கண்ணன் வந்தான்..அங்கே... )

சின்னக் கண்ணன் · 19/12/2013

1. முன்பு எழுதிப் பார்த்த அந்தாதி முயற்சி...!

எண்ணுகையில் நெஞ்சுள்ளே உற்சாகம் தான்பெருக்கும்
சின்னக் குழவியவன் சீர்மிகுந்த நோக்கினிலே
வண்ணமாய் எல்லோர்க்கும் வாழ வகைசெய்யும்
கண்ணன் கழல்களே காப்பு

காப்பதற் கென்றே குடையாகத் தான்பிடிக்க
ஆக்களுடன் சேர்ந்தங்கு மாக்களும் நின்றுவிட
பேய்மழையைப் பார்த்தே பயந்திருந்த கோகுலத்தைக்
காத்துத்தான் நின்றவன் காண்..

காண்பதோ சின்னக் குழந்தையின் தோற்றமெனில்
தீண்டிய பூதகியைத் தாக்கியே - மண்ணில்
விழச்செய்து வித்தைகள் வேடிக்கையாய்ச் செய்த
குழவிக் கிணையேது சொல்

சொல்ல நினைத்தாலே சோறதுவும் பானையிலே
துள்ளியே ஆர்ப்பரித்துத் தோயாமல் பொங்குதற்போல்
அள்ளிப் பெருகிடுதே கண்ணனவன் லீலையதும்
பள்ளிப் பருவத்தில் பார்..

பார்த்தான் பலவாறாய் பக்குவத்தைத் தானிழந்து
ஆர்ப்பரித்த காளிங்கன் தீச்செயலை – வேர்த்து
விறுவிறுத் தாடியே வெட்கிட வைத்தான்
துறுதுறு கண்ணனவன் தான்..

கண்ணனவன் தானங்கே கட்டிய கல்லிழுத்து
திண்ணமாய் நேர்நோக்கிச் செல்லுகையில் – மின்னலது
பட்டாற்போல் மரங்கள் பிரிந்தங்கே வீழவும்
தொட்டனர் சுட்டியின் தாள்

தாளால் விஷத்துடனே தீண்டிய பூதகியை
மீளா நிலைக்கணுப்பி மீண்டவன் –கேளாமல்
தாயிடம் தப்பித் தளிர்மண்ணைத் தின்னவும்
வாயில் தெரிந்த வுலகு..

உலகங்கள் சுற்றுவதை ஒன்றாக்க் காட்டி
கலக்கத்தைத் தாயிடம் கூட்டி – படக்கென
அன்னையைக் கொஞ்சம் அணைத்தே அழுதிடுவான்
சின்னஞ் சிறுகண்ணன் தான்

சின்ன்ஞ் சிறுகண்ணன் தானென்று எண்ணாமல்
நன்றாய் இழுத்தே நாலுஅடி போடென்றே
கன்ன ஞ் சிவந்திருந்த கன்னியர்கள் சொல்கையிலே
பின்னலைப் பின்னுவான் பார்..

பார்க்கும் இடமெல்லாம் புன்னகைக்கு முன்வதனம்
ஈர்க்கும் பலவாறாய் என்பதனால் – சேர்த்திழுத்துக்
கண்ணிமை மூடவும் கண்ணா சிரிக்கின்றாய்
விண்ணினைக் காட்டுவா யா..

**

அன்புடன்
சின்னக் கண்ணன்..

N.S.Mani · N.S.Mani Fri Dec 20, 2013 7:23 pm

அருமை அருமை!!

**ayyasamy ram** · **ayyasamy ram** Sat Dec 21, 2013 8:51 am

-

கண்ணன் வந்தான்..அங்கே... ) 4iQ34XMQdyyCePrYmp41+kannan

சின்னக் கண்ணன் · 19/12/2013

என்.எஸ்.ம்ணி அவர்க்ளுக்கு நன்றி..

சின்னக் கண்ணன் · 19/12/2013

அய்யாசாமி ராம் அவர்களுக்கு நன்றி..

**சிவா** · **சிவா** Sat Dec 21, 2013 11:16 pm

தமிழ்த்தாய் தன் குழந்தைக்கு தடையில்லாத வார்த்தைப் புலமையை வழங்கியுள்ளார்...!

பாராட்ட திறமையில்லை...! வாழ்த்துகிறேன் தங்களின் தமிழ்ப் புலமை மேலும் செழித்தோங்க....!

**T.N.Balasubramanian** · **T.N.Balasubramanian** Sun Dec 22, 2013 7:10 am

சின்ன கண்ணனுக்கு
சின்னக் கண்ணன்
ஆதியில் எழுதி பார்த்த
அந்தாதி அருமை அருமை அன்பு மலர்

அந்தமில்லாது, கவிதைகளை
அள்ளி அள்ளி தருக இங்கே
ரசிக்கும் உள்ளங்கள்
சிக்கும் பல இங்கே .

ரமணியன்

சின்னக் கண்ணன் · 19/12/2013

அன்பின் சிவா, ரமணீயன் அவர்களுக்கு என் நன்றிகள்..

Sponsored content · Sponsored content

கண்ணன் வந்தான்..அங்கே... )

கண்ணன் வந்தான்..அங்கே... )

Re: கண்ணன் வந்தான்..அங்கே... )

Re: கண்ணன் வந்தான்..அங்கே... )

Re: கண்ணன் வந்தான்..அங்கே... )

Re: கண்ணன் வந்தான்..அங்கே... )

Re: கண்ணன் வந்தான்..அங்கே... )

Re: கண்ணன் வந்தான்..அங்கே... )

Re: கண்ணன் வந்தான்..அங்கே... )

Re: கண்ணன் வந்தான்..அங்கே... )

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக