ரயிலில் பயனிக்கும் பெண்களுக்கு 'நிர்பயா அட்டை'

**ayyasamy ram** · **ayyasamy ram** Tue 14 Jan 2014 - 19:28

-
ரயிலில் பயணிக்கும் பெண்களின் பாதுகாப்புக்காக அவர்களுக்கு 'நிர்பயா அட்டை' என்ற பெயரில் ரயில்வே போலீஸ் உதவி எண்கள் அடங்கிய அட்டைகளை வழங்கி வருகிறது வடக்கு-மத்திய ரயில்வே நிர்வாகம்.

கடந்த 2012-ஆம் ஆண்டு டெல்லியில் ஓடும் பேருந்தில் மருத்துவ மாணவி ஒருவர் பாலியல் பலாத்காரம் செய்யப்பட்டார். படுகாயமடைந்த அந்த மாணவி சிகிச்சை பலனளிக்காமல் பலியானார். உயிரிழந்த அந்தப் பெண் நிர்பயா என்றே அழைக்கப்படுகிறார்.

பெண்களுக்கு எதிரான பாலியல் வன்முறை தடுப்புச் சட்டத்திற்கும் நிர்பயா சட்டம் என்று பெயரிட்டப்பட்டது. இந்த வரிசையில் வடக்கு-மத்திய ரயில்வே நிர்வாகம், ரயில் பயணத்தின் போது பெண்கள் பாலியல் சீண்டலுக்கு ஆளானால் உடனடியாக காவல் கட்டுப்பாட்டு அறைக்கு தொடர்பு கொள்ளும் வகையில் ரயில்வே காவல் கட்டுப்பாட்டு அறை எண்கள் அடங்கிய 'நிர்பயா அட்டை' வழங்கி வருகிறது. ஏ.டி.எம். அட்டை அளவில் இந்த அட்டை இருக்கிறது.

இந்த அட்டையில் உள்ள எண்களில் தொடர்பு கொண்டு புகார் தெரிவிக்கலாம் என்றும், ரயில் ஓடிக் கொண்டிருக்கும் போதும் புகார் அளிக்கலாம் அவ்வாறு அளிக்கும் போது அடுத்த ரயில் நிறுத்தத்தில் காவல் உதவி கிடைக்கும் என்றும் உயர் அதிகாரி ஒருவர் தெரிவித்தார்.
-
-தி ஹிந்து

**Aathira** · **Aathira** Tue 14 Jan 2014 - 19:46

ஏன் வட மத்திய ரயில்வே மட்டும். தென்னகத்துப் பெண்களுக்குப் பாதுகாப்பு தேவையில்லையோ? தென் மத்திய ரயில்வே (south Central Railway) தூங்குகிறது போலும். வடக்கு வாழட்டும் தெற்கு வீழட்டும் ... கூடாது

**T.N.Balasubramanian** · **T.N.Balasubramanian** Tue 14 Jan 2014 - 22:50

என்று பெண்கள் நிற்பயமாய், தன்னந்தனியே ,இரவில் செல்கிறார்களோ , அன்றுதான் இந்தியா சுதந்திரம் அடைந்ததாக எண்ண முடியும் என்று மகாத்மா காந்தி சொன்னதாக நினைவு. ( யார் சொல்லி இருந்தாலும் பரவாயில்லை.)
என்னை பொறுத்த வரையில் இந்தியா இன்னும் சுதந்திரம் அடையவில்லை.
இதற்கு யார் எல்லாம் பொறுப்பு,ஒரு தனி கட்டுரை வரையலாம்.
ரமணியன்

Sponsored content · Sponsored content

ரயிலில் பயனிக்கும் பெண்களுக்கு 'நிர்பயா அட்டை'

ரயிலில் பயனிக்கும் பெண்களுக்கு 'நிர்பயா அட்டை'

Re: ரயிலில் பயனிக்கும் பெண்களுக்கு 'நிர்பயா அட்டை'

Re: ரயிலில் பயனிக்கும் பெண்களுக்கு 'நிர்பயா அட்டை'

Re: ரயிலில் பயனிக்கும் பெண்களுக்கு 'நிர்பயா அட்டை'

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக