நவீன தொல்காப்பியன்/இளங்கோவடிகள் குறித்து...

நண்பர்களே ,
நான் கீழே தந்துள்ளது குறித்து பலமுறை கவலையுடன் யோசித்திருக்கிறேன்...
இதை ஒரு நாளிதழில் எழுதியவரும் உண்மையில் யாரைச் சொல்லை வேண்டுமோ அவரை நேரிடையாகச் சொல்லாமல் ...
ம் ... ம்...ம் ...எல்லோருக்கும் தயக்கமாய்த்தான் இருக்கிறது...

" .........
பட்டங்களை மேலோட்டமாகப் பார்வையிட்டாலே தமிழில் எத்தனை உலக மகா கவிஞர்களும் அகிலத்தின் சிறந்த எழுத்தாளர்களும் பிரபஞ்ச சிந்தனையாளர்களும் உலகப் பெரும் அறிஞர்களும் இருக்கிறார்கள் என்பதை அறியலாம். இப்படி ஆயிரக்கணக்கான கவிஞர்கள், புலவர்கள், அறிஞர்கள் வாழ்கிற நாட்டில், மொழி எப்படி வளம் பெற்றிருக்க வேண்டும்? ஆனால், மொழியும் மொழி அறிவும் சிறுமைப்பட்டுப் போனதுதான் கடைசியில் நடந்திருக்கிறது.

..............

பாரதி தன் பெயருக்கு முன்னால் ‘மகாகவி’ என்று போட்டுக்கொண்டாரா? பாரதிதாசன் ‘புரட்சிக் கவிஞர்’ என்று போட்டுக்கொண்டாரா? பட்டங்கள் மக்கள் தருவது, காலம் தருவது. நமக்கு நாமே சூடிக்கொள்வதில்லை. துதிபாடிகளால் தரப்படுவதில்லை. அன்றாடம் பயன்படுத்தும் சொற்களுக்கு மீறி அடுத்த சொல்லைத் தேடவோ பயன்படுத்தவோ உருவாக்கவோ இயலாத பலர் இன்று பெரும் கவிஞர்களாக உலாவருகிறார்கள்.

.....சினிமாவுக்குச் சில பாடல்கள் எழுதியவர் நமக்கு அற்புதமான கவிஞர் என்றால், ஐம்பெரும் காப்பியங்களைத் தந்தவர்களுக்கு என்ன பெயர்? எட்டுத்தொகை, பத்துப்பாட்டு, பதினெண் கீழ்க்கணக்கு நூல்களைத் தந்தவர்களுக்கு என்ன பெயர்? ஐவகை நிலங்களைப் பிரித்து, கூடுதல், பிரிதல், காத்திருத்தல், பதற்றமடைதல், வருத்தப்படுதல் என்று ஐவகை உணர்ச்சிகளாகப் பிரித்து மனித வாழ்வின் தமிழ்மொழியின் வற்றாத ஆச்சரியங்களாக உருவாக்கித் தந்துவிட்டுப் போனவர்களுக்கு என்ன பெயர்?
...........

பிழைப்பு நடத்த பி.ஏ. தமிழ் படித்தவரும், ஒரு கட்டுரையைப் பிழையின்றி எழுதத் தெரியாதவரும் ‘புலவர்’ என்றால், கணியன்பூங்குன்றன், நக்கீரர், பரணர் போன்றவர்கள் யார்? ஒரே ஒரு நூலை மட்டும் அதுவும் முழுமையாக உள்வாங்காமல் படித்துவிட்டு வழிகாட்டி ஆசிரியரிடம் ஐந்தாயிரம் பத்தாயிரம் என்று கொடுத்துவிட்டு , ஆய்வேடு என்ற குப்பையில் கையெழுத்து வாங்கி பல்கலைக்கழகத்தில் சமர்ப்பித்துப் பட்டம் பெறுகிறவர் ஆய்வியல் நிறைஞர் நமக்கு.

.................. "

தமிழ் பற்றிய கூரறிவு இல்லாவிடினும் தமிழ் மீது தணியாத காதலால்தான் இவ்விடுகை ... எனக்கு உள்ள பெரும் வருத்தமெல்லாம் மிகப் படித்தோர் என்போர்கூட தமிழை சரியாக உச்சரிப்பதில்லை... உச்சரிக்க முயல்வதில்லை ...இதனால் அவர்கள் குழந்தைகளும் நெடுக அவ்வாறே பேசுகின்றனர்..
இப்போது உள்ள பல தமிழாசிரியர்களுக்கு இது பற்றியெல்லாம் கிஞ்சித்தும் கவலையில்லை ...??!!
எனக்கும் இப்படி எழுதுவது வருத்தமே ...ஆனால் தமிழகத்தில் நிலை இதுதான்..
' வெள்ளிக் கிழமை ' என்று பலருக்கு சொல்ல வராது ...அது ' வெல்லிக் கிலமை' தான் ...
இதுபற்றி நாம் ஏதும் அவமானமோ / அக்கறையோ படுவதில்லை...
இங்கு ஒரு கவிதாயினி தொ(ல்)லைக் காட்சி நிகழ்ச்சிகளில் ' இந்தாருங்கல் , பியுங்கல் , உங்கல் பரிசை ' என்பார்...

யாரேனும் சிலர் இதனைப் படித்து இது பற்றி சிந்த்தித்தாலும் இவ்விடுகைப் பலன் தந்தது ஆகும் !

அன்புடன்,
சுந்தரம்

பி.கு : இது பொதுவில் இடம் பெறும் என நினைத்து இட்டேன் ...எப்படி ' சித்த மருத்துவம் ' எனும் பிரிவில்
வருகிறது என்பதை அறியேன் ...

இன்று இந்த நவீன தமிழ் தொல்லைகாம்பியர்களுக்கு தான் வாழ்வு - என்ன செய்வது?