கோயம்பேட்டில் போலீஸ்காரருடன் கட்டிப்புரண்டு சண்டை போட்ட கொள்ளையர்கள்

**ராஜா** · **ராஜா** Sun Dec 01, 2013 6:05 pm

கோயம்பேடு 100 அடி ரோட்டில் சங்கீதா ஓட்டல் அருகே நேற்று இரவு 7 மணியளவில் போலீசார் ரோந்து பணியில் ஈடுபட்டிருந்தனர். அப்போது, ஒரே மோட்டார் சைக்கிளில் 2 வாலிபர்கள் வந்தனர். வழிப்பறி கொள்ளையர்களான இருவரும் போலீசாரைக் கண்டதும் தப்பிக்க முயன்றனர்.

அப்போது லோகநாதன் (53) என்ற போலீஸ்காரர் 2 பேரையும் மடக்கி பிடித்தார். ஆனால் கொள்ளையர்கள் அவருடன் கட்டிப்புரண்டு சண்டை போட்டனர். பின்னர் அவரை தள்ளிவிட்டு விட்டு அங்கிருந்து தப்பி ஓடினர்.

கொள்ளையர்கள் விட்டுச் சென்ற பல்சர் மோட்டார் சைக்கிளை போலீசார் பறிமுதல் செய்தனர். அதனை வைத்து அவர்களை பிடிக்க போலீசார் வலை விரித்துள்ளனர்.

போலீஸ் சீருடையில் இருந்த போலீஸ்காரருடன் 2 பேர் கட்டிப்புரண்டு சண்டை போட்ட போது, அதனை அங்கிருந்த பொது மக்கள் வேடிக்கை பார்த்தனர். ஒருவர் கூட கொள்ளையர்களை பிடிப்பதற்கு முன் வரவில்லை என்று போலீஸ் அதிகாரி ஒருவர் வேதனையுடன் தெரிவித்தார்.

இதற்கிடையே நேற்று புழல் மற்றும் கொளத்தூரில் 2 இடங்களில் செயின் பறிப்பு சம்பவங்கள் நடைபெற்றன. போலீசுடன் சண்டை போட்ட கொள்ளையர்கள் இருவரும் அங்கு செயின் பறித்து விட்டு தப்பி வந்தவர்கள் என்பது தெரிய வந்தது.

-maalaimalar

**ராஜா** · **ராஜா** Sun Dec 01, 2013 6:07 pm

போலீஸ் சீருடையில் இருந்த போலீஸ்காரருடன் 2 பேர் கட்டிப்புரண்டு சண்டை போட்ட போது, அதனை அங்கிருந்த பொது மக்கள் வேடிக்கை பார்த்தனர். ஒருவர் கூட கொள்ளையர்களை பிடிப்பதற்கு முன் வரவில்லை என்று போலீஸ் அதிகாரி ஒருவர் வேதனையுடன் தெரிவித்தார்.

நமக்கென்ன ..... என்று ஒதுங்கி கொள்ளும் பழக்கம் சென்னையில் இருந்து இப்ப மற்ற மாவட்டங்களுக்கும் பரவி வருகிறது