டாஸ்மாக் கடையில், ரூ.100 க்கு தொப்பியை அடகு வைத்த ஏட்டு

சேலம்: சேலம், டவுன் ரயில்வே ஸ்டேஷன் எதிரில், டாஸ்மாக் கடையில், 100 ரூபாய்க்கு, தொப்பியை அடகு வைத்து குடித்த, போதை போலீஸ்ஏட்டு யார் என, போலீசார் விசாரிக்கின்றனர்.

தமிழக போலீஸ் துறையில் பணியாற்றும் போலீசாருக்கு, தொப்பி, பெல்ட், பெயர் பேட்ஜ் ஆகியன, முக்கியத்துவம் வாய்ந்ததாக கருதப்படுகின்றன. இவற்றை, அவர்கள், தொலைத்து விடும் பட்சத்தில், போலீசில் பணியாற்ற, தகுதி இல்லாதவராக கருதப்படுவர். இந்த பொருட்கள், தவறும் பட்சத்தில், அதற்கான விளக்கத்தை, துறை அதிகாரிகளுக்கு அளிக்க வேண்டிய நிலைக்கும் தள்ளப்படுவர். சேலம், டவுன் ரயில்வே ஸ்டேஷன் ரோட்டில் உள்ள டாஸ்மாக் கடைக்கு, வழக்கமாக, மது அருந்த வரும் போலீஸ் ஏட்டு, பணம் இல்லாததால், அங்குள்ளவரிடம், தன் தொப்பியை, 100 ரூபாய்க்கு அடகு வைத்துள்ளார். தொப்பி இல்லாமல் போலீஸ் பணிக்கு செல்ல முடியாது; அதனால், அவர், கண்டிப்பாக பணத்தை செலுத்தி விடுவார் எனக் கருதி, மற்றொரு போதை ஆசாமி, தொப்பிக்கு, 100 ரூபாய் கொடுத்துள்ளார்.

தொப்பியை வாங்கிய, குடிமகன், போதை தலைக்கேறவே, தொப்பியை டாஸ்மாக் கடை முன் வைத்து விட்டு, சென்று விட்டார். நேற்று காலை, கடையை திறந்த விற்பனையாளர்கள், தொப்பி இருப்பது கண்டு, அதிர்ச்சி அடைந்தனர். தொப்பியை எடுத்து, ரோட்டின் ஓரமாக வீசியுள்ளனர். இதை பார்த்த, சைக்கிள் ஸ்டாண்ட் பணியாளர், யாரேனும் வந்து கேட்டால் கொடுக்கலாம் என, அதை எடுத்து வைத்துள்ளார்.தொப்பியின் உட்பகுதியில், 22 என்ற எண் மட்டும் குறிப்பிடப்பட்டுள்ளது. தகவல் அறிந்த, டவுன் போலீசார், சைக்கிள் ஸ்டாண்டில் இருந்த, தொப்பியை கைப்பற்றி, யாருடையது என, விசாரித்து வருகின்றனர். அதில், எண் இருப்பதால், தொப்பிக்கு பாத்தியப்பட்ட ஏட்டு, யார் என தெரிந்தும், விபரம் தெரிவிக்க, போலீசார் மறுத்து விட்டனர்.

இந்தக் குடி இல்லாம இருந்தா தமிழன் மிகச் சிறப்பாக இருப்பான். ஐயா சாமிங்களா, இனிமே இந்த கேடு கெட்ட கண்றாவிய தொடாதிங்க.

மாணிக்கம் நடேசன் wrote:இந்தக் குடி இல்லாம இருந்தா தமிழன் மிகச் சிறப்பாக இருப்பான்.  ஐயா சாமிங்களா, இனிமே இந்த கேடு கெட்ட கண்றாவிய தொடாதிங்க.

சொன்னதும் கேட்டுவிட்டுத்தான் மறுவேலை செய்வார்கள்!

எதுக்கு இவங்களுக்கெல்லாம் அட்வைஸ் செய்யறீங்க தேவையில்லாம!!!

வாங்க நாம சீனன் கடைக்கு போவோம்!