குழந்தைகளாக மாறி குதூகலித்து கொண்டாடிய சூப்பர் ஸ்டார்கள் - போட்டோவுடன்

**krishnaamma** · **krishnaamma** Fri Feb 21, 2014 9:27 pm

First topic message reminder :

1980லிருந்து 90 வரையிலான தமிழ் சினிமாவின் காலகட்டம் கொண்டாட்டங்கள் நிறைந்தது. கருப்பு வெள்ளையில் இருந்து கலருக்கு மாறிய சினிமாவில் அடுத்தடுத்து சூப்பர் ஸ்டார்களும், சூப்பர் நடிகைகளும் அறிமுகமாகி சினிமாவை முழு பொழுதுபோக்கு ஆக்கினார்கள். சூப்பர் ஸ்டார் ரஜினி, உலக நாயகன் கமல், ஆந்திராவில் சிரஞ்சீவி, வெங்கடேஷ், நாகார்ஜுனா, கேரளாவில் மம்முட்டி, மோகன்லால், கன்னடத்தில் அம்ரீஷ், ரமேஷ் அரவிந்த் போன்றவர்கள் 80களில் கலக்கியவர்கள். அதுபோலவே ராதா, அம்பிகா, நதியா, ரதிகா, சுஹாசினி என ஒரு அழகு பட்டாளமே திரண்டு வந்தது.

குழந்தைகளாக மாறி குதூகலித்து கொண்டாடிய சூப்பர் ஸ்டார்கள் - போட்டோவுடன் - Page 3 He7RlI5IT2GOahjHXmRO+NT_140121142447000000

குழந்தைகளாக மாறி குதூகலித்து கொண்டாடிய சூப்பர் ஸ்டார்கள் - போட்டோவுடன் - Page 3 He7RlI5IT2GOahjHXmRO+NT_140121142447000000

80களில் கலக்கிய இவர்கள் கடந்த 4 ஆண்டுகளாக ஆண்டுக்கு ஒருமுறை எங்காவது கூடி தங்கள் மகிழ்ச்சியை பரிமாறிக் கொள்கிறார்கள். அந்த வகையில் இந்த ஆண்டு மலையாள சூப்பர் ஸ்டார் மோகன்லால் ஏற்பாட்டில் கடந்த சனிக்கிழமை ஈஞ்சம்பாக்கத்தில் உள்ள அவரின் பண்ணை வீட்டில் யாரும் அறியாமல் ரகசியமாக ஒன்றாக கூடினார்கள்.

தாங்கள் அனைரும் சூப்பர் ஸ்டார்கள், உலகம் பார்க்க விரும்பும் செலிபிரிட்டிகள் என்பதை மறந்து ஒரு குழந்தையை போல மாறி அவர்கள் சிரித்து பேசி, பாடி, ஆடி மகிழ்ந்தார்கள். அதன் துளிகள் இங்கே...

*ரஜினி, மோகன்லால், சிரஞ்சீவி, வெங்கடேஷ், அம்ரிஷ், அர்ஜுன், மோகன், ரமேஷ் அரவிந்த், ஜெயராம், பிரபு உள்பட 20 நடிகர்கள் கலந்து கொண்டனர். கமலும், மம்முட்டியும் மிஸ்சிங்.

*அம்பிகா, ராதா, நதியா, லிஸி, சுஹாசினி, ராதிகா, குஷ்பு, சுமலதா, சரிதா, ரம்யா கிருஷ்ணன் உள்பட 12 நடிகைகள் கலந்து கொண்டனர்.

*ஒவ்வொரு ஆண்டும் ஒரு டிரஸ்கோட் வைப்பார்கள். கடந்த ஆண்டு அனைவரும் கருப்பு உடை அணிந்து வந்தார்கள். இந்த ஆண்டு ஹவாய் தீவு மக்கள் அணியும் பூக்கள் வரையப்பட்ட பிரிண்டட் உடை அணிந்த வந்தார்கள்.

