வருத்தப்படாத எங்கள் தமிழக வாக்காளன் !....

sundaram77 · sundaram77 Sat Dec 07, 2013 1:46 pm

வருத்தப்படாத வாக்காளன் !

நீ
வாய்மை கொல்ல,
விரல்மை கொண்டவன் !
எதையும் ... பகுத்தறியாதிருக்க ,
பகுத்தறிந்து ...கண்டவன் !

நீ ... மூடனாக
உன்னிடமே ... விற்ற பாடத்தை
தேராமல் இருக்க ...
நீயே ...தேடித் தேடிக்கற்றவன் !

நானூறு முறை ...மாறிய தலைவனுக்கு
சாகும்வரை மாறாதிருக்க ,
நேர்ந்து கொண்ட ...
ஜனநாயகத் துயரம் நீ !

வாக்கின்படி ஆளாதவருக்கெல்லாம் ...
நீதான் நிரந்தர வாக்காளன் !

சின்னங்களைக் கோயிலாக்கி ,
தலைவனைக் கடவுளாக்கி ,
பலியிடுவாய்...
உன்னையும் மண்ணையும் !

உனக்கு சாராயம் ஊற்றி...
கறி படைக்கும் கடவுளை நம்பி ,
நீ ... கல்லாகிப் போனாய் !

மானத்துடன் ...அறிவுடன் ...
வழிநடத்துவதாய் ... பாசாங்குகாட்டி ,
உன்னை...ஆடையின்றி
விடப்பட்டதை நன்கறிவாய் நீ !
ஆயினும் ...
தேனீர்க்க்டை விவாததிதில்...
தலைவன் மானத்தை,
நீதான் ...
காப்பாற்றிக் கொண்டிருக்கிறாய் !

வேட்டியும் , சேலையும் ,
அடுத்த வாரமென்றால் ...
இன்றிருந்தே நீ
நிர்வாணத்துடன் காத்திருக்க ,
கற்றுக்கொண்ட பெருமிதமே ...
உம் வம்ச மிச்சம் !

.......................
........................
..........................

ஊழல்வாதியென்று ,
சிறப்பு நீதிமன்றம் உமிழ்ந்தாலும் ...
சுவரொட்ட்டியில் சொல்வாய்...
பிறந்த நாள் வாழ்த்து !

தலைவன் பக்தியென்று...
தேற்றிக் கொள்கிறாய் உன்னை !
தகாத ...பைத்தியம் என்று ,
உறுத்தவில்லையா ... உன் உள் மனம் ?

வார்த்தைக்கும்...வாழ்க்கைக்கும் ...
தொடர்பற்றுப்போனோரின்
தூய தொண்டன் நீ !
நாணயங்களை மதிக்க மறுக்கும்
அழுக்குச் சில்லறை நீ !

........................................

--- பம்மல் மண . வில்சன்

jenisiva · jenisiva Sat Dec 07, 2013 3:51 pm

வருத்தப்படாத எங்கள் தமிழக வாக்காளன் !.... 3838410834

**பார்த்திபன்** · 24/07/2011

அருமையான கவிதை. பகிர்விற்கு நன்றி! வருத்தப்படாத எங்கள் தமிழக வாக்காளன் !.... 3838410834

வருத்தப்படாத எங்கள் தமிழக வாக்காளன் !.... 1571444738

**ராஜா** · **ராஜா** Mon Dec 09, 2013 6:59 am

ஒவ்வொரு வரியிலும் உள்ள உண்மை செவிட்டில் அறைவது போல உள்ளது , வாழ்த்துகள்

**ஜாஹீதாபானு** · **ஜாஹீதாபானு** Mon Dec 09, 2013 8:26 am

நிஜமான வரிகள்

பூர்ணகுரு · பூர்ணகுரு Mon Dec 09, 2013 8:36 am

வருத்தப்பட்டு ஏதும் ஆகப்போவதுமில்லை

வருத்தப்படாமல் இருக்க முடியவுமில்லை

நிலை மாறும் உலகில் நிலைக்கும் என்ற கனவில்

வாழும் மனித ஜாதி அதில் வாழ்வதில்லை நீதி ...

அரசியல் தொண்டன் நானில்லை

அசராமல் போரிடும் ஆளில்லை

விலையை எதிர்த்து போரிடுவதுமில்லை

விதியாய் வாக்களிக்கும் தமிழன் என்பதில் மாற்றில்லை !

sundaram77 · sundaram77 Fri Dec 13, 2013 3:42 am

பூர்ணகுரு wrote:
வருத்தப்பட்டு ஏதும் ஆகப்போவதுமில்லை

வருத்தப்படாமல் இருக்க முடியவுமில்லை

நிலை மாறும் உலகில் நிலைக்கும் என்ற கனவில்

வாழும் மனித ஜாதி அதில் வாழ்வதில்லை நீதி ...

அரசியல் தொண்டன் நானில்லை

அசராமல் போரிடும் ஆளில்லை

விலையை எதிர்த்து போரிடுவதுமில்லை

விதியாய் வாக்களிக்கும் தமிழன் என்பதில் மாற்றில்லை !

அருமை பூர்ணகுரு,
உங்கள் கவிதை மிக நன்று அன்பரே ...
அங்கதமும் எள்ளலுமாக ...அறைகிறது உங்கள் வரிகள்...
கெய்க்வாடுகளுக்கு எல்லாம் கொடி பிடிக்கும் -- இந்த வரிசையில் இப்போது யாழ்ப்பணத் தமிழர்களும் சேர்ந்து விட்டனர் என்பது மிகக் கொடுமை !? --
நாம் உருப்படுவது எக்காலம்...
அன்புடனும் வேதனையுடனும்,
சுந்தரம்

Sponsored content · Sponsored content

வருத்தப்படாத எங்கள் தமிழக வாக்காளன் !....

வருத்தப்படாத எங்கள் தமிழக வாக்காளன் !....

Re: வருத்தப்படாத எங்கள் தமிழக வாக்காளன் !....

Re: வருத்தப்படாத எங்கள் தமிழக வாக்காளன் !....

Re: வருத்தப்படாத எங்கள் தமிழக வாக்காளன் !....

Re: வருத்தப்படாத எங்கள் தமிழக வாக்காளன் !....

Re: வருத்தப்படாத எங்கள் தமிழக வாக்காளன் !....

Re: வருத்தப்படாத எங்கள் தமிழக வாக்காளன் !....

Re: வருத்தப்படாத எங்கள் தமிழக வாக்காளன் !....

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக