"அமெரிக்கவிண்கலத்தை விடமங்கள்யான் சீரானவேகத்தில்செல்கிறது'

கவின் · கவின் Sat Dec 14, 2013 11:14 pm

மங்கள்யான் விண்கலம்
அமெரிக்காவின் மாவென்
விண்கலத்தை விட சீரான
வேகத்தில் செவ்வாய்
கிரகத்தை நோக்கிச்
சென்றுகொண்டிருப்பதாக இஸ்ரோ தொலையுணர்வு மற்றும்
அறிவியல்
செயற்கைக்கோள்கள்
தலைமைத் திட்ட இயக்குநர்
மயில்சாமி அண்ணாதுரை கூறினார்.

அமெரிக்காவின் மாவென்
விண்கலத்தில் முதல்
பாதை திருத்தும் திட்டம்
டிசம்பர் 3-ஆம்
தேதி மேற்கொள்ளப்பட்டது.
அதில் மாவென் விண்கலத்தின் வேகம்
விநாடிக்கு 1 கிலோமீட்டர்
குறைக்கப்பட்டது. ஆனால்,
மங்கள்யான் விண்கலத்தின்
வேகம் விநாடிக்கு 7 மீட்டர்
என்ற அளவிலேயே குறைக்கப்பட்டது என
அவர் மேலும் கூறினார்.

மங்கள்யான் விண்கலத்தின்
பாதை முதல்முறையாக
புதன்கிழமை (டிச.11)
காலை 6.30 மணிக்கு திருத்தம்
செய்யப்பட்டது. அதன்படி,
விண்கலத்தின் வேகம்
விநாடிக்கு 7 மீட்டர்
குறைக்கப்பட்டது. மங்கள்யான் விண்கலத்தின்
பாதை திருத்தம் மற்றும்
செயல்பாடுகள் தொடர்பாக,
அதன் தலைமைத் திட்ட
இயக்குநர்
மயில்சாமி அண்ணாதுரை, "தினமணி' நிருபரிடம்
புதன்கிழமை கூறியது: மங்கள்யான் விண்கலத்தில்
உள்ள சிறிய என்ஜின்
புதன்கிழமை காலை சுமார்
40 விநாடிகள் எதிர்திசையில்
இயக்கப்பட்டது.

இதன்மூலம்
விண்கலத்தின் வேகம் விநாடிக்கு 7 மீட்டர்
குறைக்கப்பட்டது.
அதன்பிறகு, விண்கலம்
விநாடிக்கு 8.2 கிலோமீட்டர்
வேகத்தில் செவ்வாய்
கிரகத்தை நோக்கிச் சென்றுகொண்டிருக்கிறது.
செவ்வாய்
கிரகத்தை செப்டம்பர்
மாதத்தில் சென்றடைய
விண்கலம் குறிப்பிட்ட
வேகத்தில் செல்ல வேண்டும். அதற்காக விண்கலத்தின்
வேகம்
தொடர்ந்து கண்காணிக்கப்பட்டு வருகி விண்கலம் திட்டமிட்டதைவிட
சற்று அதிகமான வேகத்தில்
சென்றதால் அதன் வேகம்
குறைக்கப்பட்டது.

விண்கலம்
தொடர்ந்து தனது பாதையில்
சீராகச் சென்றால் அடுத்த பாதை திருத்தும் திட்டம்
ஏப்ரல் 14-ஆம்
தேதி மேற்கொள்ளப்படும். அதன்பிறகு ஆகஸ்ட்,
செப்டம்பர் மாதங்களில்
பாதை திருத்தும்
பணிகளை மேற்கொள்ளப்படும். 30 லட்சம் கிலோமீட்டர்
தூரத்தில்... மங்கள்யான்
விண்கலம்
இப்போது பூமியிலிருந்து 30
லட்சம் கிலோமீட்டர்
தொலைவில் செவ்வாய் கிரகத்தை நோக்கி சென்றுகொண்டிர இப்போது விண்கலத்துக்கு சிக்னல்கள
பெறவும் 20 விநாடிகள்
வரை ஆகிறது.
விண்கலத்தின்
தொலைவு அதிகரிக்க,
அதிகரிக்க சிக்னல் அனுப்புவதில் தாமதமும்
அதிகரிக்கும்.

பூமியிலிருந்து விண்கலம்
நீண்ட தொலைவில்
சென்றுவிட்டது.
எனவே பெங்களூர்,
அமெரிக்காவின்
கலிஃபோர்னியா மாகாணத்தில் உள்ள கோல்ட் ஸ்டோன்,
ஸ்பெயின் நாட்டில் உள்ள
மாட்ரிட், ஆஸ்திரேலியாவின்
கேன்பெரா ஆகிய 4
மையங்களில் உள்ள பெரிய
ஆன்டெனாக்கள் மூலம் மட்டுமே சிக்னல்களை அனுப்ப
முடிகிறது என்றார் அவர்.

கவின் · கவின் Sat Dec 14, 2013 11:31 pm

மங்கள்யான் இப்போது .நமது பூமிக்கும் நிலவுக்கும் உள்ள தூரத்தைப் போல பத்து மடங்கு தொலைவில் அதாவது சுமார் 38 இலட்சம் கிலோமீட்டர் தொலைவில் சீரான வேகத்தில் சென்று கொண்டுள்ளது