*80களில் பிரபலமாக இருந்த அனைவரையும் ஓவியமாக வரைந்து வைத்திருந்தார் மோகன்லால். அதனை அவர்களுக்கு பரிசளித்து மகிழ்ந்தார். அவரவர் படங்கள் மீது அவரவர் ஆட்டோகிராப் போட்டுக் கொடுத்தார்கள்.

*மோகன்லால் ஒரு மணி நேரம் மேஜிக் ஷோ நடத்தி அனைவரையும் மகிழ வைத்தார்.

*சூப்பர் ஸ்டார் ரஜினி தனது புகழ்பெற்ற பன்ஞ் டயலாக்குகளை அதே கம்பீரத்தோடு பேசிக் காட்டி தனக்கு இன்னும் வயதாகவில்லை என்பதை நிரூபித்தார்.

*மினி இசை நிகழ்ச்சி ஒன்று நடந்தது. அதில் மோகன்லால், ஜெயராம், சுஹாசினி ரமேஷ் அரவிந்த் பாடினார்கள்.

*நடன நிகழ்ச்சியில் ஒரு காலத்தில் ஜோடியாக நடித்தவர்கள் ஜோடியாக ஆடினார்கள். ரஜினி மட்டும் "நமக்கு டான்செல்லாம் வராது கண்ணா வேணா பைட்டு வச்சிக்கலாமா?" என்று கேட்டு தூள் கிளப்பினார்.

*நிகழ்ச்சிகளை அனைவருக்கும் நெருக்கமான ஸ்டில்ஸ் ரவி புகைப்படம் எடுத்தார். வீடியோவும் எடுக்கப்பட்டது. அதை வாங்க சில சேனல்கள் கோடிக் கணக்கில் பேசி வருகிறதாம். ஆனால் இது எங்கள் பர்சனல் என்று கூறிவிட்டார்களாம்.

*அடுத்த ஆண்டு முதல் அனைவருக்கும் யோகா சொல்லித் தருகிறேன் என்று கூறியிருக்கிறார் ரஜினி. நமக்கென்று ஒரு பொழுதுபோக்கு கிளப் அமைக்க ஈசியாரில் இடம் தருகிறேன் என்று கூறியிருக்கிறார் ஷோபனா, கட்டிடம் கட்டித் தருகிறேன் என்று கூறியிருக்கிறார் ஸ்ரீப்ரியா.

*அடுத்து ஆண்டு கொண்டாட்டத்தை மும்பையில் நடத்துவது என்றும், அமிதாப் பச்சன், ஷாருக்கான், சல்மான்கான் அமீர்கான், அனில் கபூரை அழைப்பது என்ற முடிவு செய்து கலைந்தார்கள்.

**ராஜா** · **ராஜா** Sat Feb 22, 2014 12:00 pm

நல்ல நிகழ்வு , புகழ்பெற்று விளங்கியவர்கள் சில காலம் கழித்து தங்களின் கடந்தகாலத்தை அசைபோடுவது மிக மகிழ்ச்சியாக இருக்கும்
அனைவரும் நீண்ட ஆயுளோடு இதே மகிழ்ச்சியோடு வாழ வாழ்த்துக்கள் + பிரார்த்தனைகள்

**ஜாஹீதாபானு** · 16/04/2011

அருமைமா பகிர்வுக்கு நன்றி

**krishnaamma** · **krishnaamma** Sun Mar 02, 2014 8:25 pm

ராஜா wrote:நல்ல நிகழ்வு , புகழ்பெற்று விளங்கியவர்கள் சில காலம் கழித்து தங்களின் கடந்தகாலத்தை அசைபோடுவது மிக மகிழ்ச்சியாக இருக்கும்
அனைவரும் நீண்ட ஆயுளோடு இதே மகிழ்ச்சியோடு வாழ வாழ்த்துக்கள் + பிரார்த்தனைகள்

ஆமாம் ராஜா, அவர்கள்......அவர்களாகவே இருக்கும் நேரம் மிகக்குறைவு தானே? அதை அனுபவிக்கக் கூட அவர்களுக்கு மறைவான இடம் தேவைப்படுகிறது................ரொம்ப வருத்த மான விஷயம்..........எவ்வளவு சம்பாதித்து என்ன? சோகம்