சமத்துவ மஞ்சம்

**ayyasamy ram** · **ayyasamy ram** Fri Jan 17, 2014 1:02 pm

-

-
மகுடம் தாங்கிடும் மல்லுடல் மன்னரும்
மாங்கனி தேன்குடம் ஏந்திடும் பெண்டிரும்
திகழும் செழுங்கவி முழங்கிடும் புலவரும்
தேக்கினில் மாளிகை ஆக்கிடும் சிற்பியும்
-
புகழும் பெருமையும் ஈட்டிடும் அறிஞரும்
புத்தியில்லாததொரு நித்திய மடையரும்
சகலமும் தமதெனப் பதுக்கிடும் மனிதரும்
சம்போ சிவமெனச் சாற்றிடும் முனிவரும்
-
அகிலம்மும் தனதென ஆண்டிடும் தலைவரும்
அவரை நம்பிடும் பாமரத் தொண்டரும்
சுடலையில் சமமாய் உறங்கிட நேர்ந்திடும் இதை
உணர்ந்தால் வாழ்க்கை உன்னதம் ஆயிடும்..!
-
------------------------------
>இயகோகா சுப்பிரமணியம்
மழை வாசம் -கவிதைகள்