மாஸ் ஏர்லயன்ஸ் MH370 கடலில் விழுந்தது

மலேசிய விமானத்தைக் கடத்தியது ரஷ்ய தீவிரவாதிகள்?.. உலா வரும் புது பரபரப்பு!

: மலேசியன் ஏர்லைன்ஸ் விமானம் மாயமானது உலகம் முழுவதும் பெரும் பரபரப்பையும், அது தொடர்பாக மலேசியா தரும் செய்திகள் பெரும் குழப்பத்தையும், பதட்டத்தையும் அதிகரித்து வருகிறது. இந்த நிலையில் விமானம் காணாமல் போகவில்லை, கடத்தப்பட்டுள்ளதாக ஒரு இணையதளம் செய்தி வெளியிட்டுள்ளது. மேலும் இந்தக் கடத்தலை மேற்கொண்டது ரஷ்யாவைச் சேர்ந்த தீவிரவாதிகள் என்றும் அது கூறுகிறது. அந்த விமானத்தில் சீனாவைச் சேர்ந்த முன்னணி தொழிலதிபர்கள் நான்கு பேர் இருந்ததாகவும், அவர்களைக் குறி வைத்தே விமானம் கடத்தப்பட்டிருப்பதாகவும் அந்த செய்தி கூறுகிறது. மேலும் இந்த விமானக் கடத்தல் சீன அரசுக்கும், மலேசிய அரசுக்கும் நன்றாகத் தெரியும் என்றும், ஆனால் இரு நாடுகளுக்கும் ரஷ்யா நட்பு நாடு என்பதால் விஷயத்தை கமுக்கமாக வைத்து, தீவிரவாதிகளுடன் ரகசியப் பேச்சுக்களில் அவர்கள் ஈடுபட்டிருப்பதாகவும் இந்த செய்தி மேலும் தெரிவிக்கிறது. அந்த இணையதளம் வெளியிட்டுள்ள செய்தி... உலக பொருளாதாரத்தை தன் கட்டுப்பாட்டில் வைத்திருந்த சீன செல்வந்தர்கள் 4 பேர் ரஷ்ய கடத்தல் கும்பலால் கண்காணிக்கப்பட்டு வந்தனர். இவர்கள் 4 பேரும் ஒருசேர இந்த விமானத்தில் பயணித்ததை அறிந்த ரஷ்ய கடத்தல் கும்பலை சேர்ந்த 2 பேர் போலி கடவு சீட்டு மூலம் அந்த விமானத்தில் பயணித்து சீனா சென்று தரையிறங்கும் முன் அதிநவீன தொழில் நுட்பத்துடன் செயற்கைகோள் கண்ணில் படாமல் ரஷ்யாவிற்கு கடத்தி சென்றுள்ளனர். அந்த விமானத்தில் பயணித்த பயணிகளின் உறவினர்கள் விமான நிலையத்தில் கூக்குரல் இட்டபோது சீன அரசாங்கம் பயணிகளின் உறவினர்களை விமான நிலையத்தில் இருந்து அகற்றி தனியார் விடுதியில் தங்க வைத்தனர். அவ்வுறவினர்களை ரகசியமாக விமான பயணிகளிடம் பேச வைத்துள்ளனர். இவ்வாறு மலேசிய அரசாங்கமும், சீன அரசாங்கமும் தங்கள் நாட்டிற்கு ரஷ்யா நட்பு நாடு என்பதாலும் இரு நாட்டிற்கும் அவபெயர் ஏற்படாமல் இருக்க இந்த விஷயத்தை ரகசியமாக வைத்துள்ளதாக அந்த செய்தி கூறுகிறது.

