நகைச் சுவை

ந.க.துறைவன் · ந.க.துறைவன் Wed Feb 05, 2014 10:19 am

காலை…மாலை…

கலைமகள் ஆசிரியர்-எழுத்தாளர் கி.வ.ஜ.அவர்கள்
ஓரு நிகழ்ச்சியில் கலந்துக் கொள்ள ரயிலில் சென்றார்.
காலையில் அந்த இடத்தை அடைந்ததும்,அவரை
அனைவரும் மாலை அணிவித்து வரவேற்றனர்.
அப்போது கி.வ.ஜ. அவர்கள் “காலையிலேயே மாலையும்
வந்து விட்டதே” –என்றார். அவரது சிலேடையைக்
கேட்ட அனைவரும் சிரித்து மகிழ்ந்தனர்
.
ஆதாரம்:- “அறிவுக்கு விருந்தாகும் அறிஞர்களின்
வாழ்க்கை’’-என்ற நுôலிலிருந்து.

**ayyasamy ram** · **ayyasamy ram** Wed Feb 05, 2014 11:32 am

உண்மையான வாயில் புடவை
---------

ஒரு நண்பர் வீட்டிற்குக் கி.வா.ஜ. சென்றார்.
நண்பர் அடுக்குமாடியில் குடியிருந்தார்.
புடவை உலர்த்துவதற்கு வெய்யில் படுகிற வகையில்
வசதியான இடம் அந்த வீட்டில் இருக்கவில்லை.

வாசல் பக்கத்தில்தான் வெய்யில் அடித்துக்
கொண்டிருந்தது. நண்பரின் மனைவி வாசல்
கதவைத் திறந்து வைத்து வெய்யில் படும்படியாகத்
துவைத்த புடவையை அதன் மேல் காயப்
போட்டிருந்தார். புடவையைப் பார்த்துக் கொண்டே
வீட்டிற்குள் நுழைந்த கி.வா.ஜ.,

'இது என்ன புடவை தெரியுமா?' என்று நண்பரைக் கேட்டார்.

'ஏன் சாதாரணப் புடவைதானே?' என்றார் நண்பர்.

'அல்ல இந்தப் புடவைக்கு ஒரு விசேஷச் சிறப்பு உண்டு.
இதுதான் உண்மையான வாயில் புடவை!' என்றார் கி.வா.ஜ.