குழந்தையை மிதித்து கொடூரமாக கொன்ற தாய்க்கு ஆயுள் தண்டனை

தூத்துக்குடியில் உள்ள ஒட்டப்பிடாரம் அருகே 2வது திருமணம் செய்து வாழ்வதற்க்கு இடஞ்சலாக இருந்ததாக நினைத்து 3 வயது குழந்தையை மிதித்துக் கொன்ற தாய் மற்றும் லாரி டிரைவருக்கு நீதிமன்றம் ஆயுள் தண்டனை விதித்துள்ளது.

ஓட்டப்பிடாரம் அருகே உள்ள தெற்கு பரம்பூர் பகுதியை சேர்ந்தவர் ராஜன். இவரது மனைவி சரிதா (வயது 20). இவர்களுக்கு பாரதிதாசன் (3) என்ற மகன் இருந்தான். இந்நிலையில் கணவன்-மனைவிக்கு இடையே ஏற்பட்ட கருத்து வேறுபாட்டின் காரணமாக 2 பேரும் விவாகரத்து செய்தனர். அப்போது ராஜன் தரப்பில் பாரதிதாசனுக்கு ரூ.4 லட்சம் கொடுக்கப்பட்டது. அந்த பணம் பாரதிதாசன் பெயரில் வங்கியில் டெபாசிட் செய்யப்பட்டிருந்தது.

இந்நிலையில் சரிதா குழந்தையுடன் அவரது பெற்றோர் வீட்டில் வசித்து வந்தார். அப்போது பரம்பூர் பகுதியை சேர்ந்த திருமணமான டிரைவர் உத்திரைசெல்வன்(29) என்பவருடன் பழக்கம் ஏற்பட்டது. இதைத்தொடர்ந்து இருவரும் திருமணம் செய்து கொண்டனர். திருமணம் முடிந்ததும் சரிதா உத்திரைசெல்வனுடன் வாழ்ந்து வந்தார். பாரதிதாசன் சரிதாவின் பெற்றோரிடம் வளர்ந்து வந்தான்.

பாரதிதாசன் இருப்பது உத்திரைசெல்வனுக்கு இடைஞ்சலாக இருந்தது. இதனால் கடந்த 28.3.2013 அன்று பாரதிதாசனை ஓட்டப்பிடாரம் சுப்பிரமணியபுரத்தில் உள்ள பாலத்திற்கு கூட்டி சென்று சரமாரி காலால் மிதித்தார். இதையறிந்து அங்கு வந்த சரிதா, உத்திரைசெல்வனை தடுத்து நிறுத்தினார். அப்போது அவர் பாரதிதாசன் இருந்தால் நம்மால் இணைந்து வாழ முடியாது, மேலும் அவனது பணம் நமக்கு கிடைக்க வேண்டுமென்றால் அவனை கொல்ல வேண்டும் என்றார். இதற்கு சரிதாவும் சம்மதம் தெரிவிக்கவே, இருவரும் சேர்ந்து 3 வயது குழந்தை என்றும் பாராமல் பாரதிதாசனை கொடூரமாக கொலை செய்தனர்.

இது குறித்து புதியம்புத்தூர் போலீசார் விசாரணை நடத்தி 2 பேரையும் கைது செய்தனர். இந்த வழக்கு தூத்துக்குடி 2-வது கூடுதல் அமர்வு நீதிமன்றத்தில் நடந்து வந்தது. இந்த வழக்கில் இன்று நீதிபதி பால்துரை தீர்ப்பளித்தார். அதில் பாரதிதாசனை கொலை செய்த சரிதா, உத்திரைசெல்வனுக்கு ஆயுள் தண்டனை விதித்து தீர்ப்பளித்தார்.

வெப்துனியா

-


விரைந்து நீதி சொன்ன நீதியரசருக்கு வாழ்த்துகள்..