கல்லீரலில் கையெழுத்து: டாக்டர் சஸ்பெண்ட்

**சிவா** · **சிவா** Fri Dec 27, 2013 3:30 am

லண்டன் : அறுவை சிகிச்சையின் போது, நோயாளியின் கல்லீரலில், தனது இனிஷியல்களை பொறித்த, பிர்மிங்ஹாம் மருத்துவமனை டாக்டர் சஸ்பெண்ட் செய்யப்பட்டுள்ளார்.

சஸ்பெண்ட் செய்யப்பட்ட இந்த டாக்டரின் அன்றாட நடவடிக்கைகள் பெரும் அதிர்ச்சியளிப்பவையாக உள்ளது. இதுகுறித்த அறிக்கை, அங்கு வெளியாகும் மருத்துவ பத்திரிகையில் வெளியாகியுள்ளது. அதன்படி, இந்தாண்டு, ஏப்ரல் முதல் செப்டம்பர் மாதம் வரையிலான காலகட்டத்தில், அந்த டாக்டர் மேற்கொண்ட அறுவை சிகிச்சைகளில், 69 நோயாளிகளின் உடலில், அறுவைசிகிச்சை உபகரணங்கள் வைத்துள்ளார், 37 நோயாளிகளுக்கு, தவறான அறுவை சிகிச்சை மேற்கொண்டுள்ளார். இதில், 27 நோயாளிகளுக்கு, வேண்டுமென்றே செயற்கை உறுப்புகளை பொருத்தியுள்ளது உள்ளிட்ட அதிர்ச்சி தரத்தக்க தகவல்கள் என்.ஹெச்.எஸ். இங்கிலாந்து எனும் மருத்துவ ஜெர்னலில் வெளியாகியுள்ளன.

டாக்டரின் நடவடிக்கைகள் குறித்த முழுவிசாரணைக்கு உத்தரவிடப்பட்டுள்ளதாகவும், இந்த விசாரணை முடியும் வரை, அவர் மேலும் மருத்துவ சேவைகளில் ஈடுபடாத முடியாதபடி, அவர் சஸ்பெண்ட் செய்யப்பட்டுள்ளதாக, யுனிவர்சிட்டி ஹாஸ்பிடல்ஸ் பிர்மிங்ஹாம் என்.ஹெச்.எஸ். பவுண்டேசன் டிரஸ்ட் கூறியுள்ளது.

தினமலர்