பனியில் இருந்து குழந்தைகளை காக்க சூப்பர் டிப்ஸ் !

**krishnaamma** · **krishnaamma** Sat Dec 14, 2013 6:54 pm

சுள்ளெனக் கொளுத்தும் வெயிலையும், சடசட மழையையும் தாங்கி கொள்ளலாம். அதுவும் எலும்பை ஊடுருவும் கார்த்திகை, மார்கழிப் பனியை கண்டால் பயப்படுவோம். மழையும் குளிரும் வாட்டும் இந்த காலக்கட்டங்களில் காய்ச்சலும் சளித் தொந்தரவும் எளிதில் வந்துவிடும்.

உதடுகளில் வெடிப்பு, கை, கால்களில் வறட்சி ஏற்படும். இதற்காக நாம் கவலைப்பட வேண்டாம். நாம் கொஞ்சம் முன்னெச்சரிக்கையாக இருந்தால் பனியும் குளிரும் நம்மை எதுவும் செய்யாது.

பனியில் இருந்து குழந்தைகளை காக்க சூப்பர் டிப்ஸ் ! YD4qHNfQ9eA37D8VF5VP+Evening-Tamil-News-Paper_55939447880

பனியில் இருந்து குழந்தைகளை காக்க சூப்பர் டிப்ஸ் ! YD4qHNfQ9eA37D8VF5VP+Evening-Tamil-News-Paper_55939447880

ஒரே சீரான தட்ப வெப்பநிலை இல்லாமல் வெப்பமும் பனியும் கலந்து இருக்கும் நாட்களில் கிருமிகளின் தாக்கம் அதிகம் இருக்கும். பனிக்காலத்தில் ஏ டிபிக்கல் வகை வைரஸ் அதிகமாக தாக்கும். இந்த வைரஸ் கிருமிகள் தாக்கினால் 10 முதல் 13 நாட்கள் வரை வலி நீடிக்கும். சுற்றுச்சூழல் மற்றும் வாழ்வியல் மாற்றங்களால் நமது

உடலின் நோய் எதிர்ப்பு சக்தியின் அளவு குறைந்து வருவதுதான் இதற்குக் காரணம். இந்த வைரஸ் குழந்தைகளையும், வயதானவர்களையும்தான் அதிகம் தாக்குகிறது. இந்தக் காய்ச்சல் வந்தவர்கள் காரத்தைத் தவிர்த்துவிட வேண்டும். இட்லி, இடியாப்பம், கோதுமை ரவை உப்புமா, புழுங்கல் அரிசி கஞ்சி, பிரெட் ஆகியவற்றைச் சாப்பிடலாம். சப்போட்டா, மாதுளை, ஆப்பிள் ஆகிய பழங்களை சாப்பிடலாம். புளிப்புச் சுவை நிறைந்த பழங்களைக் கட்டாயம் தவிர்க்க வேண்டும்.

வெயில் காலங்களில் நம் உடம்புக்கு ஒத்துக்கொள்ளும் இந்தப் பழங்கள், குளிர் காலங்களில் ஒத்துக்கொள்ளாது. காரணம், தட்பவெப்ப நிலைக்கு ஏற்றமாதிரி நம் உடல் செயல்பாடுகள் மாறுவதுதான். வெயில் காலங்களில் நமக்கு அதிகமாக வியர்க்கும்.

அப்போது வியர்வையுடன் சேர்ந்து அல்கலைன் சிட்ரைட் என்ற அமிலமும் நம் உடலில் இருந்து வெளியேறும். அதை ஈடு செய்வதற்காக அமிலச் சத்து நிறைந்த சிட்ரஸ் பழங்கள் மற்றும் மோர், பானகம் போன்ற புளிப்புச்சுவை நிறைந்த பானங்களைப் பருகுவோம். குளிர் காலத்தில் அதிகமாக வியர்க்காத நிலையில் இவற்றைக் குடிக்கும்போது, நம் உடலில் அதிக அளவில் அமிலச் சத்து சேர்ந்து, சளி, சைனஸ் போன்றவை ஏற்படலாம். முக்கியமாக பச்சை திராட்சையையும், பச்சை வாழைப்பழத்தையும் கண்டிப்பாக தவிர்க்க வேண்டும்.

பனிக்காலத்தில் பொதுவாகவே தொண்டை வலி ஏற்படும். எப்போதும் வெதுவெதுப்பான தண்ணீரையே குடிக்க வேண்டும். குளிக்க வேண்டும். வெந்நீரில் கைப்பிடி அளவு துளசி, கிராம்பு, மிளகு, ஏலக்காய் போட்டு கொதிக்க வைத்து, அந்த தண்ணீரைக் குடித்தால் சளி பிடிக்காது, தொண்டை வலியும் வராது.

துளசி கிடைக்கவில்லை என்றால் கற்பூரவல்லி, தூதுவளை கீரை ஆகியவற்றில் கஷாயம் வைத்தும் குடிக்கலாம். எந்தக் கீரையும் கிடைக்கவில்லையென்றால் இரண்டு வெற்றிலையை மென்று சாப்பிடலாம். கற்பூரவல்லி கஷாயம் குடிக்கப் பிடிக்கவில்லையென்றால் அதில் பஜ்ஜி, மோர்க் குழம்பு செய்து சாப்பிடலாம்.

குழந்தைகளுக்கு இரவில் தூங்குவதற்கு முன்பு காதுகளின் பின்புறங்களில் லேசாகத் தைலம் தேய்த்தால் சளி பிடிக்காது. எந்த உணவாக இருந்தாலும் சுடச்சுட சாப்பிடத் தர வேண்டும். ஒரு கரண்டி ஆலிவ் ஆயிலை ஒரு பக்கெட் நீரில் கலந்து குளிக்கலாம். சருமம் மிகவும் வறண்டிருந்தால், ஆலிவ் ஆயிலை உடம்பில் பூசி, மசாஜ் செய்யவும். 15 நிமிடத்திற்கு பிறகு குளிக்கலாம்.

சிறிது பஞ்சை காதில் வைத்துக் கொண்டு சென்றாலும், குளிர் காற்றிலிருந்து தப்பிக்கலாம். குளிர்ச்சியான பானங்களை அருந்துவதை தவிர்க்கவும். சூப் அருந்தலாம். குழந்தைகளுக்கு குல்லா, ஸ்வெட்டர், சாக்ஸ் அணிவித்து, வெளியே அழைத்துச் செல்வதும் அவசியம்.

எண்ணெய் மற்றும் மசாலா ஐட்டங்கள் அதிகம் சேர்த்த உணவுகளை தவிர்ப்பது நல்லது. தினமும் காலையில், துளசி இலை நான்கை தண்ணீரில் ஊற வைத்து அருந்துவது நல்லது.

குளிக்கும் போது சோப்பு பயன்படுத்தாமல், கடலை மாவு அல்லது பயத்தம் பருப்பு மாவு தேய்த்து குளிக்கலாம். தொண்டை வலி, கமறல், இருமல் போன்றவற்றுக்கு, ஒரு கரண்டியில் நெய்யை விட்டு காய்ந்ததும், ஒரு சிறு துண்டு வெல்லத்தை போட்டு பொங்கி வரும் போது, அரை தேக்கரண்டி மிளகுப் பொடி போட்டு, அடுப்பை அணைத்து. சற்று ஆறியதும் உருட்டி வாயில் போட்டு கொண்டால் இதமாக இருக்கும்; இருமலும் அடங்கும்.

பாத வெடிப்பு நீங்க டிப்ஸ்:

பப்பாளி பழத்தை நன்கு அரைத்து அதை பாதங்களில் வெடிப்பு உள்ள பகுதியில் தேய்க்க வேண்டும். அவை உலர்ந்ததும் பாதத்தை தண்ணீரில் நனைத்து மறுபடியும் தேய்க்க வேண்டும். இவ்வாறு தொடர்ந்து செய்து வந்தால் பித்த வெடிப்பு குணமாகும். மருதாணி இலைகளை நன்றாக அரைத்து பித்த வெடிப்பு உள்ள இடங்களில் தேய்த்து உலர விடவேண்டும். பின்னர் தண்ணீரில் கழுவி வர நாளடைவில் பித்த வெடிப்பு குணமாகும்.

கால் தாங்கும் அளவுக்கு தண்ணீரை சூடாக்கி அதில் சிறிது உப்பு மற்றும் எலுமிச்சை சாற்றை சேர்க்க வேண்டும். அந்த தண்ணீரில் பாதத்தை சிறிது நேரம் வைத்திருந்து பின் பாதத்தை சொரசொரப்பான பிரஷ் கொண்டு தேய்த்து கழுவினால் பாதத்தில் காணப்படும் கெட்ட செல்கள் உதிர்ந்து விடும். இதனால் வெடிப்பு ஏற்படுவது நிற்பதோடு பாதம் மென்மையாகவும் இருக்கும். வேப்பிலை, மஞ்சள் ஆகியவற்றுடன் சிறிதளவு சுண்ணாம்புச் சேர்த்து அரைக்க வேண்டும். இந்த கலவையில் விளக்கெண்ணெய் சேர்த்து வெடிப்பு உள்ள இடங்களில் பூசினால் வெடிப்பு நீங்கும்.

