வீட்டுக் குறிப்புகள் ..........

DERAR BABU · DERAR BABU Fri Feb 21, 2014 9:23 pm

 வாழைக்காயை ஈரமில்லாத பாலிதீன் கவரில் போட்டு இறுக்கமாகக் கட்டி ஃப்ரிட்ஜில் வைத்துவிட்டால் ஒரு வாரம் ஆனாலும் பழுக்காது.
 உல்லன், கம்பளி போன்றவற்றை மடித்து அலமாரியின் உள்ளே வைக்கப் போகிறீர்களா? ஒரு நிமிஷம் ! நடுவில் வேப்பிலையை வைத்து, கட்டி வைத்தால் கம்பளியில் ஓட்டை விழாது.
 ஸ்டிக்கர் பொட்டுகளை ஒட்டியதால் முகம் பார்க்கும் கண்ணாடி பிசுபிசுவென்று இருக்கிறதா? டீ டிகாஷனுடன் சிலதுளி எலுமிச்சைச்சாறு அல்லது சிட்ரிக் ஆஸிட் கலந்து, ஒரு துணியில் தொட்டு அந்த இடத்தில் துடைத்து, உடனே ஓர் உலர்ந்த துணியால் நன்றாகத் துடையுங்கள். கண்ணாடி பளிச்சிடும். டைல்ஸ், சுவிட்ச் போர்டு போன்றவற்றில் உள்ள அழுக்கையும் இதே முறையில் நீக்கலாம்.
 தோல் பொருட்கள், ஹேண்ட் பேக், பர்ஸ் போன்றவை பழசாகிவிட்ட தோற்றம் கொண்டால், சிறிது தேன் மெழுகை அதன் மீது தடவி துடைத்துவிடுங்கள். புத்தம் புதிதாய்க் காட்சி தரும்.
 வாடிய கொத்துமல்லித் தழையை வெது வெதுப்பான வெந்நீரில் போட்டு எடுத்தால் ஃப்ரெஷ் ஆகிவிடும்.
 அரைத்து வைத்திருக்கும் ராகி அல்லது கோதுமை மாவில் வண்டுகளோ, பூச்சிகளோ
வராமல் இருக்க ஒரு சிறு துணியில் உப்பைக் கட்டி மாவுக்குள் போட்டு விட்டால் போதும்.

dinamani

**Muthumohamed** · **Muthumohamed** Fri Feb 21, 2014 10:07 pm

தகவலுக்கு நன்றி அண்ணா

தேன் மெழுகு என்றால் என்ன ?

**krishnaamma** · **krishnaamma** Fri Feb 21, 2014 10:34 pm

Muthumohamed wrote:தகவலுக்கு நன்றி அண்ணா

தேன் மெழுகு என்றால் என்ன ?

//தேனீயின் கூடு வேலைக்காரத் தேனீக்களின் உள்ளுறுப்புகளில் ஒன்றான மெழுகு சுரப்பியிலிருந்து சுரக்கும் மெழுகைக் கொண்டு கட்டப்படுகின்றது. இதுவே மனிதர்களின் பல பயன்பாட்டிற்கு உதவும் தேன் மெழுகு ஆகும். இவற்றின் கூடு பொதுவாக மரங்கள், மலைக் குகை, மனிதர்கள் எளிதில் அடைய முடியாத கட்டிடத்தின் முடுக்கு, பொந்துகள் போன்றவற்றில் கட்டப்பட்டிருக்கும்.//

விக்கிபிடியாவில் இப்படி இருக்கு முத்து புன்னகை