காங்கிரஸ்கார்... கவனிங்க சார்!

வரப்போகும் தேர்தலில் கூட்டணி சவாரி செய்ய முடியாமல் தனித்து விடப்பட்ட காங்கிரஸின் நிலை அந்தோ பரிதாபம். ஆகவே அவர்களுக்கு, வரும் தேர்தலில் பொழுதுபோக்க உருப்படியான டிப்ஸ்:

தங்கள் கட்சி வேட்பாளர்கள் 40 பேரில் யாருக்கு டெபாசிட் தேறும் என்று பந்தயம் கட்டலாம். இப்படியான பந்தயம் காங்கிரஸ் வேட்பாளர்களையும் ஓரளவு உற்சாகப்படுத்தும்!

காங்கிரஸ் கட்சி மீட்டிங்கிற்கு பிரியாணிக்குக்கூட கைதட்ட யாரும் வர மறுக்கும் சூழலில், காங்கிரஸ் வேட்பாளர்களின் பொதுக்கூட்டத்தில் கலந்துகொண்டு டிஜிட்டல் கைத்தட்டல் சத்தங்களை ஒலிபரப்பி, மேடையில் பேசுவோரை உற்சாகப்படுத்தலாம்!

முழு ஆண்டுத் தேர்வு நேரம் என்பதால், அவரவர் வீட்டுக் குழந்தைகளை ஒழுங்காகப் படிக்கவைப்பது, கேள்வி கேட்பது என படிப்பிற்கு உறுதுணையாக இருந்தால், மனைவியிடம் நல்ல பெயர் சம்பாதிக்கலாம்.

ராகுல்காந்தி பிரசாரத்திற்கு வருவது தெரிந்தால், வீட்டிற்கு விருந்திற்கு அழைக்கலாம். பழைய சோறு போட்டு, வெங்காயம், பச்சை மிளகாய் வெஞ்சனத்தைக் கடிக்கக் கொடுத்து போட்டோ எடுத்து பப்ளிசிட்டி செய்து ஒன்றிரண்டு அனுதாப ஓட்டுக்களைத் தேற்ற முயற்சிக்கலாம்!

அரசியல்வாதிகளின் முகத்தில் மை ஊற்றுவது தற்போது ஃபேஷனாகி வருகிறது. அப்படி ஊற்றும்போது முகத்தைப் பாதுகாக்க வேட்பாளர் மட்டுமல்லாது, உடன் செல்லும் தொண்டர்களும் முகமூடி அணிந்துகொள்வது நல்லது!

காங்கிரஸுக்கு வாக்கு கேட்டுச் செல்லவிருப்பதாக வீட்டில் சொன்னால், மனைவிகூட மதிக்க மாட்டாங்க. வெட்டி வேலை பார்க்கிறதே பொழப்பா போச்சுனு கிளம்பும்போதே அபசகுனமா சொல்வாங்க. எனவே ஆபீஸுக்குப் போவதாய்ச் சொல்லிட்டுக் கிளம்புங்க!

தெருத் தெருவா சென்று ஓட்டுக் கேட்கப் போறப்போ, காங்கிரஸ் கட்சியோட கொடி, பேனர்களைப் பயன்படுத்தாதீங்க. சர்ப்ரைஸா வீட்டுக்கு முன்னால் போய் நின்னு, காலிங் பெல்லை அழுத்தியதும் வரப்போகிற குடும்பத் தலைவரின் காதில் ரகசியமா காங்கிரஸுக்காக ஓட்டுக் கேட்டு வர்ற விஷயத்தைச் சொல்லுங்க!

முடிந்தவரை நேரடியாக ஓட்டுக் கேட்டுப் போவதைத் தவிர்ப்பது புத்திசாலித்தனம். வீடியோ கான்ஃபெரன்ஸிங், லோக்கல் டி.வி சேனல் மூலமாக பிரசாரம் பண்றது பெட்டர். என்னதான் கடுப்பானாலும் சொந்த டி.வி-யை யாரும் உடைக்கிற அளவுக்கு வர மாட்டாங்க!

தமிழ்நாட்டின் தனி சக்தியாகத் திகழும் முன்னாள் நடிகர் கார்த்திக் (கட்சி பெயர் நினைவில் இல்லை) காங்கிரஸில் இணைந்துள்ள சூழ்நிலையில் காங்கிரஸ் அகில இந்திய அளவில் பெரும்பான்மையான இடங்களைக் கைப்பற்றி மத்தியில் ஆட்சி அமைக்கும் என்று சர்வதேச ஊடகங்கள் கூறுகின்றன.

காங்கிரஸ் கட்சியும், அவரை எப்படி கழற்றிவிடுவது
என்பது குறித்தே பேசி வருவதாகவும், கூறப்படுகிறது.
--

சிவா wrote:[link="/t109072-topic#1055930"]தமிழ்நாட்டின் தனி சக்தியாகத் திகழும் முன்னாள் நடிகர் கார்த்திக் (கட்சி பெயர் நினைவில் இல்லை) காங்கிரஸில் இணைந்துள்ள சூழ்நிலையில் காங்கிரஸ் அகில இந்திய அளவில் பெரும்பான்மையான இடங்களைக் கைப்பற்றி மத்தியில் ஆட்சி அமைக்கும் என்று சர்வதேச ஊடகங்கள் கூறுகின்றன.