தேர்தல் 'தமாசு'

First topic message reminder :

நபர் 1: அந்த வீட்ல ஏதோ போர்டு மாட்டியிருக்கே என்னது?

நபர் 2: இங்கு 'தட்கால்' முன்பதிவில் ஓட்டுகள் கிடைக்கும்னு போட்டு இருக்கு!

பி.பாலாஜி கணேஷ், கோவிலாம்பூண்டி




தொண்டர்-1: 'நம்ம வேட்பாளருக்கு ஓரளவு இருந்த மக்கள் ஆதரவையும் தலைவர் பேசி கெடுத்துட்டாரு...!'

தொ. 2: 'என்ன பேசினார்...?'

தொ. 1: 'நானே இந்த தொகுதியில வேட்பாளரா நிக்கறதா நினைச்சிக்குங்க வாக்காளர்களேன்னு தான்...!'


ரா. திரிபுரசுந்தரி, திருக்கோவிலூர்



நபர் 1: இவர் ஓட்டு புரோக்கர்னு எதை வச்சு சொல்றே?

நபர் 2: ஓட்டுகள் வாங்க, விற்க இங்கே அணுகவும்னு வீட்டு வாசல்ல போர்டு வச்சிருக்காரே!

பத்மினி, சென்னை

தொண்டர் 1: தலைவர் கேட்டாரு பாருங்க ஒரு கேள்வி
தொ. 2: என்னன்னு?
தொ. 1: வேட்பு மனு தாக்கல் பண்ணாம, "நோட்டா' எப்படி போட்டிஇடலாம்ன்னு தான்!

பாலாஜிகணேஷ், சிதம்பரம்

நபர் 1: தொகுதியோட எல்லா பிரச்னை களையும் தீர்த்து வைப்பேன்னு அவர் சொல்றாரு! ஓட்டுப் போட ஏன் யோசிக்கற?
நபர் 2: அவர் ஜெயிச்சிட்டா தொகுதில அவரே தீர்க்க முடியாத பிரச்னை ஆயிடுவாரு!

தேவா, அம்பை

ஒருவர்: "தலைவருக்கு அந்த நடிகை மேல ரொம்ப நாளாவே ஒரு கண்ணு...'
மற்றொருவர்: "அதான் அவங்ககிட்ட, "ஒரே மேடையில, நேருக்கு நேர் என்னை
சந்திக்கத் தயாரா?'ன்னு சவால் விடறாரா?'

கி.வாசுதேவன், சென்னை

தொண்டர் 1 : நம்ம தலைவர்கிட்ட ஏகப்பட்ட, 'கள்ள நோட்டு' இருக்குதாமே... எதுக்கு?
தொ. 2 : தேர்தல்ல நமக்கு 'கள்ள ஓட்டு' போடுறவங்களுக்கு கொடுக்கத் தான்!

என். சங்கரதாஸ், விருதுநகர்

தொண்டர் 1: இன்னும் எலக் ஷனே முடியலை. அதுக்குள்ளே தலைவர் என்ன நன்றி சொல்ல தொகுதி பக்கம் வந்துட்டாரு!

தொ. 2: அவரு நன்றி சொல்றது போன தடவை ஜெயிச்சதுக்காம்!

வி.பார்த்தசாரதி, சென்னை

தொண்டர்: தலைவரே எனக்கு ஒரு டவுட்டு...

தலைவர்: என்ன?

தொண்டர்: நாம சில்லரையா கொடுக்காம, நோட்டா குடுக்கறதுனால, மக்களுக்கு 'நோட்டா'வ ஞாபகப்படுத்துறமோன்னு!

வி.சந்திரமோகன், கோவை

அவர்: வேட்பாளர் கிரிமினல்னு தெரிஞ்சும், ஏன் அவருக்கே எல்லாரும் ஓட்டுப் போட நினைக்கிறீங்க?
இவர்: அவர் தோற்றுவிட்டால் இன்னும் தொகுதில இருந்து, நிறைய கிரிமினல் வேலைகள் செய்வாரே!

தேவா, அம்பை

தொண்டர் 1: நம்ம தலைவர் பயங்கர புத்திசாலி

தொ 2: எப்படி?

