ராசாவுக்கு ரூ.3 கோடியே 61 லட்சம் சொத்து ; கடன்- 33 லட்சம் - வரி பாக்கி 25 லட்சம்

நீலகிரி: நீலகிரி தொகுதியில் 2 வது முறை எம்.பி.,யாக போட்டியிடும், முன்னாள் மத்திய அமைச்சர் அ. ராசா தனக்கு ரூ. 3 கோடியே 61 லட்சம் சொத்துக்கள் இருப்பதாக தனது வேட்பு மனுவில் தெரிவித்துள்ளார்.

மாவட்ட கலெக்டர் சங்கரிடம் ராசா தனது வேட்பு மனுவை கொடுத்தார். இந்த மனுவில் அவர் காட்டியிருக்கும் சொத்து மதிப்பு விவரம் வருமாறு:

அசையும் மற்றும் அசையா சொத்துக்களின் மொத்த மதிப்பு ; ரூ. 3 கோடியே 61 லட்சம்.

கடன்- 33 லட்சம்,

செலுத்தப் படாமல் உள்ள வரி பாக்கி 25 லட்சம்.

இவ்வாறு அவர் கூறியுள்ளார்.

அசையும் சொத்து;

1 கோடியே 45 லட்சத்து 90 ஆயிரத்து 850 ரூபாய்

மனைவி பரமேஸ்வரி பெயரில் 93 லட்சத்து 93 ஆயிரத்து 597 ரூபாய்.

மகள் மயூரி பெயரில் 18 லட்சத்து 15 ஆயிரத்து 400 ரூபாய்.

பரபரம்பரை 41 லட்சத்து 3 ஆயிரத்து 540 ரூபாய்.

அசையா சொத்து:

தனது பெயரில் 32 லட்சத்து 85 ஆயிரத்து 375 ரூபாய்

மனைவியின் பூர்வீக சொத்து 14 லட்சத்து, 53, 875 ரூபாய்

பாகப்பிரிவினை செய்யப்படாத பரம்பரை சொத்து மதிப்பு 14 லட்சத்து 53 ஆயிரத்து 875 ரூபாய்.

கடன் விவரம் :

தனது பெயரில் கடன் , 35 லட்சத்து 51 ஆயிரத்து 680 ரூபாய்.

மனைவி பெயரில் கடன் மூன்றரை லட்சத்து 92 ஆயிரத்து 864 ரூபாய்

பரபரம்பரை சொத்தில் கடனாக, 20 ஆயிரத்து 823 ரூபாய்.

இது தவிர வருமான வரி செலுத்துவதில் சில குளறுபடிகள் உள்ளதால் எனது பெயரில் 25 லட்சத்து 52 ஆயிரத்து 260 ரூபாய் நிலுவையில் உள்ளது. பரபரம்பரை சொத்தில் , 3 லட்சத்து 24 ஆயிரத்து 420 ரூபாய் வரி செலுத்தப்டாமல் உள்ளது.

2 ஜி ஸ்பெக்ட்ரம் வழக்கு டில்லி கோர்ட்டில் நடந்து வருவதாகவும் தனது மனுவில் அவர் கூறியுள்ளார்.

ஜெ., வாய்தா வாங்குவது ஏன்? மனு தாக்கலுக்கு பின்னர் நிருபர்களிடம் பேசிய ராசா, பொள்ளாச்சியில் பேசிய ஜெ., 2 ஜி ஸ்பெக்ட்ரம் குறித்து பேசினார். இதற்கான பார்லி., குழுவில் தம்பித்துரை , மைத்ரேயன் இருந்தனர். இவர்கள் ஜெ.,வுக்கு ஸ்பெக்ட்ரம் தொடர்பாக சொல்லியிருப்பர். என் மீது குற்றம் சாட்டப்பட்ட நிலையிலும் நான் ஸ்பெக்ட்ரம் குறித்து அவர்கள் கேட்கும் கேள்விக்கு பதில் அளிக்க தயாராக இருக்கிறேன்.

ஸ்பெக்ட்ரம் குறித்து பேசும் ஜெ., பெங்களூரூவில் நடக்கும் சொத்துக்குவிப்பு வழக்கு குறித்து வாய்திறக்காதது ஏன் ? தொடர்ந்து வாய்தா வாங்குவது ஏன்? எனக்கு எவ்வித அச்சமும் இல்லை. இதனால் தான் நான் வழக்குகளில் ஆஜராகி வருகிறேன். ஆனால் ஜெ., கோர்ட்டுக்கு செல்ல அச்சப்படுகிறார். இவர் ஸ்பெக்ட்ரம் குறித்து பேசுவதால் எனது வெற்றி ஒன்றும் பாதிக்காது. நான் மீண்டும் மக்களால் தேர்வு செய்யப்படுவேன் . இவ்வாறு ராசா கூறினார்.

தினமலர்

புத்திசாலித்தனமா திருடத்தெரிந்தவர்கள்..திறமையாக திட்டமிட்டு கொள்ளையடிக்கும் கலை நன்றாக அறிந்திருப்பவர்கள் இந்த காலத்து அரசியல்வாதிகள்..இவர்கள் சட்டத்தை ஏமாற்றலாம்...ஏனெனில் சட்டம் எங்கிருந்தோ வந்த ஒன்றல்ல..மனிதர்களால் உருவாக்கப்பட்ட ஓட்டை சட்டைதான்...எல்லா அரசியல் மனிதர்களும் தேர்தல் ஆணைத்திற்கு காட்டுவதற்கென்றே ஒரு கணக்கு வைத்திருப்பார்கள்..இது தேர்தல் ஆணையத்திற்கும் தெரியும்..மக்களுக்கும் தெரியும்..