இந்தியாவுக்கு எதிராக புனிதப்போர் அழைப்பு: பாக்.கிற்கு இந்தியா கண்டனம்!

**சிவா** · **சிவா** Sat Feb 22, 2014 3:44 am

புதுடெல்லி: இந்தியாவுக்கு எதிராக புனிதப்போர் நடத்த வருமாறு தீவிரவாதி மசூத் அசார் அழைப்பு விடுத்த பொதுக்கூட்டத்திற்கு அனுமதி அளித்த பாகிஸ்தான் அரசுக்கு இந்தியா கடும் கண்டனம் தெரிவித்துள்ளது.

கடந்த 1999 ஆம் ஆண்டு நேபாள தலைநகர் காத்மாண்டுவிலிருந்து இந்தியா வந்த ஏர் இந்தியா விமானம்,பாகிஸ்தான் தீவிரவாதிகளால் கடத்திச் செல்லப்பட்டது. அதிலிருந்த பயணிகளை விடுவிக்க தீவிரவாதிகள் விடுத்த நிபந்தனையை ஏற்று காஷ்மீர் சிறையில் அடைக்கப்பட்டிருந்த தீவிரவாதி மசூத் அசார் அப்போது விடுவிக்கப்பட்டான்.

அதனைத் தொடர்ந்து பாகிஸ்தான் சென்ற மசூத், ஜெய்ஷ் இ மொகமத் என்ற தீவிரவாத இயக்கத்தை தொடங்கி, இந்தியாவுக்கு எதிரான ஜிகாத் ( புனிதப்போர்) நடத்த அவ்வப்போது அழைப்பு விடுத்து, தீவிரவாதிகளை தூண்டுவிடுவது வழக்கம். கடந்த 2001 ஆம் ஆண்டு இந்திய நாடாளுமன்றத்தில் தீவிரவாதிகள் நடத்திய தாக்குதலுக்கு மூளையாக செயல்பட்ட தீவிரவாதி மசூத் ஆஷார். மும்பை தாக்குதல் சம்பவத்திலும் மசூத்திற்கு தொடர்பு உண்டு.

நாடாளுமன்ற மற்றும் மும்பை தாக்குதலில் தொடர்பு உள்ளதால், மசூத்தை ஒப்படைக்குமாறு இந்தியா பலமுறை கேட்டும், அவனை ஒப்படைக்க பாகிஸ்தான் மறுத்து வருகிறது.

இதனிடையே இந்தியாவின் முறையீட்டை தொடர்ந்து அமெரிக்கா கொடுத்த நிர்ப்பந்தம் காரணமாக அந்த இயக்கத்தை பாகிஸ்தான் தடை செய்தது. அமெரிக்காவும் அந்த இயக்கத்தை தடை செய்தது.

இதனைத் தொடர்ந்து மசூத் அவ்வளவாக வெளியில் நடமாடுவது இல்லை. இந்நிலையில், பாகிஸ்தானின் பஞ்சாப் மாகாணத்தில் உள்ள தனது சொந்த ஊரான பவல்பூரில் தங்கியிருக்கும் மசூத், கடந்த ஜனவரி மாத இறுதிவாக்கில், முஷாஃபராபாத்தில் நடைபெற்ற பொதுக்கூட்டம் ஒன்றில் தொலைபேசி மூலம் உரையாற்றி உள்ளான்.

அப்போது, இந்தியாவுக்கு எதிராக புனிதப்போர் நடத்த தீவிரவாதிகளுக்கு அழைப்பு விடுத்த மசூத், " இங்கே இந்த கூட்டத்தில் சாவுக்கு தயாராக உள்ள 313 'பியாதீன்' ( தீவிரவாதிகள்) உள்ளனர். நான் அழைப்பு விடுத்தால் இந்த எண்ணிக்கை 3,000 மாக உயரும்" என்று பேசினான்.

இந்நிலையில், இந்தியாவுக்கு எதிராக தீவிரவாதிகளை அணி திரட்டும் மசூத்தின் இந்த பொதுக்கூட்டத்திற்கும், பேச்சுக்கும் அனுமதி அளித்த பாகிஸ்தான் அரசுக்கு இந்தியா கடும் கண்டனம் தெரிவித்துள்ளது.

இது தொடர்பாக இந்திய வெளியுறவுத் துறை அமைச்சகம் பாகிஸ்தானிடம் விளக்கம் கேட்டபோது, "ஒரே ஒரு தடவை நடந்த சம்பவம்; அதனை பெரிதுபடுத்த வேண்டாம்!" என்று கூறியுள்ளது.

ஆனால் அதனை ஏற்க மறுத்த இந்திய வெளியுறவுத் துறை அமைச்சகம், "ஒரே ஒரு முறை என்பது பல தடவை நடந்துவிட்டது. இதனை எங்களால் துளியும் சகித்துக்கொள்ள முடியாது" என காட்டமாக கூறியுள்ளது.

ஆப்கானிஸ்தானில் இருந்து அமெரிக்க படைகள் இந்தாண்டு முதல் வாபஸ் பெறத் தொடங்கி உள்ள நிலையில், தீவிரவாதிகள் மீண்டும் ஒன்று திரள ஆரம்பித்து உள்ளதையே மசூத்தின் பேச்சு உணர்த்துவதாக உள்ளது.

விகடன்

**SajeevJino** · **SajeevJino** Sat Feb 22, 2014 8:37 am

சிவா wrote:
அப்போது, இந்தியாவுக்கு எதிராக புனிதப்போர் நடத்த தீவிரவாதிகளுக்கு அழைப்பு விடுத்த மசூத், " இங்கே இந்த கூட்டத்தில் சாவுக்கு தயாராக உள்ள 313 'பியாதீன்' ( தீவிரவாதிகள்) உள்ளனர். நான் அழைப்பு விடுத்தால் இந்த எண்ணிக்கை 3,000 மாக உயரும்" என்று பேசினான்.

நீங்க சாவத் தாயார் என்றால் உங்களை கொல்ல நாங்கள் தயாராக இருக்கிறோம் ..உடனடியாக அனுப்பி வையுங்கள்

**krishnaamma** · **krishnaamma** Sat Feb 22, 2014 11:24 am

இதென்ன கூத்து ?

**ஜாஹீதாபானு** · 16/04/2011

SajeevJino wrote:
சிவா wrote:
அப்போது, இந்தியாவுக்கு எதிராக புனிதப்போர் நடத்த தீவிரவாதிகளுக்கு அழைப்பு விடுத்த மசூத், " இங்கே இந்த கூட்டத்தில் சாவுக்கு தயாராக உள்ள 313 'பியாதீன்' ( தீவிரவாதிகள்) உள்ளனர். நான் அழைப்பு விடுத்தால் இந்த எண்ணிக்கை 3,000 மாக உயரும்" என்று பேசினான்.

நீங்க சாவத் தாயார் என்றால் உங்களை கொல்ல நாங்கள் தயாராக இருக்கிறோம் ..உடனடியாக அனுப்பி வையுங்கள்

சூப்பர் சஜீவ் மகிழ்ச்சி