தைப்பூச திருவிழாவையொட்டி இந்துக்கள் பகுதியில் 3 நாள் மதுக்கடைகளை மூட சிங்கப்பூர் அரசு உத்தரவு

சிவபெருமானின் மனைவியான பார்வதி தேவி, சூரனை வதம் செய்ய முருகப் பெருமானுக்கு வெற்றிவேலினை வழங்கிய நாளை தைப்பூசம் என்று வேத விற்பன்னர்கள் அழைத்தனர்.

தை மாதத்தின் பவுர்ணமி நாளுக்கு அடுத்து நாளை இந்து மக்கள் ‘தைப்பூச திருவிழா’ என்ற பெயரில் விமரிசையாக கொண்டாடி வருகின்றனர்.

குறிப்பாக, தமிழ் கடவுளான முருகனை வணங்கும் கோடிக்கணக்கான தமிழர்கள் இந்த திருவிழாவை வெகு விமரிசையாக கொண்டாடுகின்றனர். உலக தமிழர்களும் இவ்விழாவினை வளமை மாறாமல் கொண்டாடி மகிழ்கின்றனர்.

அவ்வகையில், உலகின் பணக்கார நாடுகளில் ஒன்றான சிங்கப்பூரிலும் தைப்பூச திருவிழா ஆண்டுதோறும் எழுச்சியுடன் கொண்டாடப்பட்டுகிறது. இந்த ஆண்டின் தைப்பூசம் வரும் வெள்ளிக்கிழமை வருகிறது.

இதனையொட்டி, உள்ளூர் நேரப்படி இரவு 11 மணியளவில் சிங்கப்பூர் செரன்கோன் சாலையில் உள்ள ஸ்ரீ ஸ்ரீனிவாச பெருமாள் ஆலயத்தில் இருந்து குளம் சாலையில் உள்ள ஸ்ரீ தண்டாயுதபாணி கோவில் வரை தைப்பூச ஊர்வலத்துக்கு ஏற்பாடு செய்யப்பட்டுள்ளது.

இந்த ஊர்வலத்தில் அங்கு வசிக்கும் லட்சக்கணக்கான தமிழர்கள் தங்கள் குடும்பத்தாருடன் பங்கேற்பார்கள் என எதிர்பார்க்கப்படுகிறது.

இந்நிலையில், 'தைப்பூச ஊர்வலத்தின்போது மது அருந்துவது, புகை பிடிப்பது போன்ற தீய செயல்கள் அனுமதிக்கப்பட மாட்டாது. எனவே, அப்பகுதியில் இருக்கும் மதுக்கடைகளை மூட வேண்டும் என தைப்பூச விழா கமிட்டியினர் சிங்கப்பூர் அரசுக்கு கோரிக்கை விடுத்தனர்.

அதனை ஏற்று, தமிழர்கள் அதிகம் வசிக்கும் ‘லிட்டில் இந்தியா’ பகுதியில் தைபூசத்தின் துவக்க நாளான வெள்ளிக்கிழமை (17 -ம் தேதி) முதல் திங்கட்கிழமை வரை அனைத்து மதுக்கடைகளையும் மூட வேண்டும் என சிங்கப்பூர் அரசு இன்று உத்தரவிட்டுள்ளது.
-maalaimalar

நிரந்தரமாக மூடினால் மிகவும் நல்லது.

அதனை ஏற்று, தமிழர்கள் அதிகம் வசிக்கும் ‘லிட்டில் இந்தியா’ பகுதியில் தைபூசத்தின் துவக்க நாளான வெள்ளிக்கிழமை (17 -ம் தேதி) முதல் திங்கட்கிழமை வரை அனைத்து மதுக்கடைகளையும் மூட வேண்டும் என சிங்கப்பூர் அரசு இன்று உத்தரவிட்டுள்ளது. wrote:

ஒரு கலவரம் தமிழர்களின் முகத்தையே மாற்றிவிட்டது

தமிழர்கள் என்றாலே குடிப்பார்கள் என்று ஆகிவிட்டது ....

தமிழர்களின் புகழ் பரப்பும் தமிழக அரசுக்கு நன்றி ..