ரமணியன்

நன்றி தட்ஸ் தமிழ்

துப்பறியும் கதையை மிஞ்சுகிறது
நியூயார்க்: மாயமான மலேசிய ஏர்லைன்ஸ் விமானம் ரேடாரில் இருந்து மாயமான பிறகு 4 மணிநேரம் வானில் பறந்ததுள்ளது. அதன் பின்னர் ஏது ஏதோ ஒரு அடையாளம் தெரியாத இடத்திற்குத் திருப்பி விடப்பட்டிருப்பதாக அமெரிக்க விசாரணை அதிகாரிகள் சந்தேகம் தெரிவித்துள்ளனர். இதன் மூலம் இந்த விமானம் கடத்தப்பட்டு எங்கோ ஒரு இடத்தில் பதுக்கி வைக்கப்பட்டிருப்பதற்கான சாத்தியக்கூறுகள் அதிகரித்துள்ளன. சம்பந்தப்பட்ட விமானத்திலிருந்து தானாகவே அனுப்பப்படும் தகவல்கள் மூலம் இதை அமெரிக்கா கண்டுபிடித்துள்ளது. போயிங் விமானமான அதில் பொருத்தப்பட்டுள்ள ரோல்ஸ் ராய்ஸ் என்ஜினிலிருந்து விமானம் பறப்பது தொடர்பான தகவல்கள் ஆட்டோமேட்டிக்காக தரைத் தளத்திற்கு வந்து சேரும். அதை ஆய்வு செய்த அமெரிக்கக் குழு இப்படி சந்தேகம் தெரிவித்துள்ளது. இந்த செய்தியை, அமெரிக்காவின் வால் ஸ்ட்ரீட் பத்திரிக்கை செய்தி வெளியிட்டுள்ளது. விமானம் ரேடார் பார்வையிலிருந்து தப்பிய பின்னர் பல நூறு மைல்கள் அது தொடர்ந்து பறந்துள்ளது. அதாவது அந்த விமானம் சீனா செல்லும் வழியில் பாதியிலேயே எங்கோ திருப்பி விடப்பட்டுள்ளது. அதன் பின்னர்தான் அது ராடார் பார்வையிலிருந்து தப்பியுள்ளது. அதன் பின்னர் தொடர்ந்து அது பறந்துள்ளது. பின்னர் எங்கோ அது போயுள்ளது. எதற்காக விமானம் கூடுதலாக பல நூறு மைல்கள் சென்றது, எதற்காக வழக்கமான பாதையில் இருந்து மாறிச் சென்றது என்ற கேள்விகளுக்கு இதுவரை விடை கிடைக்கவில்லை. அமெரிக்காவின் இந்த புதிய சந்தேகம் மூலம் விமானம் கடத்தப்பட்டு எங்காவது வைக்கப்பட்டிருக்கலாமோ என்ற சந்தேகம் வலுத்துள்ளது. விமானம் தொடர்ந்து பறந்ததைக் கண்டுபிடித்துள்ள அமெரிக்கா, அடுத்து அது தற்போது எங்கு உள்ளது என்பதையும் கண்டுபிடித்துச் சொல்லும் என்று நம்புவோம்.

ரமணியன்

நன்றி தட்ஸ் தமிழ்

.


தேடுதலில் ஈடுபட்டுள்ள நாடுகளின் விமானங்கள் மற்றும் கப்பல்களின் எண்ணிக்கை ..இதில் அமெரிக்கா சீனா மற்றும் இந்திய நாடுகள் செயற்கைக்கோள் மூலமும் தேடி வருகின்றன

.


விமானத்தை தீவிரவாதிகள் கடத்தியிருக்கலாம் என்று மலேசிய அரசு கூறியதாக சில ஆங்கில செய்தி நிறுவனங்கள் செய்தி வெளியிட்டு உள்ளன

இதில் எந்த அளவு உண்மைத் தன்மை உண்டு என்பது தெரியவில்லை

ஆக மொத்தத்தில இப்போ அது எங்கே இருக்கு??

இன்னும் மர்மம் விலகவில்லையே

.

M.M.SENTHIL wrote:ஆக மொத்தத்தில இப்போ அது எங்கே இருக்கு??

விமானம் கடத்தப்பட்டிருந்தால் அது ஒரு வேளை இந்தோனேசியா நாட்டில் எங்கேயாவது ஒரு இடத்தில் இருக்க வாய்ப்புகள் அதிகம்

விமானம் தீவிரவாதிகளால் கடத்தப்பட்டு 9/11 போன்ற ஒரு சம்பவத்திற்காக மலேசிய நோக்கி திரும்பியதாக the mirror தளத்தில் படித்தேன்.  

ஒருவேளை மலேசிய ராணுவம் விமானத்தை சுட்டு வீழ்த்தி விட்டு இப்படி நாடகமாடுகிறதா ?!


சஜீவ் சொல்லுவது போல விமானம் கடத்தப்பட்டு இந்தோனேசியா காடுகளில் எங்காவது மறைத்து வைக்கபட்டிருக்கவும் வாய்ப்புள்ளது




http://www.mirror.co.uk/news/world-news/missing-malaysia-airlines-flight-live-3219331