ஜூனியர் ஹாக்கி: இந்தியாவுக்கு 10வது இடம்

புதுடில்லி: ஜூனியர் உலக கோப்பை ஹாக்கி தொடரில் இந்தியாவுக்கு 10வது இடம் கிடைத்தது. நேற்று நடந்த போட்டியில் பாகிஸ்தானிடம் "பெனால்டி ஷூட் அவுட்' முறையில் தோல்வி அடைந்தது.

டில்லியில், ஆண்களுக்கான 10வது ஜூனியர் உலக கோப்பை ஹாக்கி தொடர் நடக்கிறது. நேற்று நடந்த 9-10வது இடத்துக்கான போட்டியில் பரம எதிரிகளான இந்தியா, பாகிஸ்தான் அணிகள் மோதின. ஆட்டத்தின் 7வது நிமிடத்தில் பாகிஸ்தானின் ரிஸ்வான் அலி முதல் கோல் அடித்தார். இதற்கு இந்திய வீரர்களால் பதிலடி கொடுக்க முடியவில்லை. முதல் பாதி முடிவில் பாகிஸ்தான் அணி 1-0 என முன்னிலை வகித்தது.

இரண்டாவது பாதியில் எழுச்சி கண்ட இந்திய அணிக்கு 66வது நிமிடத்தில் குர்ஜிந்தர் சிங் ஒரு கோல் அடித்து பதிலடி கொடுத்தார். தொடர்ந்து போராடிய இரு அணி வீரர்களால் கூடுதலாக ஒரு கோல் கூட அடிக்க முடியவில்லை. ஆட்டநேர முடிவில் இப்போட்டி 1-1 என சமநிலை வகித்தது.

இதனையடுத்து போட்டியின் முடிவு "பெனால்டி ஷூட் அவுட்' முறைக்கு சென்றது. இதில் பாகிஸ்தான் அணி 4-2 என்ற கணக்கில் வெற்றி பெற்று, 9வது இடம் பிடித்தது. இந்திய அணிக்கு 10வது இடம் கிடைத்தது.

அர்ஜென்டினா வெற்றி: நேற்று நடந்த 11-12வது இடத்துக்கான போட்டியில் அர்ஜென்டினா, தென் ஆப்ரிக்கா அணிகள் மோதின. இதில் அர்ஜென்டினா அணி 4-1 என்ற கோல் கணக்கில் வெற்றி பெற்று, 11வது இடம் பிடித்தது. தென் ஆப்ரிக்காவுக்கு 12வது இடம் கிடைத்தது.

அடுத்து நடந்த போட்டியில், ஸ்பெயின் அணி 3-2 என்ற கோல் கணக்கில் இங்கிலாந்தை வீழ்த்தி, 13வது இடம் பிடித்தது. கனடாவுக்கு எதிராக 3-0 என்ற கோல் கணக்கில் வெற்றி பெற்ற எகிப்து அணிக்கு 15வது இடம் கிடைத்தது.

இன்று பைனல்: இன்று நடக்கவுள்ள பைனலில், பிரான்ஸ், ஜெர்மனி அணிகள் மோதுகின்றன. மூன்றாவது இடத்துக்கான போட்டியில், மலேசியா, நெதர்லாந்து அணிகள் பலப்பரீட்சை மேற்கொள்கின்றன. இது தவிர இன்று, 7-8வது இடத்துக்கான போட்டியில் தென் கொரியா, நியூசிலாந்து அணிகளும், 5-6வது இடத்துக்கான போட்டியில் பெல்ஜியம், ஆஸ்திரேலியா அணிகளும் விளையாடுகின்றன.

நேற்று நடந்த 9-10வது இடத்துக்கான போட்டியில் பரம எதிரிகளான இந்தியா, பாகிஸ்தான் அணிகள் மோதின.

    நான் கூட முதல் இடத்திற்கோ என்று நினைத்தேன்

ஹாக்கி இந்தியாவின் தேசிய விளையாட்டு ????? 10 வது இடமா மிக கொடுமை தான்