செல்போன் தொலைந்து போவதை தடுக்க புதிய கருவி: எச்.டி.சி. நிறுவனம் கண்டுபிடிப்பு

செல்போன் தயாரிப்பு நிறுவனமான எச்.டி.சி. அந்த போனின் இருப்பிடத்தைக் கண்டறிய உதவி செய்யும் 'பெட்ச்' எனப்படும் புதிய கருவியையும் தற்போது வர்த்தக சந்தையில் அறிமுகப்படுத்தியுள்ளது. இந்தக் கருவி எச்.டி.சியின் ஒன்று (HTC ONE) என்ற பிரிவில் வரும் அனைத்துவகை போன்களிலும் பயன்படுத்தக்கூடிய விதமாக இருக்கும்.

போனை கைதவறுதலாக வைத்துவிட்டு உரிமையாளர் 10 மீட்டர் தொலைவு செல்வாரேயானால் இந்தக் கருவியும், போனும் ஒரே நேரத்தில் அலியெழுப்பும். அதேபோல் உரிமையாளரது மின்னஞ்சலில் கூகுள் மேப் உபயோகத்தில் அவரது செல்போன் இருக்குமிடம் தெளிவாகக் காட்டப்படும். இதனால், 'பெட்ச்' எனப்படும் இந்தக் கருவி இருந்தால் ஒருவர் தனது செல்போனைத் தொலைக்க முடியாது என்று எச்.டி.சி. நிறுவனத்தின் இந்தியப் பிரிவின் தலைவர் பைசல் சித்திக் தெரிவித்தார்.

1 மேக்ஸ் வகை போனுடன் கடந்த வெள்ளிக்கிழமை அன்று இந்தப் புதிய தயாரிப்பும் வெளியிடப்பட்டது. இந்தபோனின் அதிகபட்ச சில்லறை விலையாக 61,490 ரூபாயாக நிர்ணயிக்கப்பட்டுள்ளது. சில சில்லறை விற்பனையாளர்கள் 56,490 ரூபாய்க்கும் இதனை விற்பனை செய்கின்றார்கள். இத்துடன் பெட்ச் கருவி தேவையெனில் அதிகப்படியாக 2,500 ரூபாய் செலுத்த வேண்டியதிருக்கும் என்று அவர் கூறினார்.

போனின் இருப்பிடத்தைக் கண்டுபிடிக்கும் தொழில்நுட்பத்தில் குளோபல் பொசிஷனிங் சிஸ்டமும், ஜிபிஎஸ் உதவியுடன் மொபைல் கோபுரம் முக்கோணத் தொழில்நுட்பமும் பயன்படுத்தப்படுவதாக சித்திக் தெரிவித்தார். மேலும் இந்தப் போன் வகைகள் உரிமையாளரின் கைரேகையை அங்கீகரித்துப் பின்னரே பயன்பாட்டிற்குத் திறக்கும் என்பதால் இதனை திருடுபவர்கள் அதனை உபயோகிக்க முடியாது என்றும் கூறினார்.

மேலும் இதன் உரிமையாளர் வைத்திருக்கும் எந்த அமைப்பையும் மற்றவரால் மாற்ற முடியாது என்பதுவும் இதன் சிறப்பம்சங்களாகும் என்று சித்திக் தெரிவித்தார்
malaimalar

 

கருவி ஓகே தான் ஆனால் விலைதான் தலை சுற்றுகிறது.

M.M.SENTHIL wrote:கருவி ஓகே தான் ஆனால் விலைதான் தலை சுற்றுகிறது.

என்னுடைய அனுபவத்தில் விலை அதிகமான போன் , 100% காசு வேஸ்ட் செந்தில். ஒரு பிரயோஜனமும் இல்லை

நாம் வாங்கிய , இரண்டே மாதத்தில் புதிய போனின் விலை ஏறக்குறைய பாதியாக ஆகிவிடும்...

ராஜா wrote:

M.M.SENTHIL wrote:கருவி ஓகே தான் ஆனால் விலைதான் தலை சுற்றுகிறது.

என்னுடைய அனுபவத்தில் விலை அதிகமான போன் , 100% காசு வேஸ்ட் செந்தில். ஒரு பிரயோஜனமும் இல்லை

நாம் வாங்கிய , இரண்டே மாதத்தில் புதிய போனின் விலை ஏறக்குறைய பாதியாக ஆகிவிடும்...

சரியாக சொன்னிர்கள். அதனாலதான் நானும் அதிக பட்சம் ஐயாயிரம் பட்ஷெட்டில் முடித்து கொள்வேன்.