தொ 1: 'நோட்டா' ஆதரவு பெற்ற எங்க கட்சிக்கு வாக்களியுங்கள்னு பிரசாரம் பண்ணுறாரு

எஸ்.சூரிய ப்ரியன், சென்னை

இவன்: தலைவரோட வேட்பு மனுவ தள்ளுபடி பண்ணிட்டாங்களா ஏன்?

அவன்: சொத்துவிவரம் கேட்டிருந்ததுக்கு, தேர்தல்ல ஜெயிச்சபிறகுதான் ஊழல்செஞ்சி சம்பாதிக்கணும்ன்னு குறிப்பிட்டு இருந்தாராம்!

வி.வெங்கட், சீர்காழி

தொண்டர் 1: தலைவரோட தேர்தல் அறிக்கையை பார்த்தியா?
தொ. 2: என்ன?
தொ. 1: அவரு ஆட்சிக்கு வந்தால், வாக்கு வங்கியை நாட்டுடைமை ஆக்குவாராம்!

வி.சகிதாமுருகன், தூத்துக்குடி

தொண்டர்: தலைவரே... வர்ற தேர்தல் தான் உங்களுக்கு கடைசி தேர்தல்ன்னு தொண்டர்கள் முடிவு பண்ணிட்டாங்க...
தலைவர்: எத வச்சுயா அப்படி சொல்றே?

தொண்டர்: உங்களுக்கு, அரசியல் உலகின் சச்சின்னு பிளக்ஸ் போர்டு வச்சிருக்காங்களே...

எஸ்.எஸ்.கோபிநாத், பரமக்குடி


நபர்: இந்த தேர்தல்ல, உங்க தலைவர் உள்ளேயிருந்து கூட்டணி கட்சிக்கு ஆதரவு தர்றார்ன்னு சொல்றீங்களே, எப்படி?

தொண்டன்: தலைவரு ஜெயில்லல்ல இருக்காரு... அதான்

வி.வெங்கட், சீர்காழி


தொண்டர் 1: இந்த தேர்தலோடு எங்கள் தலைவர் 'ஹாட்ரிக்' சாதனை செய்யப் போறார்...!

தொ.2: அப்படின்னா இதுக்கு முன்னாடி தொடர்ந்து இரண்டு தடவை ஜெயிச்சிருக்காரா...!

தொ. 1: இல்ல... இல்ல, தொடர்ந்து இரண்டு தடவை 'டிபாசிட்'டை பறிகொடுத்திருக்காரு!

என்.எஸ்.தாஸ், ஸ்ரீவில்லிபுத்தூர்

தொண்டர் 1: கட்சி ஆபீசுல கபாலி என்ன பாடம் நடத்துறான்?
தொ. 2: ஓட்டை பிரிக்கிற செயல் முறை விளக்கமாம்!

வி.சகிதா முருகன், தூத்துக்குடி


தொண்டர் 1: படிக்கறப்ப இருந்த கெட்ட பழக்கத்தால தான் தலைவர் வேட்புமனு தள்ளுபடியாச்சா!

தொ. 2: ஆமா... அடுத்தவர் வேட்பு மனுவை காப்பியடிச்சு எழுதி குடுத்துட்டாராம்.

ஆ.யாக்கோப், சோழபுரம்

தொண்டர் 1: தலைவரு அப்பாவியா இருக்காரு!

தொ 2 : எதை வெச்சு சொல்றீங்க?

தொ. 1: 'நோட்டா' சின்னத்துக்கு யாரு பிரதமர் வேட்பாளருன்னு கேட்கறாரு!

வி.வெங்கட், சீர்காழி

நேற்று, எல்லா மாநிலங்களிலும் தொகுதி நிலவரங்கள் பற்றி, மக்கள் விவாதித்துக் கொண்டிருந்தபோது, நம்மூர் மக்கள், அவர்களுக்கே உரிய நையாண்டியுடன், வயிறு குலுங்க சிரிக்க வைக்கும், 'தமாசு'களை, 'வாட்ஸ் அப், பேஸ்புக்' ஆகியவற்றில், சத்தமில்லாமல், பகிர்ந்து கொண்டிருந்தனர். அவை:

* 37 தொகுதியிலேயும் அம்மா ஜெயிச்ச சந்தோஷத்தை விட, 'இந்த வெற்றிக்கு என்னோட பிரச்சாரமும் காரணம்'னு, சரத்குமார் நாளைக்கு பேட்டி கொடுப்பாரு பாரு! அதை நினைச்சாத்தான்யா ஒரே பீதியா இருக்கு!

