என் தாத்தா

**M.M.SENTHIL** · **M.M.SENTHIL** Thu Feb 20, 2014 12:13 pm

அடை மழை காலத்தில்
கோவணத்தை மடித்துக் கட்டி
தக்காளி தோட்டத்திற்குள்
தண்ணீர் புகா வண்ணம்
தடுப்பணை போல்
வாய்க்காலை வெட்டிப் போட்டு,
விவசாயத்தை காத்த என் தாத்தா!
அகவை தொண்ணூறு ஆனபோதும்
சைக்கிள் மிதித்து
பட்டணம் போய் பாட்டிக்கு
மெதுவடை வாங்கி
வந்தவர் என் தாத்தா!

ஊரில் நாலு பேர்
பஞ்சாயத்து பேச
அழைப்பது என் தாத்தாவைத்தான்!
பசி என்று வந்தோர்க்கு
புசிக்கும் உணவையே
எடுத்துக் கொடுத்து
தன் வயிறை பட்டினி போட்ட தாத்தா!!

பள்ளிக்கூட விடுப்பில்
அப்பாவிடம் சண்டையிட்டு
நான் வருமிடம் இந்த
தாத்தா வீடுதான்!!

எதற்கும் கலங்காதவர்
எதைக் கண்டும் அஞ்சாதவர்,
எப்படிப் போனார்
மண்ணோடு மண்ணாக??

பிசினஸ் பண்ணனும்
கொஞ்சம் காசு வேணும்
நிலத்தக் கொஞ்சம்
வித்துக் கொடுங்க என்று
என் அம்மா சொன்னதும்,

ஓடோடி சென்று உட்கார்ந்தார்
அவரக்கா செடிக்கு அருகில்,
பின்னால் சென்று பார்த்தோம்
மண்ணை கையில் எடுத்து
நெஞ்சோடு வைத்தபடி
உயிர் போயிருந்தது!!

எதற்கும் கலங்காதவர்
காட்டை விற்கும் பேச்சு வந்ததும்
தன் மூச்சை முடித்துக்கொண்டார்!!

இயற்கை மட்டுமல்ல
சில சமயம் விவசாயி சாவுக்கு
அவன் குடும்பமும் காரணமாகிறது!!

**ஜாஹீதாபானு** · 16/04/2011

இயற்கை மட்டுமல்ல சில சமயம் விவசாயி சாவுக்கு அவன் குடும்பமும் காரணமாகிறது!! wrote:

அருமை அருமை

இந்த பதிவைத் துவங்கியவர் நன்றி கூறியுள்ளார் ஜாஹீதாபானு

**M.M.SENTHIL** · **M.M.SENTHIL** Thu Feb 20, 2014 12:18 pm

ஜாஹீதாபானு wrote:
இயற்கை மட்டுமல்ல சில சமயம் விவசாயி சாவுக்கு அவன் குடும்பமும் காரணமாகிறது!! wrote:

அருமை அருமை

உண்மைதானே. இது என் பக்கத்து கிராமத்தில் நடந்த உண்மை சம்பவம்.

**ஜாஹீதாபானு** · 16/04/2011

M.M.SENTHIL wrote:
ஜாஹீதாபானு wrote:
இயற்கை மட்டுமல்ல சில சமயம் விவசாயி சாவுக்கு அவன் குடும்பமும் காரணமாகிறது!! wrote:

அருமை அருமை

உண்மைதானே. இது என் பக்கத்து கிராமத்தில் நடந்த உண்மை சம்பவம்.

அப்படியா? அடப்பாவமே சோகம்