வாடகைக்கு வீடு கேட்கும் போது பான் கார்ட் எண்ணையும் கேட்டுக்கோங்க...

வீட்டு வாடகை தொகைக்கு வரி விலக்கு பெற வேண்டுமானால், இனி வெற்றுப் பேப்பரில் வாடகை ரசீது தந்தால் மட்டும் போதாது. ஏ4 தாளில் வீட்டு உரிமையாளரின் பான் நம்பர், முகவரி உள்ளிட்ட விவரங்களை குறிப்பிடப்பட வேண்டும் என்று அதிரடி கிடுக்கிப்பிடியை போட்டுள்ளது வருமான வரித்துறை.

வாடகைக்கு குடியிருப்போர், ஆண்டிற்கு ஒரு லட்சம் வரை வீட்டு வாடகைக்கு வருமான வரி விலக்கு பெறலாம். வீட்டு வாடகை ரசீது பெரும்பாலும் வெற்றுப் பேப்பரில் தான் உரிமையாளர்கள் தருகின்றனர். வெற்றுப் பேப்பரில் வீட்டு வாடகைதாரர் அளிக்கும் ரசீதை இதுவரை வருமான வரித்துறை ஏற்றுக் கொண்டிருந்தது. அலுவலகத்தில் இந்த வீட்டு வாடகை ரசீதை ஒரு ஊழியர் தனது வருமான வரி பிடித்தம் செய்யும் முன் சமர்ப்பித்து, வருமான வரி விலக்குப் பெறலாம். ஆனால், இனி அவ்வாறு தாக்கல் செய்யும் வீட்டு வாடகை ரசீதில் வீட்டு உரிமையாளரின் ‘பான்’ நம்பரும் பதிவு செய்திருக்க வேண்டும். அப்படி இல்லா விட்டால் வரி சலுகைக்கு அனுமதிக்க கூடாது என்று எல்லா நிறுவனங்களுக்கும் வருமானவரித்துறை உத்தரவிட்டுள்ளது.

இதனால், வீட்டு வாடகைக்காக வருமான வரி விலக்கு பெற வேண்டும் என்றால், வீட்டு உரிமையாளரின் நிரந்தர பான் கார்டு எண் மற்றும் வீட்டு உரிமையாளர் முகவரி உள்ளிட்ட விவரங்களை ஏ-4 காகிதத்தில் குறிப்பிட்டு அதை தாங்கள் வேலை பார்க்கும் நிறுவனத்தில் சமர்ப்பிக்க வேண்டும். வரி விலக்கு பெற இது கட்டாயமாகிறது.

மத்திய நேரடி வரிகள் வாரியம் (சிபிடிடீ) வீட்டு வாடகைக்கு வருமான வரி விலக்கு பெறுவது தொடர்பாக கடந்த ஆண்டு ஆகஸ்ட் மாதம் ஒரு சுற்றறிக்கை அனுப்பியது. அதன் பிறகு, வீட்டு வாடகை தொகைக்கு வருமான வரி விலக்கு அளிப்பதற்கு இதுபோன்ற விவரம் அடங்கிய ஆவணம் வருமான வரித்துறைக்கு தேவைப்படுகிறது என்றும் அந்த அதிகாரி கூறினார்.

மத்திய நேரடி வரிகள் வாரியம் அனுப்பிய சுற்றறிக்கையில், வருமான வரி செலுத்தும் மாதம் ஊதியம் பெறுபவர்கள், வீட்டு வாடகைக்கு வரி விலக்கு பெற வேண்டும் என்றால், வீட்டு வாடகையாக ஓர் ஆண்டிற்கு ஒரு லட்சத்திற்கும் அதிகமாக செலுத்தினால், வீட்டு உரிமையாளரின் பான் கார்டு எண், வீட்டு வாடகை ரசிது ஆகியவற்றை இணைத்து அவர்கள் பணிபுரியும் நிறுவனத்தில் தாக்கல் செய்ய வேண்டும். ஒருவேளை வீட்டு உரிமையாளரிடம் பான் கார்டு இல்லை என்றால், அவரின் பெயர், வீட்டு முகவரி ஆகிய குறிப்புகள் அடங்கிய காகிதத்தை தாக்கல் செய்ய வேண்டும் என்று குறிப்பிட்டு உள்ளது.

dinamani.

பயனுள்ள பகிர்வு நன்றி

விவரத்துக்கு நன்றி பாபு
.
.
இதே போல பான் எண் குடி இருப்பவர்களிடம் வாங்குவதால் நாம் சரியான நபரைத்தான் குடி வைத்துள்ளோம் என்று நிம்மதி அடையலாம். பின்னால் வேறு ஏதும் பிரச்சனைகள் வராது இல்லையா?