காமத்தை காதலில் இருந்து பிரிப்பது தேவையில்லை

மீனு · மீனு Sun Nov 01, 2009 3:04 pm

காமத்தை காதலில் இருந்து பிரிப்பது தேவையில்லை.ஷாஜகானுக்கும் மும்தாஜுக்கும் 14
குழந்தைகள் பிறந்தன.ஒரே நபர் மீது காதலும் காமமும் சேர்ந்து வருவது
மிகப்பொருத்தமானது.அதில் டாமினேடிங் ரோல் காதலுக்கு இருத்தல் அவசியம்.

காமம் மூலம் காதல் வருதலும் ஏற்றுக் கொள்ளக் கூடியதே.அப்படி வரும் காதல்
அக்காமத்தை தாண்டி ஜெயித்தல் வேண்டும்.

காமம் என்பது தவறு என்ற மனோபாவமே வேண்டியதில்லை.காமம் மோசம்,காதல் சரி என
நினைப்பதும் தவறு.காதலின் நோக்கமே காமமாக இருக்கத்தான் இயற்கைஅன்னை
விரும்புகிறாள்.பிள்ளைகள் பெற்று இனவிருத்தி செய்யத்தான் காம உணர்வையே இயற்கை
நமக்கு தந்திருக்கிறது.அதை ஆரோக்கியமான முறையில் வெளிப்படுத்த காதல் உதவுகிறது.

உருவத்தை கண்டு வரும் காதல் தவறு,இதயத்தை கண்டு வரும் காதல் சிறந்தது
என்றெல்லாம் சொல்வது சரியல்ல.காதலுக்குள் என்ன ?

என்னை கேட்டால் காதல் = நட்பு+காமம் என்று தான் சொல்வேன்.நட்பின் சதவிகிதம்
அதிகமாக இருத்தலும் காமத்தின் சதவிகிதம் குறைவாக இருத்தலும்
விரும்பத்தக்கது.காமம் அழித்த காதல் உண்மையான நட்பாக பரிணமிக்கிறது.60 வருடம்
கூடி வாழ்ந்த தம்பதிகளுக்கிடையே காமம் வராது.தெய்வீக நட்பு உயர்ந்து
நிலைத்திருக்கும்.திருமண வாழ்க்கையை துவக்கும்போது காமத்தின் சதவிகிதம் அதிகமாக
இருந்திருக்கும்.நாளாக நாளாக அது குறையும்.விஷயம் அவ்வளவுதான்.

காதல் எப்படி வரினும்,அது எதுவாக இருப்பினும் அதில் அடிமைத்தனம்
ஒழிக்கபடவேண்டியது அவசியம்.கணவன் கை மேலோங்கியிருப்பது காதலாகாது.அப்படிப்பட்ட
கணவன் மனைவியை அடிமைப்படுத்தும் அயோக்கியனகிறான்.மனைவியை சரிநிகர் தோழியாய்
வாழ்வின் பார்ட்னராய் கருதி அவளுக்கு சம உரிமை தந்து வாழ்பவனே ஆண்மகன்.

கணவன் ஆதிக்கம் செலுத்தும் காதல் உண்மை காதலாகாது.அப்படிப்பட்ட உறவில் கணவன்
காட்டும் காதல் நன்றாக வேலை செய்யும் அடிமை மீது எஜமான் காட்டும்
பரிவாகும்.அப்படிப்பட்ட மனைவி தன் கணவன் மீது காட்டும் காதல் எஜமான
விசுவாசமாகும்.எஜமான விசுவாசம் காதலாக கண்டிப்பாக ஆகாது.இப்படிப்பட்ட உறவில்
பயமும் ஆதிக்க உணர்வும் கலந்திருக்கும்.

சரிநிகர் தோழியாய் மனைவியை காதலியை மதித்து வாழும் உறவில் பயம்
இருக்காது.ஆதிக்க உணர்வு இருக்காது.ஆகவே அப்படிப்பட்ட காதலே தெய்வீக காதல் என
சொல்லி என் பேருரையை முடித்துக்கொண்டு சோடா குடிக்க போகிறேன்.

நன்றி.வணக்கம்

–
அன்புச்செல்வன்