விளக்கெண்ணெய் தேங்காய் எண்ணெய் சமஅளவில் எடுத்து கொண்டு அதில் சிறிது மஞ்சள் தூளை கலந்து பேஸ்ட் போல குழைத்து பாதத்தில் வெடிப்பு உள்ள இடத்தில் தடவி சிறிது நேரம் கழித்து கழுவினால் வெடிப்பு சரியாகி விடும். வேப்ப எண்ணெயில் சிறிதளவு மஞ்சள் பொடியை கலந்து பேஸ்ட் போல குழைத்து வெடிப்பு உள்ள இடத்தில் தடவலாம்.

உதடுகளை பாதுகாப்பது எப்படி?

சோற்றுக் கற்றாழை சாரையோ அல்லது அதிலிருந்து தயாரிக்கப்பட்ட ஜெல்லையோ உதடுகளில் தடவினால் உதடு ஈரப்பதத்துடன் வெடிக்காமல் இருக்கும். பொதுவாக நாம் குளிர் காலங்களில் தண்ணீர் குடிப்பதில்லை. உடம்பில் தண்ணீர் சத்து குறைந்தாலும் உதடுகள் வெடிக்கும். அதனால் குளிர் காலங்களில் தாகம் எடுக்கவில்லையென்றாலும் அதிகமாக தண்ணீர் குடிக்க வேண்டும். ஊட்டச்சத்து பற்றாக்குறையினாலும் உதட்டில் தோல்உரிந்து, வெடித்துப் புண்ணாகும். அதனால் சத்துள்ள பழங்கள்,காய்கறிகளை உணவில் சேர்த்துக் கொள்ள வேண்டும்.

thanks: Tamilmurasu

**மதுமிதா** · **மதுமிதா** Sat Dec 14, 2013 7:06 pm

அம்மா இது குழந்தைகளுக்கு மட்டும் தான? சோகம்

**ராஜா** · **ராஜா** Sat Dec 14, 2013 7:10 pm

மதுமிதா wrote:அம்மா இது குழந்தைகளுக்கு மட்டும் தான?

ஆமாம் ..... என்னை போன்ற குழந்தைகளுக்கு மட்டும்

**மதுமிதா** · **மதுமிதா** Sat Dec 14, 2013 7:16 pm

ராஜா wrote:
மதுமிதா wrote:அம்மா இது குழந்தைகளுக்கு மட்டும் தான?

ஆமாம் ..... என்னை போன்ற குழந்தைகளுக்கு மட்டும்

மேற்கோள் செய்த பதிவு: 1038663அட அட அம்மா பாத்துகோங்க ஒரு 10 மாச கொழந்த நம்ம ஈகரைல இருக்கு :P

**krishnaamma** · **krishnaamma** Sat Dec 14, 2013 7:18 pm

மதுமிதா wrote:அம்மா இது குழந்தைகளுக்கு மட்டும் தான?

மேற்கோள் செய்த பதிவு: 1038661

நமக்கும் தான் மது புன்னகை

இந்த வருடம் மிக குளிர் இருக்கு இங்கு , இல்லையா மது ?

**ராஜா** · **ராஜா** Sat Dec 14, 2013 7:21 pm

மதுமிதா wrote:
ராஜா wrote:
மதுமிதா wrote:அம்மா இது குழந்தைகளுக்கு மட்டும் தான?

ஆமாம் ..... என்னை போன்ற குழந்தைகளுக்கு மட்டும்
மேற்கோள் செய்த பதிவு: 1038663அட அட அம்மா பாத்துகோங்க ஒரு 10 மாச கொழந்த நம்ம ஈகரைல இருக்கு :P

மேற்கோள் செய்த பதிவு: 1038667

என்ன மது , ஆறு மாசம் கூட சொல்லிட்ட சோகம்

**மதுமிதா** · **மதுமிதா** Sat Dec 14, 2013 7:21 pm

krishnaamma wrote:
மதுமிதா wrote:அம்மா இது குழந்தைகளுக்கு மட்டும் தான?
மேற்கோள் செய்த பதிவு: 1038661

நமக்கும் தான் மது

மேற்கோள் செய்த பதிவு: 1038669ஆமா அம்மா ரொம்ப அவஸ்த படுறேன் அம்மா... இவ்ளோ கூல் ..... மதுரை-லையே இருந்துட்டு இது தான் அம்மா first time அதும் இரவில் வரும் போது என்னால முடியல்ல அம்மா அய்யோ.... சோகம்

**krishnaamma** · **krishnaamma** Sat Dec 14, 2013 7:26 pm

மதுமிதா wrote:
krishnaamma wrote:
மதுமிதா wrote:அம்மா இது குழந்தைகளுக்கு மட்டும் தான?
மேற்கோள் செய்த பதிவு: 1038661

நமக்கும் தான் மது
மேற்கோள் செய்த பதிவு: 1038669ஆமா அம்மா ரொம்ப அவஸ்த படுறேன் அம்மா... இவ்ளோ கூல் ..... மதுரை-லையே இருந்துட்டு இது தான் அம்மா first time அதும் இரவில் வரும் போது என்னால முடியல்ல அம்மா அய்யோ....

மேற்கோள் செய்த பதிவு: 1038672

போன வருடம் சற்று குறைவாக இருந்தது, இந்த முறைதான் எல்லா வருடங்களையும் போல சரியாக தீபாவளி ஆனதும் குளிர் ஆரம்பித்து விட்டது, எனக்கு 1 வாரமாய் சரியான சளி, இருமல், வாக்கிங் கூட போவது இல்லை நாங்க சோகம்

**ராஜா** · **ராஜா** Sat Dec 14, 2013 7:27 pm

மதுமிதா wrote:ஆமா அம்மா ரொம்ப அவஸ்த படுறேன் அம்மா... இவ்ளோ கூல் ..... மதுரை-லையே இருந்துட்டு இது தான் அம்மா first time அதும் இரவில் வரும் போது என்னால முடியல்ல அம்மா அய்யோ....

காதை மூடிக்கோ மது அதுவே நம்மை குளிரில் இருந்து பெருமளவில் காப்பாற்றும்.

காலுறை + கையுறை (இரண்டுமே காட்டன்) அணிந்து தூங்குவதும் சிறப்பு

**மதுமிதா** · **மதுமிதா** Sat Dec 14, 2013 7:34 pm

ராஜா wrote:
மதுமிதா wrote:ஆமா அம்மா ரொம்ப அவஸ்த படுறேன் அம்மா... இவ்ளோ கூல் ..... மதுரை-லையே இருந்துட்டு இது தான் அம்மா first time அதும் இரவில் வரும் போது என்னால முடியல்ல அம்மா அய்யோ....
காதை மூடிக்கோ மது அதுவே நம்மை குளிரில் இருந்து பெருமளவில் காப்பாற்றும்.

காலுறை + கையுறை (இரண்டுமே காட்டன்) அணிந்து தூங்குவதும் சிறப்பு

மேற்கோள் செய்த பதிவு: 1038678ம்ம்ம்ம்ம் உடம்பை நன்றாக பார்த்து கொள்ளுங்கள் அம்மா .....

அப்படி தன அம்மா வருகிறேன் ஜெர்கின் போட்டு சாக்ஸ் ஸ்டோல் போட்டு தன வரேன் அம்மா நைட்-ம் சாக்ஸ் போட்டு 2 பெட் சீட் போட்டு தூங்குரென் சோகம்

Sponsored content · Sponsored content

பனியில் இருந்து குழந்தைகளை காக்க சூப்பர் டிப்ஸ் !

பனியில் இருந்து குழந்தைகளை காக்க சூப்பர் டிப்ஸ் !

Re: பனியில் இருந்து குழந்தைகளை காக்க சூப்பர் டிப்ஸ் !

Re: பனியில் இருந்து குழந்தைகளை காக்க சூப்பர் டிப்ஸ் !

Re: பனியில் இருந்து குழந்தைகளை காக்க சூப்பர் டிப்ஸ் !

Re: பனியில் இருந்து குழந்தைகளை காக்க சூப்பர் டிப்ஸ் !

Re: பனியில் இருந்து குழந்தைகளை காக்க சூப்பர் டிப்ஸ் !

Re: பனியில் இருந்து குழந்தைகளை காக்க சூப்பர் டிப்ஸ் !

Re: பனியில் இருந்து குழந்தைகளை காக்க சூப்பர் டிப்ஸ் !

Re: பனியில் இருந்து குழந்தைகளை காக்க சூப்பர் டிப்ஸ் !

Re: பனியில் இருந்து குழந்தைகளை காக்க சூப்பர் டிப்ஸ் !

Re: பனியில் இருந்து குழந்தைகளை காக்க சூப்பர் டிப்ஸ் !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக