எந்த ஆண்ட்டி வைரஸ் சிறந்தது???

**அருண்** · **அருண்** Mon Jan 27, 2014 2:13 pm

எந்த கம்ப்யூட்டர் இயங்கினாலும், அதற்கு ஆண்ட்டி வைரஸ் தான் முதல் தேவையாக உள்ளது. இணையம் வழியாகவும், யு.எஸ்.பி. ப்ளாஷ் ட்ரைவ்

வழியாகவும் வரும் வைரஸ் மற்றும் மால்வேர் புரோகிராம்களைத் தடுத்து நிறுத்தி, அவற்றின் மோசமான நடவடிக்கை களிலிருந்து நம் கம்ப்யூட்டரைப் பாதுகாக்கும் அரணாக ஆண்ட்டி வைரஸ் புரோகிராம்கள் செயல்படுகின்றன.

இதனாலேயே, பல நிறுவனங்கள் தாங்கள் தயாரிக்கும் ஆண்ட்டி வைரஸ் புரோகிராம்களின், எளிய, ஆனால், பயன்மிக்க பதிப்புகளை இலவசமாக

இணையத்தில் வழங்குகின்றன. இப்படிக் கிடைக்கும் ஆண்ட்டி வைரஸ் தொகுப்பு களின் செயல்பாடு, வைரஸ் கண்டறியும் திறன் மற்றும் பயன் நிலை ஆகியவை குறித்து, சுதந்திரமாக ஆய்வு செய்திடும் அஙகூஞுண்t என்னும் நிறுவனம், ஒப்பீட்டு ஆய்வு ஒன்றை மேற்கொண்டு முடிவுகளை அறிவித்துள்ளது. நிறுவனங்கள்

பயன்படுத்தும் ஆண்ட்டி வைரஸ் தொகுப்புகளையும், நம்மைப் போன்ற நுகர்வோர்கள் பயன்படுத்தும் ஆண்ட்டி வைரஸ் தொகுப்புகளையும் எடுத்து

ஆய்வு செய்தது. இங்கு நுகர்வோர்கள் பயன்படுத்தும் ஆண்ட்டி வைரஸ் தொகுப்புகளின் செயல்பாடு குறித்து, AVTest வெளியிட்ட தகவல்கள் தரப்படுகின்றன.

இந்த சோதனைகள் அனைத்தும் விண்டோஸ் 8 மற்றும் விண்டோஸ் 8.1 ஆப்பரேட்டிங் சிஸ்டம் இயங்கும் கம்ப்யூட்டர்களில் மேற்கொள்ளப்பட்டன.

பாதுகாப்பு, செயல்பாடு மற்றும் பயன்நிலை (Protection, performance and usability) ஆகியவற்றின் அடிப்படையில் இவை சோதனை செய்யப்பட்டு மதிப்பெண்கள் வழங்கப்பட்டன. 0 முதல் 6 வரை மதிப்பெண் அளவு வைத்துக் கொள்ளப்பட்டது.

பாதுகாப்பு என்பது, எந்த அளவிற்க்கு இந்த புரோகிராம்கள், வைரஸ் மற்றும் மால்வேர்களை முழுமையாகத் தடுத்து நிறுத்தின என்ற அடிப்படையில் காணப்பட்டது.

6 மதிப்பெண் வாங்கியவை முழுமையாக இவற்றைத் தடுத்து நிறுத்தின. செயல் திறன் என்பது, கம்ப்யூட்டர் சிஸ்டத்தில் இவை இயங்கும் வேகம் குறித்தது. பயன்நிலை என்பது அவை நுகர்வோருக்கு எந்த அளவில் பயன்படுகின்றன என்ற அளவில் அறியப்பட்டது ஆகும்.

இவற்றில் Bitdefender Internet Security 2014, 18 மதிப்பெண்கள் பெற்று, முதல் இடத்தைப் பெற்றது. இதே நிலையில் 18 மதிப்பெண்கள் பெற்று முதல் இடத்தை Kaspersky Lab Internet Security 2014 பெற்றுள்ளது.

Avira Internet Security 2014, 17.5 மதிப்பெண் பெற்று இரண்டாம் இடத்தைப் பெற்றது.

அடுத்ததாக FSecure Internet Security 2014 (16.5), BullGuard Internet Security 14.0 (15.5),

Trend Micro Titanium Maximum Security 2014 (15.5), Panda Security Cloud Antivirus FREE 2.3

(15.5), AVG Antivirus Free Edition 2014 (15), Symantec Norton Internet Security 2014 (15),

McAfee Internet Security 2014 (14.5), ஆகியவை இடம் பெறுகின்றன.

Bitdefender and Kaspersky ஆகிய இரண்டும் முழு மதிப்பெண்கள் பெற்று, மிகச் சிறந்த

ஆண்ட்டி வைரஸ் புரோகிராம்களாக இடம் பெற்றுள்ளன. சில பாதுகாப்பு வழங்குவதில் முழு மதிப்பெண்கள் பெற்றாலும், அவை சிஸ்டம் இயங்குவதில் சிக்கலை உண்டாக்குவதாய் அமைந்துள்ளன.

