பாரதீய ஜனதா தேர்தல் அறிக்கை முக்கிய அம்சங்கள்!

பாரதீய ஜனதா கட்சியின் பாராளுமன்ற தேர்தல் அறிக்கை இன்று டெல்லி யில் வெளியிடப்பட்டது அதன் முக்கிய அமசங்கள் வருமாறு:-

* பா.ஜ.க. ஆட்சிக்கு வந்ததும் அத்தியாவசியப் பொருட்களின் விலை உயர்வு கட்டுப்படுத்தப்படும்.

* நிர்வாகம், நீதித்துறை, பாதுகாப்பு துறைகளில் மறுசீரமைப்பு செய்யப்படும். ‘ஒரே இந்தியா-பெரிய இந்தியா’ என்ற நிலை ஏற்படுத்தப்படும்.

* நாட்டில் புதிய வேலை வாய்ப்புக்கு முக்கியத்துவம் கொடுக்கப்படும். சிறு பான்மை மக்கள் கல்வி, தொழிலில் முன்னுரிமை பெற வாய்ப்புகள் ஏற்படுத்தப் படும்.

* அனைவருக்கும் உணவு பாதுகாப்பு உறுதி செய்யப் படும். கடந்த 10 ஆண்டுகளில் ஏற்பட்ட பொருளாதார சரிவு சீர் செய்யப்படும்.

* அன்னிய நேரடி முதலீடு வரவேற்கப்படும். அதே சமயத்தில் அந்த முதலீடு உள்ளூர் சிறுவர்த்தகத்தை பாதிக்கும் வகையில் இருக்க அனுமதிக்க மாட்டோம்.

* வரி கட்டமைப்புகள் மாற்றி அமைக்கப்படும். முதலீட்டாளர்களை கவரும் வகையில் வரிமுறை இருக்கும்.

* வரி தீவிரவாதத்துக்கு முடிவு கட்டப்படும். வரி கட்டமைப்பால் பொது மக்களுக்கு ஏற்பட்டுள்ள சிரமங்கள் குறைக்கப்படும். இதன் மூலம் பொருளாதார வளர்ச்சி மேம்படுத்தப் படும்.

* எல்லா கிராமங்களுக்கும் குடி தண்ணீர் வழங்கும்  திட்டத்துக்கு பாரதீய ஜனதா முன்னுரிமை அளிக்கும்

* ரெயில் சரக்கு இருப்புப் பாதைகள் மேம்படுத்தப்படும். புதிய திட்டத்தின் கீழ் கடலோர தகவல் தொடர்பு ஒருங்கிணைக்கப்படும்.

* புதிய தேசிய சுகாதார திட்டம் அறிமுகம் செய்யப் படும். இதன் மூலம் நாடெங் கும் உள்ள அரசு மருத்துவ மனைகளின் தரம் உயர்த்தப் படும்.

* டெல்லியில் இருப்பது போன்று அதிநவீன எய்ம்ஸ் மருத்துவமனைகள் ஒவ்வொரு மாநிலத்திலும் தொடங்கப்படும்.

* மேல்நிலை கல்வி திட்டம் மேம்படுத்தப்படும். நாடெங் கும் ஒரே மாதிரியான கல்வித் திட்டம் கொண்டு வரப்படும்.

* மதரசாக்களில் கணக்கு மற்றும் அறிவியல் ஆசிரியர் கள் நியமனம் செய்யப்பட்டு அவை மேம்படுத்தப்படும். இமயமலைப் பகுதி புதிய திட்டத்தின் கீழ் ஒருங்கிணைந்த மேம்பாட்டுக்கு கொண்டு வரப்படும்.

* அயோத்தியில் சட்ட விதிக்குட்பட்டு, கோர்ட்டு அனுமதித்த இடத்தில் ராமர் கோவில் கட்டப்படும்.

* நாடெங்கும் ஊழலை ஒழிக்க திட்டங்களில் சீரமைப்பு செய்யப்படும்.

* இளைஞர்கள் புதிய வேலை வாய்ப்பை பெபறும் வகையில் தொழில் துறையில் பயிற்சிகள் வழங்கப்படும்.

* வெளிநாட்டு வங்கிகளில் உள்ள கருப்பு பணத்தை மீட்க உரிய நடவடிக்கைகள் எடுக்கப்படும். பெண்கள் பாதுகாப்புக்கு அதிக முக்கியத்துவம் அளிக்கப்படும்.

* ஒவ்வொரு மாநிலத்திலும் மகளிர் பாதுகாப்புக்கு என தனி சிறப்புப் படைகள் உருவாக்கப்படும்.
 
*மத்திய-மாநில அரசு களின் உறவு ஆரோக்கியமாக இருக்கும்  வகையில் புதிய கொள்கைகள், செயல்பாடு கள் கடைபிடிக்கப்படும்.

* நாடெங்கும் நீதித்துறை பணிகளில் தாமதம் காணப் படுகிறது. இதை தவிர்க்க நீதித்துறை கொள்கைகளில் சீர் திருத்தங்கள் செய்யப்படும். அதிவேக கோர்ட்டுகள் அமைக்கப்படும்.

இவ்வாறு கூறப் பட்டுள்ளது.

[thanks]தினத்தந்தி[/thanks]

தேர்தல் அறிக்கை விடுவதில் எந்த கட்சியும் சளைத்தவர்களில்லை..அதை நிறைவேற்றுவதில்தான் கொஞ்சம் ஞாபகமறதி ஆகிவிடுறார்கள்..ஐந்து வருடத்திற்கு..   

பா.ஜ.க.,தேர்தல் அறிக்கை:அமெரிக்கா கருத்து கூற மறுப்பு

வாஷிங்டன்:பா.ஜ.க.,தேர்தல் அறிக்கை நேற்று வெளியிட்டது.இது குறித்து அமெரிக்கா கருத்து கூற மறுத்துவிட்டது.லோக்சபா தேர்தலுக்கு பிறகு பா.ஜ.க., ஆட்சிக்கு வந்தால் ஒரே கருத்தியல் கொள்கையில் இருக்க போவதில்லை. எங்களுடைய பார்வையில் மாற்றம் ஏற்பட்டிருக்கிறது என அமெரிக்க வெளிவிவகாரத்துறை செய்திதொடர்பாளர் ஜென் நேற்று நிருபர்களிடம் கருத்து தெரிவித்தார்.