MAS மற்றும் போயிங் மீது 4.95பில்லியன் ரிங்கிட் இழப்பீடு கோரி குடும்பத்தினர் வழக்கு

**சிவா** · **சிவா** Thu Mar 27, 2014 3:41 pm

கோலாலம்பூர், மார்ச் 27 – மலேசியன் ஏர்லைன்ஸ் மற்றும் போயிங் விமான நிறுவனங்களுக்கு எதிராக MH370 பயணிகளின் குடும்பத்தினர் 4.95பில்லியன் ரிங்கிட் இழப்பீடு கோரி வழக்கு தொடர்ந்துள்ளனர்.

இவ்வழக்கில் சிக்காகோவை மையமாகக் கொண்டு செயல்படும் Ribbeck Law Chartered வழக்கறிஞர் நிறுவனம் MH370 விமானத்தின் பயணிகள் சார்பாக வழக்காடுகிறது.

விமான போக்குவரத்து சட்டத்துறையில் நிபுணத்துவம் பெற்றுள்ள Ribbeck Law Chartered நிறுவனத்தை MH370 விமானத்தில் பயணம் செய்த சீனா மற்றும் இந்தோனேசியப் பயணிகளின் குடும்பத்தினர் அணுகியதாக அவ்வழக்கறிஞர் ஆலோசனை நிறுவனத்தின் தலைமை வழக்கறிஞர் மொனிக்கா கெல்லி தெரிவித்தார்.

கடந்த மார்ச் 8-ஆம் தேதி காணாமல் போன விமானத்தில் 153 சீன நாட்டவர்களும், 7 இந்தோனேசியர்களும் பயணம் செய்தனர் என்பது குறிப்பிடத்தக்கது.

காணாமல் போன விமானத்தில் பயணம் செய்த பல நாட்டுப் பயணிகளின் குடும்ப உறுப்பினர்களைத் தொடர்பு கொண்டு இந்த இழப்பீடு வழக்கில் பங்கேற்குமாறு தங்களது நிறுவனம் கேட்டுக் கொண்டு வருவதாக கெல்லி தெரிவித்தார்.

“நாங்கள் இதுவரை, விமானமோ, அதில் பயணித்தவர்களோ அல்லது கருப்புப் பெட்டி இல்லாத பட்சத்தில் கூட வழக்கை வென்றிருக்கிறோம்” என்றார் அவர்.

முன்னதாக, இவ்வழக்கு தொடர்பாக மலேசியன் ஏர்லைன்ஸ் நிறுவனத்தைக் கேட்டபோது தாங்கள் இவ்வழக்கு குறித்து அறிந்து வைத்துள்ளதாக அவ்விமான நிறுவனத்தின் பேச்சாளர் தெரிவித்துள்ளார்.

**சிவா** · **சிவா** Thu Mar 27, 2014 3:43 pm

MH370 விமானத்தின் மர்ம முடிச்சு விரைவில் அவிழ்க்கப்படும்- டோணி அபோட்

ஆஸ்திரேலியா, மார்ச் 27- கடந்த மார்ச் 8-ஆம் தேதி காணாமல் போன MH370 விமானத்தின் மர்ம முடிச்சை விரைவில் அவிழ்ப்போம் என ஆஸ்திரேலியப் பிரதமர் டோணி அபோட் தெரிவித்துள்ளார்.

காணாமல் போன விமானத்தைத் தேடி கண்டுபிடிப்பதற்கு எங்களிடம் உள்ள அனைத்துத் தொழில்நுட்பங்களையும் எங்கள் அதிகாரிகள் பயன்படுத்தியுள்ளார்கள் என அவர் குறிப்பிட்டார்.

விமானத்தைத் தேடும் பணியில் 12 விமானங்கள் ஈடுபட்டுள்ளதாக ஆஸ்த்ரேலிய கடல் பாதுகாப்பு படை தெரிவித்துள்ளது.

மார்ச் 8-ஆம் தேதி பெய்ஜிங் நோக்கிப் புறப்பட்ட அந்த விமானத்தில் 239 பயணிகள் பயணித்தனர். விமானம் புறப்பட்ட ஒரு மணி நேரத்தில் ராடார் கருவியிலிருந்து துண்டிக்கப்பட்ட அந்த விமானம் பற்றிய எந்தவித தகவலும் இதுவரை கிடைக்கவில்லை.

முதலில் சீனக்கடலுக்கு மேலே பறந்து கொண்டிருந்த போது வியட்னாம் தோ சூ தீவுக்கு 250 கிலோமீட்டர் தொலைவில் கடலில் விழுந்து நொறுங்கியதாக தொடக்கக் கட்டத் தகவல் வெளியானது. பின்னர் அங்கு நடத்தப்பட்ட தேடுதல் நடவடிக்கைகள் அனைத்தும் தோல்வியடைந்ததைத் தொடர்ந்து வடக்கு மற்றும் தென்பகுதி தேடுதல் நடவடிக்கைகள் முடுக்கிவிடப்பட்டன.

தென் பகுதியில் இந்தியப் பெருங்கடல் பகுதியில் தான் விமானம் கடைசியாகத் தென்பட்டதற்கான அறிகுறி துணைக்கோள் துணையுடன் கண்டுபிடிக்கப்பட்டதைத் தொடர்ந்து, அப்பகுதியில் தான் MH370 விமானத்திற்கான தேடுதல் வேட்டை நடைபெற்றுக் கொண்டிருக்கிறது.

ஆஸ்திரேலியா, பெர்த் அருகே தொலைதூரத்தில் விமானம் விழுந்திருப்பதற்கான சாத்தியக் கூறுகள் அதிகரித்திருப்பதால், ஆஸ்திரேலியா தேடுதல் மற்றும் மீட்புப் படைக்குத் தலைமையேற்று MH370 விமானத்தைத் தேடி வருகிறது. ஆச்திரேலியாவோடு இணைந்து 26 நாடுகள் இந்த தேடுதல் நடவடிக்கையில் இறங்கியுள்ளது, குறிப்பிடத்தக்கது.

**விஸ்வாஜீ** · **விஸ்வாஜீ** Fri Mar 28, 2014 7:24 am

எப்போது முடியுமோ பாவம் அவர்களது உறவினர்கள்

Sponsored content · Sponsored content

MAS மற்றும் போயிங் மீது 4.95பில்லியன் ரிங்கிட் இழப்பீடு கோரி குடும்பத்தினர் வழக்கு

MAS மற்றும் போயிங் மீது 4.95பில்லியன் ரிங்கிட் இழப்பீடு கோரி குடும்பத்தினர் வழக்கு

Re: MAS மற்றும் போயிங் மீது 4.95பில்லியன் ரிங்கிட் இழப்பீடு கோரி குடும்பத்தினர் வழக்கு

Re: MAS மற்றும் போயிங் மீது 4.95பில்லியன் ரிங்கிட் இழப்பீடு கோரி குடும்பத்தினர் வழக்கு

Re: MAS மற்றும் போயிங் மீது 4.95பில்லியன் ரிங்கிட் இழப்பீடு கோரி குடும்பத்தினர் வழக்கு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக