சாலை விதிமுறைகளை மீறுபவர்களை தண்டிக்க கடுமையான சட்டங்கள் தேவை: பான் கி மூன்

**சிவா** · **சிவா** Sun 17 Nov 2013 - 10:56

உலகம் முழுவதும் சாலை விபத்துக்களில் உயிரிழப்பவர்களை நினைவு கூறும் முகமாக ஆண்டுதோறும் நவம்பர்மாதம் 3வது ஞாயிற்றுக்கிழமை விபத்துக்களுக்கான உலக நாள் கடைபிடிக்கப்படுகிறது. அந்த வகையில் இன்று விபத்துக்களுக்கான உலக நாளையொட்டி ஐ.நா. பொதுச்செயலாளர் பான் கி மூன் வெளியிட்டுள்ள செய்திகுறிப்பில்

ஒவ்வோர் ஆண்டும் சாலை விபத்துக்களால் உலகில் 12 கோடியே 40 இலட்சம் பேர் இறக்கின்றனர்; மேலும் ஏறக்குறைய 5 கோடிப் பேர் காயமடைகின்றனர்; இவர்களில் சிலர் நிரந்தரமாகவே மாற்றுத்திறனாளிகளாக ஆகிவிடுகின்றனர் என்ற உண்மையை இந்நாளில் அனைவரின் கவனத்துக்குக் கொண்டுவருவதாகத் தெரிவித்துள்ளார். பாதசாரிகள், மிதிவண்டி ஓட்டுனர்கள், இன்னும் சாலைகளைப் பயன்படுத்துவோர் அனைவருக்கும் பாதுகாப்பான நடைபாதைகளை அமைக்கவும், குடிகார ஓட்டுனர்களையும், அதிவேக ஓட்டுனர்களையும், வாகனம் ஓட்டும்போதே செல்போன்களை பயன்படுத்துவோரையும், வாகனத்தில் பெல்ட் அணியாமல் செல்பவர்களையும் தண்டிப்பதற்கு கடுமையான சட்டங்கள் தேவை எனவும் வலியுறுத்தியுள்ளார்

பான் கி மூன். இந்தியாவில் 2011ம் ஆண்டில் மட்டும் 44 இலட்சம் சாலை விபத்துக்கள் ஏற்பட்டதாக ஒரு புள்ளிவிபரம் கூறுகிறது. தமிழகத்தில் நடக்கும் சாலை விபத்துகளால் இறப்பவர்களின் எண்ணிக்கை கடந்த 11 ஆண்டுகளில் 60 விழுக்காடாக அதிகரித்துள்ளது. 2001ம் ஆண்டில் 9,571 ஆக இருந்த எண்ணிக்கை 2012ம் ஆண்டில் 16,175 ஆக அதிகரித்துள்ளதாக ஒரு கணக்கெடுப்பு தெரிவித்துள்ளது.

**M.M.SENTHIL** · **M.M.SENTHIL** Sun 17 Nov 2013 - 15:52

சாலை விதி மீறலுக்கு குடியும், அலைபேசியும் காரணம் என்றாலும். குடும்ப சூழ்நிலை காரணமாக தொடர்ந்து வண்டி ஓட்டும் போது தூக்கம் இன்றியும் விபத்து நடக்கிறது.

லைசென்ஸ் கொடுக்கும்போதே அனைத்து விதிமுறைகளையும் சொல்லி கொடுத்து, அதற்கு ஒரு பரீட்சை வைக்க வேண்டும். ஆனால், இங்கே பணம் மட்டும் கொடுத்து அனுப்பினால் போதுமே, லைசென்ஸ் வீடு தேடி வருதே.

**ayyasamy ram** · **ayyasamy ram** Mon 18 Nov 2013 - 8:12

சாலைகளை ஒழுங்காக பராமரித்தாலே
பாதி விபத்துகள் குறையும்...
-
சில நகரங்களில் ஸ்பீடு செக்கர் மிகவும்
மேடாக போடுகிறார்கள்...அது கண்ணுக்குத்
தெரியும் வண்ணம் கலர் அடிப்பதில்லை...
இதுவும் விபத்து ஏற்பட ஒரு காரணம்...

**Muthumohamed** · **Muthumohamed** Mon 18 Nov 2013 - 18:06

என்ன தான் சட்டம் போட்டாலும் அவர் அவர் மனதில் தோன்றனும் அபோது தான் விபத்துகள் குறையும்

பிறகு மனிதனுக்கு இன்றைய காலத்தில் சகிப்பு தன்மை மிக மிக அதிகமாக தேவை படுகிறது

**ஜாஹீதாபானு** · **ஜாஹீதாபானு** Mon 18 Nov 2013 - 19:04

என்னத்த சொல்லி என்ன செய்ய...எதிர்ப்பக்கம் இருந்து வரவங்களுக்கு வழி விட்டாத் தானே நாம ட்ராஃபிக் ஜாம் இல்லாம போக முடியும்.எதிர்பக்கம் வர வாகனத்துக்கு நடுவுல கொண்டு போய் வண்டிய நிறுத்துறாங்க...

Sponsored content · Sponsored content

சாலை விதிமுறைகளை மீறுபவர்களை தண்டிக்க கடுமையான சட்டங்கள் தேவை: பான் கி மூன்

சாலை விதிமுறைகளை மீறுபவர்களை தண்டிக்க கடுமையான சட்டங்கள் தேவை: பான் கி மூன்

Re: சாலை விதிமுறைகளை மீறுபவர்களை தண்டிக்க கடுமையான சட்டங்கள் தேவை: பான் கி மூன்

Re: சாலை விதிமுறைகளை மீறுபவர்களை தண்டிக்க கடுமையான சட்டங்கள் தேவை: பான் கி மூன்

Re: சாலை விதிமுறைகளை மீறுபவர்களை தண்டிக்க கடுமையான சட்டங்கள் தேவை: பான் கி மூன்

Re: சாலை விதிமுறைகளை மீறுபவர்களை தண்டிக்க கடுமையான சட்டங்கள் தேவை: பான் கி மூன்

Re: சாலை விதிமுறைகளை மீறுபவர்களை தண்டிக்க கடுமையான சட்டங்கள் தேவை: பான் கி மூன்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக