தனிமை

மாயன் · மாயன் Wed 25 Dec 2013 - 11:10

பதின்ம வயதில் பார்த்திருந்தாலும்
அவ்வளவாய் பழக்கமில்லை
பணிநிமித்தமாய் வெளிநாடு வந்தபின்
சந்திப்புகள் தொடர்கதையானது

அலுவல் முடிந்து வீடு வந்தால்
வாசல் வந்து காத்திருப்பாள்
நண்பர்கள் இல்லையென்றால்
உடன் வந்து ஒட்டிக் கொள்வாள்

காலமெல்லாம் துணையிருக்க
காதருகே கிசுகிசுப்பாள்
சண்டையிட்ட பொழுதுகளில்
அரவணைத்து அமைதி காப்பாள்

நண்பர்கள் தேடி வந்தால்
நாசூக்காய் ஒளிந்து கொள்வாள்
சந்தோஷத் தருணங்களன்றி
துயரத்தில் துணையிருப்பாள்

ஒன்றாகவே இருந்தோம்
ஒன்றாகவே திரிந்தோம்
படுக்கையிலும் கூட
ஒன்றிப்போய்க் கிடந்தோம்

எனக்கு திருமணம் செய்வதென
வீட்டில் முடிவானது
மணப்பெண் அவளாய் இருக்க
ஒருபோதும் சாத்தியமில்லை

புது துணையின் நினைவுகளிலே
அவளை மறந்து பொழுது கரைத்தேன்
இத்தனைநாள் உடனிருந்தவளை
ஒரு நொடியில் எட்டி உதைத்தேன்

அவளுடன் வாழ்ந்துவந்ததை
மறைப்பது அவசியமில்லை
முதலிரவின் துவக்கத்திலே
மனைவியிடம் சொல்லிவிட்டேன்

இனி அவள் உடனிருப்பதில்
இருவருக்கும் விருப்பமில்லை
என்மீது கருணை கொண்டு
மனைவி ஒரு தீர்வு சொன்னாள்

மனசாட்சியை உதறித் தள்ளி
மறுநொடியில் கொன்று புதைத்தோம்
கொலைசெய்த சலனமின்றி
முதலிரவை கழித்துச் சென்றோம்

இன்றும் நான் அழைத்தாள்
உயிர்பெற்று வந்துசேர்வாள்
சந்தேகம் எனக்கில்லை - என்
கல்லரையிலும் துணை வருவாள்

அவள் - தனிமை

**T.N.Balasubramanian** · **T.N.Balasubramanian** Wed 25 Dec 2013 - 23:28

தனிமை --இனிமை

ரமணியன்

இந்த பதிவைத் துவங்கியவர் நன்றி கூறியுள்ளார் T.N.Balasubramanian

மாயன் · மாயன் Thu 26 Dec 2013 - 2:07

நன்றி

**ஜாஹீதாபானு** · **ஜாஹீதாபானு** Thu 26 Dec 2013 - 15:34

இன்றும் நான் அழைத்தாள்
உயிர்பெற்று வந்துசேர்வாள்
சந்தேகம் எனக்கில்லை - என்
கல்லரையிலும் துணை வருவாள்

அவள் - தனிமை

அருமை அருமை

மாயன் · மாயன் Fri 27 Dec 2013 - 21:34

நன்றி

Sponsored content · Sponsored content

தனிமை

தனிமை

Re: தனிமை

Re: தனிமை

Re: தனிமை

Re: தனிமை

Re: தனிமை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக