மருத்துவப் பழமொழிகள்

**சிவா** · **சிவா** Tue Mar 25, 2014 1:30 am

நம் முன்னோர் கூறிய முதுமொழிகளை "பழமொழிகள்' என்றும் கூறுவர். அக்காலத்தில் வாய்மொழியாகச் சொல்லிவந்த பழமொழிகள் பல மனிதர்களின் நல்வாழ்வுக்கும் ஆரோக்கியத்துக்கும் வித்திடுகின்றன. அன்றாடம் நாம் உண்ணும் உணவே மருந்தாகப் பயன்படுகிறது என்பதைக் கீழ்வரும் பழமொழிகள் கூறுகின்றன:

* "கோழைக்கு எதிர் தூதுவளை, நம் குடும்பத்தின் தெய்வம் துளசி இலை'
* "வாதத்தை அடக்கும் முடக்கத்தான், நல்வாழ்வுக்கு வேண்டுமே முருங்கைதான்'
* "கண்ணுக்கு நன்மை செய்யும் பொன்னாங்கண்ணி' மஞ்சள் காமாலைக்கு மருந்தாகும் கரிசலாங்கண்ணி'
* "குடல் புண்ணை ஆற்றிடும் மணத்தக்காளி, சிறுநீரைப் பெருக்கிடும் சிறுகீரை'
* "கோழையை இளக்கும் குப்பைமேனிச் சாறு'
* "அரணைக் கடியை ஆற்றும் சிறுகுறிஞ்சான்'
* "காசநோய்க்கு கண்கண்ட வெந்தயக்கீரை'
* "ஆசன வெடிப்புக்குத் துத்திக்கீரை'
* "தொண்டை, காது, சுவாச நோய்களுக்குத் தூதுவளைக்கீரை'
* "வெங்காயம் உண்போர்க்குத் தங்காயம் பழுதில்லை'
* "கிழங்குகளில் கருணையன்றி வேறொன்றும் புசியாதே'
* "நெஞ்சில் கபம் போம், நிறை இருமி நோயும் போம் விஞ்சு வாதத்தின் விளைவு போம்'
* "நன்னாரி மேனியைப் பொன்னாக்கும்'
* "விடா சுரத்திற்கு விஷ்ணுக் கரந்தை'
* "விஷத்தைக் குடித்தவன் மிளகு நீர் குடிக்க வேண்டும்'
* "ஆலம்பட்டை மேகத்தைப் போக்கும்'
* "வில்வம் பித்தம் தீர்க்கும்'
* "காலை இஞ்சி, கடும் பகல் சுக்கு, மாலை கடுக்காய்'
* "அனைத்து வியாதிக்கும் அருகம்புல் சாறு'

- இவ்வாறு மனித உடம்பைத் தாக்கும் நோய்களையும் மருத்துவரிடம் சொல்லாமல், அந்நோயைத் தீர்க்க எடுத்துக்கொள்ள வேண்டிய மருந்துகளையும் மிகத் தெளிவாக எடுத்தியம்புகின்றன இப் பழமொழிகள்.

தினமணி

**மாணிக்கம் நடேசன்** · 14/12/2009

நன்றி மருத்துவ மாமா அங்கள்.

**ayyasamy ram** · **ayyasamy ram** Thu Mar 27, 2014 11:33 am

-

மருத்துவப் பழமொழிகள் IQxfmhSgSNd8lazGcFbA+thulasi

Sponsored content · Sponsored content

மருத்துவப் பழமொழிகள்

மருத்துவப் பழமொழிகள்

Re: மருத்துவப் பழமொழிகள்

Re: மருத்துவப் பழமொழிகள்

Re: மருத்துவப் பழமொழிகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக