1 ஏவுகணையை இரவில் பரிசோதித்து இந்தியா சாதனை

அக்னி-1 ஏவுகணையை இரவில் பரிசோதித்து இந்தியா சாதனை

Re: அக்னி-1 ஏவுகணையை இரவில் பரிசோதித்து இந்தியா சாதனை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக