விபத்தை ஏற்படுத்திய கழுதையை ஸ்டேஷனில் கட்டி வைத்த போலீசார்

**டார்வின்** · **டார்வின்** Thu Jan 23, 2014 6:58 pm

ஒகேனக்கல் : தர்மபுரி மாவட்டம், பென்னாகரம் ரங்காபுரத்தைச் சேர்ந்த வாலிபர் ஒருவர் நேற்று காலை டூவீலரில் போலீஸ் ஸ்டேஷன் அருகே சென்று கொண்டிருந்தார். அப்போது அவ்வழியாக ஓடி வந்த கழுதை, திடீரென டூவீலர் மீது மோதியது. இதில், நிலைதடுமாறி கீழே விழுந்த அந்த வாலிபருக்கு தலையில் பலத்த காயம் ஏற்பட்டது. உடனே, அப்பகுதியில் இருந்த பொதுமக்கள், அவரை மீட்டு பென்னாகரம் அரசு மருத்துவமனைக்கு அனுப்பி வைத்தனர். பின்னர் மேல்சிகிச்சைக்காக தர்மபுரி அரசு மருத்துவமனையில் சேர்த்தனர்.

இது குறித்த தகவல் அறிந்த பென்னாகரம் போலீசார், சம்பவ இடத்திற்கு வந்து விசாரித்தனர். விபத்தை ஏற்படுத்திய கழுதையை பிடித்துச்சென்று போலீஸ் ஸ்டேஷனில் கட்டிவைத்து, கழுதையின் உரிமையாளர் குறித்து விசாரித்து வருகின்றனர். இந்த சம்பவம் அப்பகுதியில் பரபரப்பை ஏற்படுத்தியுள்ளது.
thinakaran

**ayyasamy ram** · **ayyasamy ram** Thu Jan 23, 2014 7:03 pm

-
சில ஊர்களில் கோயில் மாடுகள் ரோட்டில் திரியும்...
-
ரோட்டில் போறவங்கதான் கவனமா இருக்கணும்...!

சார்லஸ் mc · சார்லஸ் mc Thu Jan 23, 2014 9:58 pm

பன்றி, நாய், ஆடு, மாடு, கழுதை போன்றவை நம்நாட்டில் தன்னிச்சையாக திரிந்து கொன்டிருக்கிறது. அதற்கு நம்மக்களே காரணம். அரசு இதற்கென ஒரு சட்டமியற்றி ஒரு கட்டுப்பாட்டிற்குள் கொண்டு வர முயற்சிக்கும்போதுதான் இதுபோன்ற விபத்துக்கள் ஏற்படா வண்ணம் தடுத்திட முடியும்.

**பார்த்திபன்** · 24/07/2011

இங்கு பெங்களூரில் மாடுகள் சாலைகளில் இப்படித்தான் தாறுமாறாக அலைந்து கொண்டிருக்கின்றன. இதனால் வாகன ஓட்டிகள் படும் அவஸ்தைகள் சொல்லி மாளாது. போக்குவரத்து நெரிசலுக்கு மட்டுமல்லாமல் பல விபத்துகளுக்கும் இவை காரணமாக அமைந்துவிடுகின்றன.

இப்படி சாலைகளில் பிராணிகளை அலையவிட்டு பிறரது பிராணனை எடுக்கும் உரிமையாளர்களைப் பிடித்து கடுமையான அபராதங்கள் விதிக்கவேண்டும். கோபம்

**ஜாஹீதாபானு** · 16/04/2011

சென்னையிலும் மாடுகள் அட்டகாசம் தாங்க முடியல. நாம நின்னுக்கிட்டு இருக்கும்போதே முட்டி தள்ளிக்கிட்டு போகுது.

அதுனால தான் மாடு மாதிரி போறான் பாருனு சொல்றாங்களோ?

Sponsored content · Sponsored content

விபத்தை ஏற்படுத்திய கழுதையை ஸ்டேஷனில் கட்டி வைத்த போலீசார்

விபத்தை ஏற்படுத்திய கழுதையை ஸ்டேஷனில் கட்டி வைத்த போலீசார்

Re: விபத்தை ஏற்படுத்திய கழுதையை ஸ்டேஷனில் கட்டி வைத்த போலீசார்

Re: விபத்தை ஏற்படுத்திய கழுதையை ஸ்டேஷனில் கட்டி வைத்த போலீசார்

Re: விபத்தை ஏற்படுத்திய கழுதையை ஸ்டேஷனில் கட்டி வைத்த போலீசார்

Re: விபத்தை ஏற்படுத்திய கழுதையை ஸ்டேஷனில் கட்டி வைத்த போலீசார்

Re: விபத்தை ஏற்படுத்திய கழுதையை ஸ்டேஷனில் கட்டி வைத்த போலீசார்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக