சத்தீஸ்கரில் நக்சல் தாக்குதல்: பாதுகாப்பு படையினர் 20 பேர் பலி

சத்தீஸ்கர் மாநிலம் சுக்மா மாவட்டத்தில் நக்சலைட்டுகள் நடத்திய தாக்குதலில் சி.ஆர்.பி.எப் வீரர்கள் உள்பட பாதுகாப்புப் படையினர் 20 பேர் பலியாகினர்.

இது குறித்து அம்மாநில ஏ.டி.ஜி.பி. முகேஷ் குப்தா தி இந்துவுக்கு அளித்த பேட்டியில், "பலியான 20 வீரர்களில் 5 பேர் சுக்மா மாவட்ட காவல்துறையினர், 15 பேர் சி.ஆர்.பி.எப். வீரர்கள். இந்தத் தாக்குதலில் இருந்து 44 வீரர்கள் தப்பிவிட்டனர்" என்று தெரிவித்தார்.

சாலை திறப்புக்கான ஏற்பாடுகளை பார்வையிட மத்திய ரிசர்வ் போலீஸ், சுக்மா மாவட்ட போலீசார் உள்ளிட்ட வீரர்கள் சென்று கொண்டிருந்தனர். அப்போது வெடிகுண்டை வெடிக்கச் செய்து பாதுகாப்புப் படையினர் மேலும் முன்னேறிச் செல்ல முடியாமல் நக்சலைட்டுகள் தடுத்தி நிறுத்தியுள்ளனர்.

பின்னர் வனப்பகுதியில் பதுங்கியிருந்தபடியே நக்சலைட்டுகள் சரமாரியாக தாக்குதல் நடத்தியுள்ளனர். இதில் 20 வீரர்கள் கொல்லப்பட்டனர்.

சம்பவ இடத்துக்கு மூத்த போலீஸ் அதிகாரிகள், பாதுகாப்புப் படை உயர் அதிகாரிகள் விரைந்துள்ளனர்.

சத்தீஸ்கர் மாநிலம் சுக்மா மாவட்டத்தில் நக்சலைட்டுகள் தாக்குதல் சம்பவத்தை மத்திய உள் துறை அமைச்சர் சுஷில்குமார் ஷிண்டே உறுதி செய்துள்ளார்.

கடந்த 2010-ம் ஆண்டு சத்தீஸ்கர் மாநிலம் தண்டேவாடா மாவட்டத்தில் நக்சலைட்டுகள் நடத்திய கண்ணிவெடி தாக்குதலில் சிக்கி சி.ஆர்.பி.எப். வீரர்கள் 75 பேர் பலியாகினர் என்பது கவனிக்கத்தக்கது.

15 நாளில் 2-வது தாக்குதல்:

பஸ்தார் பழங்குடியின பகுதியில் கடந்த 15 நாட்களில் நடைபெறும் 2-வது தாக்குதல் இது என்பது குறிப்படத்தக்கது. கடந்த மாதம் 28-ம் தேதி மாவோயிஸ்டு தாக்குதலில் 5 வீரர்கள் கொல்லப்பட்டனர்.

இந்து

மாவோயிஸ்டு தாக்குதல் குறித்து கருத்து சொல்ல சுஷில்குமார் ஷிண்டே மறுப்பு

மத்திய உள்துறை அமைச்சர் சுஷில்குமார் ஷிண்டே, சத்தீஷ்கர் நடந்த மாவோயிஸ்டு தாக்குதல் பற்றி கருத்து சொல்ல மறுத்துவிட்டார்.

சத்தீஷ்கர் மாநிலத்தில் நக்சலைட் தீவிரவாதிகள் ஆதிக்கம் நிறைந்த சுக்மா மாவட்டம் தோங்பாலில் பகுதியில் மத்திய ரிசர்வ் போலீசார் அம்மாநில போலீசாருடன் இணைந்து பாதுகாப்பு பணியில் ஈடுபட்டிருந்தனர்.அப்போது, மறைந்திருந்த தீவிரவாதிகள் பாதுகாப்பு படையினரை குறி வைத்து கண்ணிவெடி தாக்குதல் மற்றும் துப்பாக்கி சூடு தாக்குதல் நடத்தியுள்ளனர். சுமார் 150 மாவோயிஸ்ட்கள் வந்து தாக்குதல் நடத்தியுள்ளனர் என்று தெரிவிக்கப்பட்டுள்ளது.

தாக்குதலில் சிக்கி 15 மத்திய ரிசர்வ் போலீஸ் படை வீரர்கள் உள்பட 20 பேர் பலியாகினர். இதனை அடுத்து அங்கு உயிர் தப்பிய பாதுகாப்பு படையினரும் தாக்குதல் நடத்தியுள்ளனர். சம்பவ இடத்திற்கு பாதுகாப்பு படையினர் விரைந்துள்ளனர். வீரர்கள் காயம் அடைந்தனர்.

இந்த நிலையில் மத்திய அமைச்சர் சுஷில் குமார் ஷிண்டே, தனது வடக்கு பகுதி அலுவலகத்தை விட்டு வெளியேறும் முன் பேசுகையில், இந்த சம்பவம் பற்றிய முழுவிவரம் எனக்கு இன்னும் தெரியவரவில்லை. இது பற்றிய முழுவிவரம் கிடைத்த பின்னரே நான் கருத்து செல்வேன் என்று தெரிவித்தார்.

இந்த நிலையில் மத்திய அமைச்சர் சுஷில் குமார் ஷிண்டே, தனது வடக்கு பகுதி அலுவலகத்தை விட்டு வெளியேறும் முன் பேசுகையில், இந்த சம்பவம் பற்றிய முழுவிவரம் எனக்கு இன்னும் தெரியவரவில்லை. இது பற்றிய முழுவிவரம் கிடைத்த பின்னரே நான் கருத்து செல்வேன் என்று தெரிவித்தார்.

அவன் கருத்து சொன்னாலும் அப்படியே ..!!

நமது CRPF வீரர்களுக்கு mine protected வாகனங்கள் இல்லை ..ஆனால் லோக்கல் MLA பத்து பதினைந்து கார்களில் வலம் வந்து கொண்டிருக்கிறான்

கீழே பாருங்கள் இதுதான் நமது mine protected வாகனங்கள் ..ஒரு வருடத்தில் சுமார் 150 தயாரிக்கிறது நமது தொழிற்சாலைகள் ஆனால் நமக்கு சுமார் 5000 MPV தேவை ..