சுனந்தா இறப்பதற்கு முன்பு யாருடனோ போராடி இருக்கிறார்..!

டெல்லி: மத்திய அமைச்சர் சசிதரூரின் 3வது மனைவி சுனந்தாவின் மரணத்தில் தொடர்ந்து சர்ச்சை நீடிக்கிறது. அவர் இறப்பதற்கு முன்பு யாருடனோ போராடியுள்ளார் என்பதை நிரூபிக்கும் வகையில், அவரது கை, கழுத்து, கன்னத்தில் கடித்ததற்கான அழுத்தமான காயம் ஏற்பட்டுள்ளது, பிரேத பரிசோதனையில் தெரியவந்துள்ளது.சசிதரூரின் மனைவி சுனந்தா புஷ்கர், கடந்த சில நாட்களுக்கு முன்பு, டெல்லியில் உள்ள ஐந்து நட்சத்திர ஓட்டல் விடுதியில் மர்மமான முறையில் இறந்து கிடந்தார். அமைச்சர் சசிதரூர், காங்கிரஸ் கூட்டத்தில் கலந்து கொள்ள சென்றிருந்த நிலையில், இச்சம்பவம் நடந்துள்ளது. பாகிஸ்தான் பெண் பத்திரிகையாளருடன், சசிதரூர் கள்ளக்காதல் கொண்டதால், வெறுப்படைந்த சுனந்தா அதிக அளவு மருந்தை சாப்பிட்டதால் மரணம் ஏற்பட்டதாக, பிரேத பரிசோதனை அறிக்கையின் முதல்கட்ட தகவலில் தெரிவிக்கப்பட்டிருந்தது.

இந்நிலையில், சுனந்தாவின் கை, முழங்கை, கன்னம், கழுத்து ஆகிய பகுதிகளில் யாரோ கடித்ததற்கான அழுத்தமான காயம் இருந்தது என்றும், உடலில் மேல்பகுதியில் பல இடங்களில் அடிபட்டதற்கான காயம் இருந்தது என்றும் தகவல் இப்போது வெளியாகி உள்ளது. இது போராடியதில் உருவான காயமாக இருக்கலாம் என்று தெரியவந்தது.சுனந்தாவின் மரணம் குறித்து விசாரணை நடத்தி வரும் போலீசாருக்கு இது மிகப்பெரிய தடயமாக இருக்கும் என்று கருதப்படுகிறது.இதை உறுதி செய்துக் கொள்ளும் வகையில், உடல் பாகங்களை மத்திய தடயவியல் துறையின் பரிசோதனைக்காக போலீசார் அனுப்பி வைத்து, அதன் முடிவுக்காக காத்திருக்கின்றனர். சுனந்தா தற்கொலைதான் செய்து கொண்டாரா அல்லது அதற்கு தூண்டப்பட்டாரா என்பது தடயவியல் அறிவியல் துறையின் ஆய்வில் தெரியவரும் என்று போலீசார் நம்புகின்றனர்.

இதற்கிடையே, சுனந்தாவின் மகனான சிவ்மேனன் கூறுகையில், தன்னுடைய தாயும், சசிதரூரும் மிகவும் அன்னியோன்யமாக இருந்தனர் என்றும், தாயின் மரணத்தில் எந்தவிதத்திலும் சசிதரூருக்கு தொடர்பு இருக்கும் என்று தான் எண்ணவில்லை என்றும் தெரிவித்துள்ளார்.
thinakaran

ஆண்டவனுக்கே வெளிச்சம்!!!