AVTest ஆய்வு நிறுவனம், வேறு சில ஆண்ட்டி வைரஸ் புரோகிராம்களையும் சோதனை செய்து, முடிவை அறிவித்துள்ளது. அவை முதல் சில இடங்களைப் பிடிக்கவில்லை; மேலும் நம்மிடையே அவ்வளவாக அறிமுகம் ஆகாதவை ஆகும். எனவே இங்கு காட்டப்படவில்லை.

இது ஒரு நிறுவனம் நடத்திய சோதனைகளின் முடிவே. பல வாடிக்கையாளர்கள், தாங்கள் பயன்படுத்தும் ஆண்ட்டி வைரஸ் தொகுப்புகள் மிகச் சிறந்த

பாதுகாப்பினை வழங்குவதாக நம்பிக்கை கொண்டிருந்தால், அவர்கள் அவற்றுடனே தொடரலாம். அதில் சிக்கல் ஏற்படுகையில், மேலே கொடுத்துள்ள ஆய்வு முடிவுகளின் அடிப்படையில், புதிய ஆண்ட்டி வைரஸ் தொகுப்புகளைத் தேர்ந்தெடுக்கலாம்.

ஆனால், எந்த ஆண்ட்டி வைரஸ் தொகுப்புகளைத் தேர்ந்தெடுத்தாலும், அவற்றைத் தொடர்ந்து அப்டேட் செய்து பயன்படுத்த வேண்டியது மிக மிக முக்கியமான செயல்பாடாகும் என்பதை நினைவில் கொண்டு செயல்படுத்த வேண்டும்.

கம்ப்யூட்டர் மலர்

**ஜாஹீதாபானு** · **ஜாஹீதாபானு** Mon Jan 27, 2014 2:46 pm

பயனுள்ள பகிர்வு நன்றி அருண் புன்னகை

**ராஜா** · **ராஜா** Mon Jan 27, 2014 2:52 pm

kaspersky ஓகே ... ஆனால் bitdefender எந்த அளவிற்கு உங்கள் கணினியை பாதுகாக்கிறதோ அந்த அளவிற்கு கணினியின் இயங்கும் திறனை மெதுவாக்கி விடும்.

**T.N.Balasubramanian** · **T.N.Balasubramanian** Mon Jan 27, 2014 4:10 pm

kaspersky தான் அதிகம் உபயோகத்தில் இருப்பதாக அறிகிறேன்.
ரமணியன்

SenthilMookan · SenthilMookan Mon Jan 27, 2014 5:17 pm

எந்த ஆண்ட்டி வைரஸ் சிறந்தது??? 103459460

bitdefender - சிறந்த ஒன்று

**ayyasamy ram** · **ayyasamy ram** Tue Jan 28, 2014 11:19 am

pkselva · pkselva Wed Jan 29, 2014 9:25 pm

NOD32 is best one

**விஸ்வாஜீ** · **விஸ்வாஜீ** Thu Jan 30, 2014 10:36 am

ராஜா wrote:kaspersky ஓகே ... ஆனால் bitdefender எந்த அளவிற்கு உங்கள் கணினியை பாதுகாக்கிறதோ அந்த அளவிற்கு கணினியின் இயங்கும் திறனை மெதுவாக்கி விடும்.

ZoneAlaram நன்றாக இருக்காதா ? சோகம்

**ராஜா** · **ராஜா** Thu Jan 30, 2014 10:42 am

vishwajee wrote:
ராஜா wrote:kaspersky ஓகே ... ஆனால் bitdefender எந்த அளவிற்கு உங்கள் கணினியை பாதுகாக்கிறதோ அந்த அளவிற்கு கணினியின் இயங்கும் திறனை மெதுவாக்கி விடும்.
ZoneAlaram நன்றாக இருக்காதா ?

நான் இவர்கள் கொடுத்துள்ள மென்பொருட்களில் சிறந்தது எது என்று சொல்லியுள்ளேன் விஷ்வா , எப்பவுமே என்னுடைய தேர்வு zonealarm தான்.

**விஸ்வாஜீ** · **விஸ்வாஜீ** Thu Jan 30, 2014 5:22 pm

ராஜா wrote:
vishwajee wrote:
ராஜா wrote:kaspersky ஓகே ... ஆனால் bitdefender எந்த அளவிற்கு உங்கள் கணினியை பாதுகாக்கிறதோ அந்த அளவிற்கு கணினியின் இயங்கும் திறனை மெதுவாக்கி விடும்.
ZoneAlaram நன்றாக இருக்காதா ?
நான் இவர்கள் கொடுத்துள்ள மென்பொருட்களில் சிறந்தது எது என்று சொல்லியுள்ளேன் விஷ்வா , எப்பவுமே என்னுடைய தேர்வு zonealarm தான்.