இனி நவம்பரிலும் மாம்பழம் கிடைக்கும்!

**T.N.Balasubramanian** · **T.N.Balasubramanian** Wed Nov 27, 2013 1:36 pm

இனி நவம்பரிலும் மாம்பழம் கிடைக்கும்!
சீசன் இல்லாத மாதத்திலும், 'மேங்கோ ஆப் சீசன்' முறையில், மா பயிரிட்டு லாபமீட்டும், விவசாயி ராமச்சந்திரன்: நான், கிருஷ்ணகிரி மாவட்டம், ஊத்தங்கரை அருகில், குருவப்பட்டி கிராமத்தை சேர்ந்தவன். ஆண்டிற்கு, மே மாதம் மட்டுமே மாங்காய் சீசன் வரும். தமிழகம் முழுக்க, அம்மாதத்தை சுற்றியே மாங்காய் காய்க்கும் என்பதால், சில நேரங்களில், 1 கிலோ மாங்காய், 3 ரூபாய் என, அடிமாட்டு விலைக்கு வாங்கப்பட்டு, பல விவசாயிகள் நஷ்டமடைந்தனர்.நஷ்டத்தை தவிர்க்க, வேளாண் அதிகாரி
களிடம் ஏதேனும் மாற்று வழி பற்றி விசாரித்ததில், 'மேங்கோ ஆப் சீசன்' தொழில்நுட்பத்தை விளக்கினர். மேங்கோ ஆப் சீசன் முறையில், புதிதாக மா கன்றுகளை நட தேவையில்லை. ஏற்கனவே உள்ள மரங்களில், இம்முறையை பயன்படுத்தி லாபமீட்டலாம்.ஜனவரி மாதத்தில், மா மரத்தில் பூ பூக்க துவங்கும் போது, அதை அப்படியே விட்டு விட்டு, காய்ப்பு பருவத்தில், பூச்சி மருந்து, யூரியா, பொட்டாசியம் போன்ற சத்துக்களை கொடுக்க கூடாது. அதையும் மீறி ஒரு மரத்திற்கு, 10 - 15 மாங்காய்கள் காய்க்கும். அதை பிஞ்சிலேயே அறு வடை செய்ய வேண்டும்.பின், ஒவ்வொரு மரத்திற்கும், 10 லிட்டர் தண்ணீரில், 10 மில்லி, 'கால்டர்' மருந்தை கலந்து, மரத்திற்கு அடியில் ஊற்றி மண்ணால் மூட வேண்டும். 100 நாட்கள் கழித்து வேளாண் அதிகாரிகளிடமிருந்து, 'மேங்கே ஸ்பெஷல்' எனும், நுண்ணுாட்ட சத்து மருந்தை வாங்கி, மரத்திற்கு அடிக்க, 120ம் நாளில் பூக்கள் பூக்க துவங்கும்.அச்சமயத்தில் பொட்டாசியம், யூரியா போன்ற உரங்களை கொடுத்தால், 150ம் நாளில் மா பிஞ்சு வர ஆரம்பித்து, சீசன் இல்லாத நவம்பர் மாதத்திலும் மாம்பழம் கிடைக்கும். இது புதிய தொழில்நுட்பம் என்பதால், வேளாண் அதிகாரிகளின் வழிகாட்டுதலுடன் பின்பற்றுவது நல்லது.இம்முறையில், 1 ஏக்கருக்கு, 50 ஆயிரம் செலவாகும். சாதாரணமாக, ஒரு மரத்திற்கு, 100 கிலோ மாங்காய் கிடைத்தால், மேங்கோ ஆப் சீசன் முறையில், 250 கிலோ கிடைக்கும். மகசூலோ அதிகம், மா விற்பனையாளர்களோ குறைவு என்பதால், விவசாயிகள் அதிக லாபமீட்டலாம்.
நன்றி தினமலர்
---------------------------------------------------------------------------------------------------------
ரமணியன்

**krishnaamma** · **krishnaamma** Wed Nov 27, 2013 1:42 pm

நல்ல பகிர்வு ஐயா புன்னகை

நான் ஏதோ டிவி விளம்பரம் போல சொல்லரிங்களோ என்று நினைத்தேன் புன்னகை

**ஜாஹீதாபானு** · **ஜாஹீதாபானு** Wed Nov 27, 2013 1:58 pm

மாம்பழம்

**krishnaamma** · **krishnaamma** Wed Nov 27, 2013 2:20 pm

உங்களுக்கும் மாம்பழம் பிடிக்குமா பானு புன்னகை

**ஜாஹீதாபானு** · **ஜாஹீதாபானு** Wed Nov 27, 2013 3:00 pm

krishnaamma wrote:உங்களுக்கும் மாம்பழம் பிடிக்குமா பானு

ஆமாம்மா எவ்ளோ குடுத்தாலும் சாப்பிடுவேன்

**T.N.Balasubramanian** · **T.N.Balasubramanian** Wed Nov 27, 2013 5:38 pm

எங்கள் வீட்டில் எல்லோருக்கும் மிகவும் பிடித்த பழங்களில் ,முதன்மையானது. மாம்பழ காலங்களில் நிச்சயம் இருக்க வேண்டியது இது. நாங்கள் வசிக்கும் இடமே மாம்பலம் என்றால்
பார்த்து கொள்ளுங்களேன்.

ரமணியன்

**சிவா** · **சிவா** Wed Nov 27, 2013 5:47 pm

T.N.Balasubramanian wrote:எங்கள் வீட்டில் எல்லோருக்கும் மிகவும் பிடித்த பழங்களில் ,முதன்மையானது. மாம்பழ காலங்களில் நிச்சயம் இருக்க வேண்டியது இது. நாங்கள் வசிக்கும் இடமே மாம்பலம் என்றால்
பார்த்து கொள்ளுங்களேன்.

ரமணியன்

இனி நவம்பரிலும் மாம்பழம் கிடைக்கும்! 3838410834

**krishnaamma** · **krishnaamma** Wed Nov 27, 2013 7:01 pm

ஜாஹீதாபானு wrote:
krishnaamma wrote:உங்களுக்கும் மாம்பழம் பிடிக்குமா பானு
ஆமாம்மா எவ்ளோ குடுத்தாலும் சாப்பிடுவேன்

ஒ .............நானும் உங்க செட் தான் புன்னகை

எவ்ளோ குடுத்தாலும் சாப்பிடுவேன் சாதமே வேண்டாம் புன்னகை

**krishnaamma** · **krishnaamma** Wed Nov 27, 2013 7:05 pm

T.N.Balasubramanian wrote:எங்கள் வீட்டில் எல்லோருக்கும் மிகவும் பிடித்த பழங்களில் ,முதன்மையானது. மாம்பழ காலங்களில் நிச்சயம் இருக்க வேண்டியது இது. நாங்கள் வசிக்கும் இடமே மாம்பலம் என்றால்
பார்த்து கொள்ளுங்களேன்.

ரமணியன்

ஒ..................சூப்பர் ஐயா புன்னகை

நாம் எல்லாம் ஒரே கட்சி போல இருக்கு புன்னகை

**ayyasamy ram** · **ayyasamy ram** Thu Nov 28, 2013 9:15 am

ராஜகனியான மாம்பழம் முக்கனிகளில் ஒன்று
-
இனி எப்போதும் கிடைக்கும் என்றால் ஆனந்தமே...!
-
இனி நவம்பரிலும் மாம்பழம் கிடைக்கும்! NdQjglo8SZfFJbTbHrDE+mukkani