* கொடியை இறக்கு, கொடியை இறக்குன்னு, கூட்டத்துல நாக்கை துருத்தாதீங்க'ன்னு எவ்வளவோ சொன்னோமே கேப்டன்! பாருங்க... இப்ப கொடியை மொத்தமா இறக்க வைச்சிட்டானுங்க!

* எல்லாரும் தேர்தல் பிரசாரத்துக்கு போயிட்டிருந்தப்போ, நம்ம தலைவர் மட்டும், 'விஜயகாந்த் வீட்டுக்குவர்றார்'ன்னு வடை சுட்டுட்டு இருந்தாருல்ல... அதான் இப்போ, 'அல்வா' சாப்பிடுறாரு!

* மோடியும் கிடையாது; லேடியும் கிடையாது'ன்னு, சொன்னீங்களே அண்ணாச்சி... இப்போ, மோடியும், லேடியும் ஹாப்பி. ஆனா, உங்க டாடி?

* டாக்டர் அய்யா... விட்றாதீங்க! மோடியோட நம்பிக்கையை, நம்ம சின்னய்யா மட்டும் தான் ஒண்டியா காப்பாத்தியிருக்காரு! அதனால அவருக்கு, 'துணை பிரதமர்' பதவியை எப்படியாவது வாங்கிடுங்க!

* அய்யோ... இனிமே, சைரன் வைச்ச எந்த வண்டியை பார்த்தாலும், போலீஸ் வண்டி மாதிரியே தெரியுமே! அம்புட்டு லட்சம் இருந்தும், ஒரு லட்சம் ஓட்டு வாங்க முடியாம போச்சே ராசா!

*டெல்லி சட்டசபைக்குள்ள போகலாம்னு பார்த்தா, எகத்தாளமா சிரிச்சானுங்க. சரி, பார்லிமென்டுக்காவது போயிடலாம்னு பார்த்தா, அதைவிட பயங்கரமா சிரிச்சுட்டானுங்க. இனிமே, நாம எங்கே போறது கேப்டன்?

* இந்த அசிங்கத்துக்கு, அவங்க கொடுத்த அந்த ஒரு தொகுதியிலேயே நின்னுருக்கலாம். அது பத்தாதுன்னு, இன்னொண்ணு கேட்டு வாங்கி, அவங்களா கொடுத்ததா பேட்டி கொடுத்து, ச்சே... இப்போ 'டபுள் ஷேமா' போயிடுச்சுப்பா!

* ம்ஹும்... அத்தனை கோஷ்டி இருந்தும், ஒரு கோஷ்டியால கூட, நம்ம, 'கை'யை உயர்த்த முடியலையே! 'ஹலோ... முட்டை நல்ல முட்டையா?'ன்னு போன் பண்ணி கேட்குறாய்ங்களே!

* அண்ணன் என்னடான்னா, 'தோல்விக்கு காரணம் சர்வாதிகாரம்'னு சொல்லுறாரு. 'மக்கள் தீர்ப்பை மனமுவந்து ஏத்துக்குறோம்'னு, தம்பி பேட்டி கொடுக்குறாரு! அப்பா, 'நாங்க இதைவிட, பயங்கரமான தோல்வியை பார்த்திருக்கோம்'னு, அறிக்கை விடுறாரு. என்னய்யா நடக்குது இங்கே?

* 'தந்தை சொல் மிக்க மந்திரமில்லை'ங்கறது தப்புன்னு இப்போவாவது புரிஞ்சுதா? 'கேப்டன் கூட சேராதே'ன்னு எங்க அய்யா சொன்னதை, சின்னய்யா கேட்டிருந்தா, இந்த வெற்றி கிடைச்சிருக்குமா?

* ஒரு தாய் கோபப்பட்டா, புள்ளை உடனே கோவிச்சுட்டு வெளியே போயிடறதா? 'கோழி மிதிச்சு குஞ்சுக்கு சேதாரம் ஆயிடுமா'ன்னு யோசிக்க வேண்டாமா? இப்ப என்னாச்சு... கோழி மிதிக்காமலேயே சேதமாயிடுச்சு! ம்ஹும்... இந்த சிவப்பு துண்டை மாத்திட வேண்டியது தான்!

-- dinamalar