காஞ்சீபுரம் மாவட்டத்தில் மணல் அள்ள ஓர் ஆண்டுக்கு தடை..!!

malik · malik Thu 14 Nov 2013 - 12:37

காஞ்சீபுரம் மாவட்டத்தில் அனைத்து ஆற்றுப்படுகைகளிலும் மணல் அள்ள ஒரு ஆண்டுக்கு தடை விதிக்கப்பட்டுள்ளதாக மாவட்ட கலெக்டர் க.பாஸ்கரன் தெரிவித்துள்ளார்.

''காஞ்சீபுரம் மாவட்டத்தில் உள்ள அனைத்து ஆற்றுப்படுகைகளிலும் 1 ஆண்டு காலம் மணல் அள்ளக்கூடாது என்று தமிழக அரசு முடிவெடுத்துள்ளது. அதன்படி 13-11-2013 முதல் முழுமையாக மணல் அள்ளுவது தடை செய்யப்படுகிறது. அரசு ஆணையை மீறி காஞ்சீபுரம் மாவட்டத்தில் உள்ள ஆற்றுப்படுகைகளில் மணல் அள்ளுவதை கண்டால் அவர்களுக்கு அபராதம் விதிக்கப்படும். குண்டர் சட்டம்மேலும் வாகனம் மற்றும் மாட்டு வண்டி பறிமுதல் செய்யப்பட்டு குற்ற நடவடிக்கை மற்றும் குண்டர் சட்டத்தின் மூலம் நடவடிக்கை எடுக்கப்படும்‘‘ என்று தெரிவித்துள்ளார்.

நன்றி : பசுமை விகடன்