கடனில் தத்தளிக்கும் அமெரிக்கா... அரசு பணிகள் ஸ்தம்பிக்கும் என அச்சம்!

**ayyasamy ram** · **ayyasamy ram** Thu Jan 04, 2024 8:51 am

-
அமெரிக்க அரசாங்கத்தின் மொத்த தேசிய கடன் 34 டிரில்லியன்
டாலர்களை எட்டியுள்ளதாக தகவல் வெளியாகியுள்ளது.

நாட்டின் இருப்புநிலையை மேம்படுத்துவதற்கு, எதிர்வரும்
ஆண்டுகளில் அரசாங்கம் அரசியல் மற்றும் பொருளாதார
முன்னணியில் பல சவால்களை எதிர்கொள்ள வேண்டியிருக்கும்
என்பதை இந்த கடன் நிலை காட்டுவதாக நிபுணர்கள்
தெரிவிக்கின்றனர்.

அமெரிக்க நிதித் துறை அந்நாட்டின் நிதி நிலை குறித்த அறிக்கையை
நேற்று வெளியிட்டுள்ளது. அரசியல் ரீதியாக பிளவுபட்டுள்ள நாட்டிற்கு
இது பதற்றத்தை ஏற்படுத்தப் போவதாக கூறப்படுகிறது.

அறிக்கையின்படி, ஆண்டு பட்ஜெட் இல்லாமல், அரசாங்கத்தின் சில
பகுதி பணிகள் ஸ்தம்பிக்கக்கூடும் எனவும் தெரிகிறது.

அமெரிக்காவின் தேசிய கடன் எதிர்பார்த்ததை விட மிக வேகமாக
அதிகரித்துள்ளதாக அறிக்கை காட்டுகிறது. 2020ஆம் ஆண்டு ஜனவரியில்,
மொத்த கூட்டாட்சிக் கடன் 2028-29 நிதியாண்டில் $34 டிரில்லியனை
எட்டும் என்று Congressional Budget Office மதிப்பிட்டுள்ளது.

ஆனால் 2020-ல் தொடங்கிய கோவிட் பெருந்தொற்று நோய் காரணமாக,
கடன் எதிர்பார்த்ததை விட பல ஆண்டுகளுக்கு முன்பே இந்த அளவை
எட்டியுள்ளது.

தற்போது அமெரிக்க பொருளாதாரத்தில் எந்த சுமையும் இருப்பதாக
தெரியவில்லை எனவும் கூறப்படுகிறது, ஏனெனில் முதலீட்டாளர்கள்
மத்திய அரசுக்கு கடன் கொடுக்க தயாராக உள்ளனர்.

இந்த கடன் வரிகளை உயர்த்தாமல் திட்டங்களுக்கு செலவழிக்க
அரசாங்கத்தை அனுமதிக்கிறது. இருப்பினும், இந்த கடன் பாதை தேசிய
பாதுகாப்பு, சமூக பாதுகாப்பு மற்றும் சுகாதாரம் போன்ற பல முக்கிய
திட்டங்களை வரும் ஆண்டுகளில் ஆபத்தில் ஆழ்த்தக்கூடும் என்றும்
ஆய்வாளர்கள் கூறுகின்றனர்.

ஜப்பான் மீதான மிகப்பெரிய கடன், டாலர் அல்லது நிதி அடிப்படையில்
பார்த்தால், அமெரிக்காவின் மிகப்பெரிய தேசிய கடனாகும். ஆனால்
மொத்த உள்நாட்டு உற்பத்தியின் விகிதத்தில் பார்த்தால், உலகின் வளர்ந்த
நாடுகளில் அதிக கடனைக் கொண்ட நாடு ஜப்பான். ஜப்பானின் மொத்த
உள்நாட்டு உற்பத்தியுடன் ஒப்பிடுகையில் 260 சதவீதம் கடன் உள்ளது.
அமெரிக்காவின் மொத்த உள்நாட்டு உற்பத்தியுடன் ஒப்பிடுகையில்,
121 சதவீதம் கடன் உள்ளது.

-நியூஸ 19 & Dailyhunt

**Dr.S.Soundarapandian** · **Dr.S.Soundarapandian** Thu Jan 04, 2024 2:41 pm

முன்பு ஒரு முறை அமெரிக்கப் பொருளாதாரம் வீழ்ந்தபோது , இந்தியா தலை நிமிர்ந்து நின்றது! அப்போது பிரதமர் - மன்மோகன் சிங்!

**T.N.Balasubramanian** · **T.N.Balasubramanian** Thu Jan 04, 2024 8:06 pm

நம் நாட்டில் தற்பொழுது ஒவ்வொரு மாநிலமும் கடனில் தத்தளித்துக்கொண்டு

இருக்கின்றன.அந்த இலவசம் /இந்த இலவசம் என பாதி மக்களுக்கும் மீதி ஒரு சிலருக்கும் .

நிதி எப்பிடி ? எல்லாம் நம்மிடம் வசூலிக்கும் வரி தான். 1000 ரூபாய்க்கும் பொருட்கள் வாங்கினால்

18 முதல் 180 வரை வரிகள்

Sponsored content · Sponsored content

கடனில் தத்தளிக்கும் அமெரிக்கா... அரசு பணிகள் ஸ்தம்பிக்கும் என அச்சம்!

கடனில் தத்தளிக்கும் அமெரிக்கா... அரசு பணிகள் ஸ்தம்பிக்கும் என அச்சம்!

Re: கடனில் தத்தளிக்கும் அமெரிக்கா... அரசு பணிகள் ஸ்தம்பிக்கும் என அச்சம்!

Re: கடனில் தத்தளிக்கும் அமெரிக்கா... அரசு பணிகள் ஸ்தம்பிக்கும் என அச்சம்!

Re: கடனில் தத்தளிக்கும் அமெரிக்கா... அரசு பணிகள் ஸ்தம்பிக்கும் என அச்சம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக