கணபதி சிலை தமிழகத்தில் திருடப்பட்டதா?- ஆய்வு செய்கிறது அமெரிக்க அருங்காட்சியகம்

அமெரிக்காவின் ஓஹையோ மாகாணம் டோலடோ அருங் காட்சியகத்தில் வைக்கப் பட்டுள்ள வெண்கல கணபதி சிலை தமிழகத்தில் திருடப்பட்டதா என அந்நாட்டு அரசு விசாரணை நடத்தி வருகிறது.

இதுகுறித்து அருங்காட்சி யகத்தின் தொலைத் தொடர்புத் துறை இயக்குனர் கெல்லி கரோ கூறுகையில், "கணபதி சிலை குறித்த விசாரணை தொடக்க நிலையில் உள்ளது. இந்த சிலை தொடர்பான சில ஆவணங்களை சமர்ப்பிக்குமாறு நீதிமன்றம் கேட்டுக் கொண்டுள்ளது. இது தொடர்பாக நீதிமன்றத்துக்கு முழு ஒத்துழைப்பு வழங்கப்படும்" என்றார். இந்திய சிலை தரகர் சுபாஷ் கபூரிடமிருந்து கடந்த

2006-ம் ஆண்டு வாங்கப்பட்ட இந்த சிலையை டோலடோ அருங்காட்சியகம் தனது ஆசிய சிற்பக்கலைக் கூடத்தில் காட்சிப்படுத்தி உள்ளது. அதன்பிறகு கபூர் 56 சிறிய டெரகோட்டா சிலைகளையும் அந்த அருங்காட்சியகத்துக்கு விற்பனை செய்துள்ளார். மேலும் கடந்த 2001 முதல் 2010 வரையிலான காலத்தில் 7 சிலைகளை கபூர் அந்த அருங் காட்சியகத்துக்கு விற்பனை செய்துள்ளார்.

தமிழகத்தில் உள்ள ஒரு கிராமத் தில் கடந்த ஆண்டு ஜூலை மாதம் காணாமல் போன 18 உலோக சிலைகளில் கணபதி சிலையும் அடங்கும். இதுதொடர்பாக அமெரிக்க நீதிமன்றத்தில் மனு செய்யப்பட்டுள்ளது.

அதில் டோலடோ அருங்காட்சிய கத்தில் உள்ள கணபதி சிலை தமிழகத்தில் காணாமல் போன சிலையைப் போல இருப்பதாகக் கூறப்பட்டுள்ளது. இதையடுத்து இதுகுறித்து விசாரிக்குமாறு நீதி மன்றம் அருங்காட்சி யகத்துக்கு உத்தரவிட்டுள்ளது.

டோலடோ அருங்காட்சியகத் துக்கும் இந்திய போலீஸார் ஒரு அறிக்கை அனுப்பி உள்ளனர். காணாமல் போன கணபதி சிலையின் புகைப்படத்துடன் அனுப்பி வைக்கப்பட்டுள்ள அந்த அறிக்கையில், அருங் காட்சியகத்தில் உள்ள சிலை தமிழகத்தில் காணாமல் போன சிலையைப் போலவே இருப்ப தாக கூறப்பட்டுள்ளது.

சட்டவிரோதமாக சிலைகளை ஏற்றுமதி செய்ததாக சுபாஷ் கபூர் மீது இந்திய நீதிமன்றத்தில் வழக்கு தொடுக்கப்பட்டுள்ளது. மேலும், இந்தியாவில் திருடிய நடராஜர் சிலையை ஆஸ்திரேலிய தேசிய கலைக்கூடத்துக்கு விற்பனை செய்தது தொடர்பாக அந்நாட்டிலும் கபூர் மீது வழக்கு தொடுக்கப்பட்டுள்ளது.

பிள்ளையாரை திருடி வைத்தால் நன்கு அருள்புரிவார் என்பது அமெரிக்ககாரன் வரைக்கும் தெரிந்திருக்கிறது!