சபரிமலை சீசன் எதிரொலி: டாஸ்மாக் விற்பனை சரிவு

**சாமி** · **சாமி** Sat Nov 23, 2013 3:09 am

First topic message reminder :

தமிழகத்தில் சபரிமலை சீசன் துவக்கம் காரணமாக, டாஸ்மாக் மது விற்பனையில், 20 சதவீதம் வரை சரிவு ஏற்பட்டுள்ளது.தமிழகத்தில், அ.தி.மு.க., அரசு பொறுப்பேற்ற பின், 2011 ஜூலை, 11, 2012 ஜூன், 14ல் பீர் விலை மட்டும் உயர்வு, செப்டம்பர், 10ல் ஐ.எம்.எப்.எல்., மதுபானங்களின் விலை உயர்வு என, மூன்று முறை மதுபானங்களின் விலை உயர்த்தப்பட்டுள்ளது.இந்த விலை உயர்வு காரணமாக, அரசு நிர்ணயித்துள்ள, 2012-13ம் ஆண்டுக்கான மது விற்பனை இலக்கு, 25 ஆயிரம் கோடி ரூபாய் எட்டப்படும் என, எதிர்பார்க்கப்பட்டது.

இந்நிலையில்,கார்த்திகை மாதம் பிறப்பு அன்று , சபரிமலைக்கு யாத்திரை செல்லும் ஏராளமானோர், மாலை அணிந்து விரதத்தை துவக்கி உள்ளனர். நவ., 16ல், இந்த விரதம் துவக்கம் காரணமாக, தமிழகத்தில் செயல்படும், 6,850 டாஸ்மாக் கடைகளிலும் மது விற்பனையில், 20 சதவீதம் வரை சரிவு ஏற்பட்டுள்ளது.டாஸ்மாக் மூலம், சென்னையில் உள்ள போலீஸ் தலைமை அலுவலக, மதுவிலக்கு பிரிவுக்கு அனுப்பப்படும், தினசரி மது விற்பனை பட்டியல்படி, டாஸ்மாக் கடைகளின் தினசரி மது விற்பனை, 72.25 கோடி ரூபாயாக இருந்தது.

சபரி மலை சீசன் துவங்கிய, இரண்டே நாளில், மது விற்பனையில், 20 சதவீதம் அதாவது, 14.45 கோடி ரூபாய் வரை சரிவு ஏற்பட்டு, தற்போது, தினமும் 57 கோடியே, 80 லட்சம் ரூபாய் என்ற அளவுக்கு மது விற்பனை நடக்கிறது.நேற்று ஞாயிற்றுக் கிழமை என்பதால், மதியம் வரை மது விற்பனை, 62 கோடி ரூபாயை தாண்டியது. இந்த விற்பனை, அதிகாரிகளை சற்று ஆறுதலடையச் செய்தது.

இது குறித்து அதிகாரி ஒருவர் கூறியதாவது:கார்த்திகை மாதம் துவங்கும் போது, ஆண்டு தோறும் டாஸ்மாக் மது விற்பனையில் சரிவு ஏற்படும். கார்த்திகை மாதத்தின் முதல் வாரத்தில், வழக்கமான விற்பனையை விட, 15 முதல், 20 சதவீதம் வரை சரிவு ஏற்பட்டு, அந்த சரிவு, 30 சதவீதமாக உயரும்.பொதுவாக, பொங்கல் பண்டிகைக்கு பின்னரே, டாஸ்மாக் கடைகளில் வழக்கமான மது விற்பனை சூடாக நடக்கும்.சபரிமலை சீசன் துவங்கி உள்ள நிலையில், குளிரின் தாக்கமும் அதிகரித்துள்ளதால், பீர், ஒயின் ஆகியவற்றின் விற்பனையில் கடும் பாதிப்பு ஏற்பட்டுள்ளது.

இந்த பாதிப்பு விரைவில் சரியாகும் என, எதிர்பார்க்கிறோம். இந்த திடீர் சரிவு, இலக்கை பூர்த்தி செய்வதில் எந்த பாதிப்பையும் ஏற்படுத்தாது என, நம்புகிறோம்.இவ்வாறு அவர் கூறினார்.விற்பனையாளர் ஒருவர் கூறுகையில், மது விற்பனை சரிவால் எங்களுக்கு விற்பனை ஊக்கத்தொகையில், பாதிப்பை ஏற்படுத்தி உள்ளது என்றார்.-நமது நிருபர்- தினமலர்

**M.M.SENTHIL** · **M.M.SENTHIL** Mon Nov 25, 2013 11:58 am

டார்வின் wrote:
மாலை போட்டுக்கொண்டு ஒரு மாதம் சாமியாக வாழ்வதை விட , ஒழுக்கத்தை கடைபிடித்து வருடம் முழுவதும் நல்ல மனிதனாக வாழலாம் .. போன மாதம் குடித்து விட்டு அசிங்கமாக பேசிய மனிதனை இந்த மாதம் சாமி என்று அழைக்க தோணவில்லை .. இந்த மாதம் சாமியாக வாழ்பவர்கள் ஏன் அடுத்தமாதம் ஒழுக்கத்தை கடை பிடிப்பதில்லை...??? (இது கடவுளுக்கு எதிரான பதிவு அல்ல .. ) -
facebook

எல்லா மனிதரும் நல்லவரும் இல்லை, அதே நேரம் கெட்டவரும் இல்லை. ஒரு மாதமாவது அவர் ஒழுக்கமான மனிதராக வாழ்கிறாரே, அதே பெரிய புண்ணியம்தான்.

சபரிமலை சீசன் எதிரொலி: டாஸ்மாக் விற்பனை சரிவு

சபரிமலை சீசன் எதிரொலி: டாஸ்மாக் விற்பனை சரிவு

Re: சபரிமலை சீசன் எதிரொலி: டாஸ்மாக் விற்பனை சரிவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக