மோடி தலைமையில் ”ஒற்றுமை ஓட்டம்”

**சிவா** · **சிவா** Sun 15 Dec 2013 - 13:29

குஜராத் மாநிலத்தில் உலகிலேயே மிகப் பெரிய அளவில் சர்தார் வல்லபாய் படேலுக்கு சிலை நிறுவப்படுகிறது. இந்த சிலை அமைக்க இரும்புகளை அழிக்க நாட்டில் உள்ள அனைத்து விவசாயிகளுக்கும் பாரதீய ஜனதா கட்சி கோரிக்கை விடுத்தது. இந்நிலையில் இன்று காலை பாரதீய ஜனதா கட்சியின் சார்பில் நாட்டில் பல்வேறு பகுதிகளில் சர்தார் வல்லபாய் படேல் சிலையை நிறுவதற்கு தேவையான இரும்பை சேகரிப்பதற்கான ”ஒற்றுமை ஓட்டம்” நடத்தப்பட்டது.

குஜராத் மாநிலம் வதோராவில் நடந்த மராத்தான் ஓட்டத்தில் பாரதீய ஜனதா கட்சியின் பிரதமர் வேட்பாளர் நரேந்திர மோடி கலந்து கொண்டார். அகமதாபாத்தில் நடந்த மராத்தான் ஓட்டத்தில் அக்கட்சியின் மூத்த தலைவர் அத்வானி கலந்து கொண்டார். புதுடெல்லியில் நடந்த மராத்தான் ஓட்டத்தில் அக்கட்சியின் தலைவர் ராஜ்நாத் சிங், மூத்த தலைவர் சுஷ்மா சுவராஜ் உள்ளிட்ட தலைவர்கள் கலந்து கொண்டனர். நாட்டின் பல்வேறு பகுதிகளில் பாரதீய ஜனதா கட்சியின் சார்பில் ”ஒற்றுமை ஓட்டம்” நடைபெறுகிறது.

இது தொடர்பாக நரேந்திர மோடி கூறுகையில் “சர்தார் வல்லபாய் படேல் தனது வாழ்நாளை நாட்டின் ஒற்றுமைக்காக கழித்தார். நமக்கு எப்போதெல்லாம் சர்தார் படேலின் ஞாபகங்கள் வருகிறதோ, அது நமக்கு அவரின் ஒற்றுமை போதனைகளை நினைவூட்டுகிறது” என்று கூறியுள்ளார்.

தினத்தந்தி

**ayyasamy ram** · **ayyasamy ram** Mon 16 Dec 2013 - 8:59

சுதந்திர இந்தியாவின்
முதல் துணை பிரதம அமைச்சராகவும்
உள்துறை அமைச்சராகவும் பணியாற்றிய
சர்தார் வல்லப்பாய் படேல்
சுதந்திர இந்தியாவை ஒருங்கிணைத்த சிற்பியாவார்.
-
ஐநூறுக்கும் மேற்பட்ட சமஸ்தாங்களை
ஒருங்கிணைத்து இன்றைய ஒருங்கிணைந்த
இந்தியாவை உருவாக்கினார்.
இவர் இந்தியாவின் இரும்பு மனிதர் என்று
அழைக்கப்பட்டார்.
--

மோடி தலைமையில் ”ஒற்றுமை ஓட்டம்”

மோடி தலைமையில் ”ஒற்றுமை ஓட்டம்”

Re: மோடி தலைமையில் ”ஒற்றுமை ஓட்டம்”

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக