தனிமையும் சுகமே. !!

jayaravi · jayaravi Thu Feb 13, 2014 12:57 pm

தனிமை

அது ஒரு நள்ளிரவு நேரம். பாழடைந்த ஊருக்கு ஒதுக்குபுறமான ஒரு இடத்தில் இருளின் ஒவ்வொரு அசைவும் திகிலை கிளப்பும் சூழ்நிலையில் இரண்டு பேர் அமர்ந்து இருந்தனர். அவர்களில் ஒருவன் முழு போதையில் இருந்தான். மற்றவன் தெளிவோடிருந்தான்.

தெளிவாயிருப்பவன் மிகவும் அஞ்சுகிறான். மரத்தின் சிறு அசைவுகள் கூட அவனுக்கு பிசாசுகள் அசைவது போல் தெரிகிறது. தரையில் இருப்பவை எல்லாம் பாம்புகள் போல் தென்படுகின்றன. அவன் திகிலின் உச்சத்தில் இருக்கிறான்.

அதே சமயம் போதையில் இருப்பவன் இதுபற்றி கவலையே படவில்லை. அவனை எந்த இருளோ, நிழலோ அச்சுறுத்தவில்லை. போதையிலிருப்பவர்கள் ஒன்று தூங்குவார்கள். அல்லது பிதற்றுவார்கள். அவர்கள் உலரல்கூட நான் யார் தெரியுமா? என்பது போன்ற உளறலாக இருக்குமே தவிர என்ன ஆகுமோ என்ற புலம்பலாக இருக்காது.

இந்த சூழ்நிலையில் இவர்கள் இருவரும் இருப்பது ஒரே இடத்தில்தான் ஒரே சூழ்நிலையில் தான். ஆனால், ஒருவனது மனமானது தெளிவாக இருக்கிறது. மற்றொருவன் மனம்அற்ற நிலையில் இருக்கிறான். தெளிந்த மனத்துடன் இருப்பவன் அவன் மனதின் எண்ணங்களாலேயே தாக்கபடுகிறான். மனமற்று போதையில் இருப்பவன் கற்பனை பயங்களால் பாதிக்கபடுவதில்லை.

பிறவியில் மனிதன் கூடிவாழும் இயல்பினன். சந்தோசம் வந்தாலும் சரி. துக்கம் வந்தாலும் சரி, பகிர்ந்து கொள்ள அடுத்தவனை நாடி ஓடுவான். யாரையுமே பார்க்க முடியாமல் ஒருவனை தனிமை படுத்தினால், அவன் விரைவில் பைத்தியமாகி விடுவான்.

கூட்டத்தில் கோழையும் வீரனாகி விடுவது நடக்கிறது. தனிமையில் வீரனும் கோழையாகிவிடுவதையும் நாம் பார்க்கத் தான் செய்கிறோம். அவன் எண்ணங்களில் ஏற்படும் கிலியே அவனை கோழையாக்கிவிடும். வெள்ளையர் நமது நாட்டை ஆள கையாண்ட தந்திரங்களில் ஒன்றுதான் தனிமைபடுத்துதல்.

தனிமை என்பது அவ்வளவு கடுமையானது. கொடுமையானது. மனம் என்பது வலுவானதுதான். ஆனால், மன வலிமை இல்லாதவன் தான் மனதின் எண்ணங்களிலிருந்து தப்பவே புகை, போதை எனப் பல்வேறு வடிகால்களை நாடுகின்றான்.

ஞானிகள் பெரும்பாலும் தனிமையில் இருப்பார்கள்.மனதை சந்திக்க அவர்கள் அஞ்சமாட்டார்கள். நிஜத்தில் அவர்களை சந்திக்க மனம் தான் அஞ்சும்.

வனாந்தரத்துக்கு ஓடிப்போன மோசஸ் 40 ஆண்டுகாலம் தனிமையில் தான் இருந்தார். இறைவனை நேருக்கு நேர் கண்டு பேசி,10 கட்டளைகளை பெற்றவர் இவரே. புத்தர், மகாவீரர், சங்கரர், ஏசு,நபி இவர்கள் அனைவருமே நெடுங்காலம் தனிமையில் இருந்தவர்கள்தான்.

தனிமையும் சுகமே. அப்போதுதான் நம்மை நாம் அளவிடமுடியும்.

**ஜாஹீதாபானு** · **ஜாஹீதாபானு** Thu Feb 13, 2014 5:49 pm

பகிர்வுக்கு நன்றி

myimamdeen · myimamdeen Thu Feb 13, 2014 5:57 pm

**ayyasamy ram** · **ayyasamy ram** Thu Feb 13, 2014 6:55 pm

-
தனிமை குறித்து நிறைய சிந்தனைகள் உள்ளன...
-

தனிமையில்தான் நாம் நம்மை அடையாளம்
கண்டுகொள்ள முடிகிறது.
நம் சுயத்தின் முகம் நமக்கே தரிசனமாகும்
கண்ணாடியாகத் தனிமை இருக்கிறது.
கூட்டத்தில் பெரும்பாலும் நாம் நம் சுயத்தை
மிக எளிதாக இழந்து விடுகிறோம்.

ஈகரையன் · ஈகரையன் Thu Feb 13, 2014 7:34 pm

தண்ணியப் போட்டா எல்லாம் போயிரும்னு சொல்ற மாதிரி ஒரு ஓப்பனிங் ?

போதை ஆசாமி தவிர்த்து வேறு ஒரு விதமான களத்தில் சொல்லி இருக்கலாம் என்பது எனது தனிப்பட்ட் கருத்து.

Sponsored content · Sponsored content

தனிமையும் சுகமே. !!

தனிமையும் சுகமே. !!

Re: தனிமையும் சுகமே. !!

Re: தனிமையும் சுகமே. !!

Re: தனிமையும் சுகமே. !!

Re: தனிமையும் சுகமே. !!

Re: தனிமையும் சுகமே. !!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக