முன்னெச்சரிக்கை

First topic message reminder :

முன்னெச்சரிக்கை!

நாம் நம்முடைய அன்றாட செயல்களில், நிகழ்ச்சிகளில் ஒரு சிலருடைய செய்கைகளால் ஏமாற்றப்பட்டு இருக்கிறோம்..

அதுபோன்ற சூழ்நிலைகளில் எவ்வாறு நடந்துகொண்டால் மறுபடியும் ஏமாறுவதை தவிர்க்கலாம் என்று சிந்தித்து முன்னெச்சரிக்கையாக செயல்படுவோம்.

அதனை நம்முடன் பழகுவோருடன் பகிர்ந்துகொண்டிருப்போம். இந்த பதிவின் மூலம் நம் ஈகரை நண்பர்கள் அனைவரும் பயன்படும் வகையில் நாம் ஒவ்வொருவரும் பின்பற்றும் ஒருசில முன்னெச்சரிக்கை செய்கைகளையும் பகிர்ந்துகொள்ளலாமே என்பது எனது ஆவல்.

ஒன்றொன்றாய் சேர்த்தால் ஒரு நூறு வழிகளை சுலபமாக தெரிந்துகொள்ளமுடியுமே

அனைவரும் முன்வாருங்களேன்!
--------------------------------------------------------------------------------------------------
முன்னெச்சரிக்கை – 1

நாம் பஸ்ஸில் வெளியூர் செல்லும் பொழுது சில நேரங்களில் சிற்றுண்டி அருந்துவதற்கு இரவுநேர உணவங்களில் நிறுத்துவார்கள். பக்கத்தில் பழ வியாபாரியிடம் பழங்கள் வாங்கும்பொழுது மிக கவனமாக இருக்கவேண்டும். இல்லாவிடில் நம் கண்ணெதிரே எடைபோட்டு மடித்த பொட்டலத்தை பக்கத்தில் இருக்கும் சிறுவனிடம் கொடுத்து நூலால் கட்டி கொடுக்கச்சொல்வார்கள்.

அதை நாம் வீட்டிற்கு வந்து பிரித்தது பார்க்கும் பொழுதுதான் அதிலிருப்பது பாதிக்குமேல் அழுகிய பழங்கள் என்றும் நாம் எப்படி ஏமாற்றப்பட்டு இருக்கிறோம் என்பது தெரியும்.

இதேபோன்று கோயம்பேடு பழக்கடைகளிலோ அல்லது காய்கறி கடைகளிலோ பார்த்து பார்த்து பழங்கள் / காய்கறிகள் வாங்கி எடைபோட்ட பிறகு தயவு செய்து நீங்கள் எடுத்துச்செல்லும் பைகளில் நேரிடையாக வாங்கிக்கொள்ளுங்கள். அல்லது அவர்கள் கொடுக்கும் பிளாஸ்டிக் பைகளில் போட்டுகொடுக்கச்சொன்னால் மிகவும் கவனமாக இருங்கள். ஏனெனில், பொரும்பாலான வியாபாரிகள் பலவழிகளில் நம்முடைய கவனத்தை திசைதிருப்பி (குறிப்பாக இலவசமாக அதிகம் போடுவது போன்று) நம் கண்முன்னே போட்ட பையினை மாற்றி (அவர்களால் ஏற்கனவே கெட்ட பதார்த்தங்களை போட்டுள்ள பையினை) கொடுத்துவிடுகிறார்கள்.

இதுவும் நாம் வீடு திரும்பி மனைவி பையினை திறந்த பிறகுதான் குட்டு வெளிப்பட்டு ஏமாற்றப்பட்டு இருப்பதை உணருவோம்.

எனவே கணவன்மார்களே, ஏமாறுகிறவர்கள் இருக்கிறவரைக்கும் ஏமாற்றுகிறவர்கள் இருப்பார்கள் என்பதை உணர்ந்து முன்னெச்சரிக்கையாக இருக்கலாமே.

ஏமாற்றப்பட்ட கணவர்களுள் ஒருவன்.

என்னையும் சேர்த்துக்கொள்ளலாம். நானும் சிலமுறைகள் ஏற்கனவே சீனா சென்றுவந்துள்ளேன் மறுபடியும் செல்லவுள்ளேன் என்பதாலும் அறிவுரைக்கும் முன்னெச்சரிக்கைக்கும் நன்றி.

நா.செ.மணி

1. டாக்ஸி / ஆட்டோ ஓட்டுனர்களிடம் ஏமாறாதீர்கள்!

முக்கியமாக விமான நிலையத்திலிருந்து வரும்பொழுது பெரும்பகுதி ஆட்டோ மற்றும் டாக்ஸி ஓட்டுனர்கள் நாம் ஏமாளிகள் என்றே நினைக்கின்றனர்.

அதனை சோதிப்பதற்காக பெட்ரோல் நிலையயத்திற்கு சென்று பெட்ரோல் போட்டபின்பு நம்மிடம் பணம் கேட்டு வாங்கி கொடுத்துவிடுவார்கள். அநேக நேரங்களில் வீடு வந்தபிறகு இறங்கிக்கொண்டு சொந்தங்களை பார்த்த மகிழ்ச்சியில் மீட்டரை பார்த்து பணத்தை கொடுத்துவிட்டு வீட்டினுள் சென்றுவிடுவோம்.

இதனை தவிர்க்க தற்பொழுது விமான நிலையங்களில் நடைமுறையில் உள்ள முன் பணம் செலுத்தும் வசதியை பயன்படுத்துவது சிறந்தது.

2. அடுத்து உணவகங்களில் பணம் செலுத்தும் பொழுதும் கவனம் தேவை!

உணவகங்களில் சாப்பிட்டபிறகு பணம் செளுத்தினால் மீதி பணம் தரும்பொழுதுதான் விளையாடுவார்கள். உதாரணமாக ரூ 34.50 க்கு நீங்கள் ரூ 100 கொடுத்தல், முதலில் ரூ 5.50 எடுத்து மேசைமீது வைப்பார்கள். சிது இடைவெளி விட்டு ரூ 10.00 வரும். நீங்கள் தொடர்ந்து நின்றுகொண்டிருந்தால் மட்டுமே அடுத்த ரூ 50.00 வரும். ஒரு சிலர் அநேக நேரங்களில் ரூ 50 ஐ மறந்து சென்றுவிடுவார்கள்.

சிறந்த வழி, பணியாளரிடமே பணத்தை கொடுத்து ரசீதியும் கேட்டால் மீதி பணம் சரியாக கிடைக்கும். அத்துடன் நாம் தெரிந்தே கொடுக்கும் ரூ ஒன்று பணியாளருக்கும் தனிப்பட்ட முறையில் உதவும்.

நா.செ.மணி