தி.மு.க., என்ற அழுக்கு மூட்டையை பா.ஜ., சுமக்காது: இளங்கோவன்

**சிவா** · **சிவா** Tue Dec 17, 2013 11:14 pm

சென்னை: தி.மு.க., என்ற அழுக்கு மூட்டையை, பா.ஜ., சுமக்காது,'' என, முன்னாள் மத்திய அமைச்சர் இளங்கோவன் கூறினார்.

அவரது பேட்டி: "காங்கிரசுடன் கூட்டணி இல்லை' என, கருணாநிதி கூறியுள்ளார். அவரது அறிவிப்பு, எங்களுக்கான, கிறிஸ்துமஸ், புத்தாண்டு பரிசாக காங்கிரஸ் கருதுகிறது. "கூண்டிலிருந்து விடுபட்டுள்ளோம்' என, வாசன் கூறியுள்ளார். "கூட்டணி கிடையாது' என்ற, கருணாநிதியின் அறிவிப்பால், பெரிய சுமை நீங்கி விட்டதாகக் கருதுகிறோம்; அவர்களால், எங்களுக்கு ஏற்பட்ட கறை நீக்கப்பட்டதாக உணருகிறோம். மறுபடி சமரசம் கிடையாது. காங்கிரசுக்கு சுயமரியாதை இருக்கிறது. தி.மு.க., தான் எங்களுக்கு துரோகம் இழைத்து விட்டது.

காங்கிரஸ் ஆதரவுடன் மைனாரிட்டி தி.மு.க., அரசு, ஐந்து ஆண்டு காலம் ஆட்சி நடத்தியது.
சி.பி.ஐ.,யை தவறாக பயன்படுத்தவில்லை. சி.பி.ஐ., என்பது தனி ஆளுமை நிறுவனம். காங்கிரசை குற்றம் சொல்வது, பா.ஜ.,வுக்கு ஒத்து ஊதுவது போல் உள்ளது. இந்த அழுக்கு மூட்டையை, முதுகில் சுமக்க, பா.ஜ., தயாராக இருக்காது. ஊழல் கறை படிந்த, தி.மு.க.,வை, பா.ஜ., சேர்ப்பது சந்தேகம் தான். இவ்வாறு, இளங்கோவன் கூறினார்.