மாவோயிஸ்ட் தாக்குதலில் உயிரிழந்த மத்திய ரிசர்வ் படை காவலர் உடலுக்கு ஆட்சியர் அஞ்சலி

**டார்வின்** · **டார்வின்** Thu Nov 14, 2013 3:26 am

சத்தீஸ்கர் மாநிலத்தில் மவோயிஸ்டுகள் தாக்குதலில் கொல்லப்பட்ட குமரி மாவட்டத்தைச் சேர்ந்த, மத்திய ரிசர்வ் போலீஸ் படை காவலர் உடலுக்கு மாவட்ட ஆட்சியர் நாகராஜன், மாவட்ட காவல் கண்காணிப்பாளர் மணிவண்ணன் ஆகியோர் புதன்கிழமை மலர்வளையம் வைத்து அஞ்சலி செலுத்தினர்.

கன்னியாகுமரி மாவட்டம், கருங்கல் அருகேயுள்ள கம்பிளார் பகுதியைச் சேர்ந்த வர்க்கீஸ் மகன் கிளைமன்ட் ஜோசப் ராஜ் (42). இவர் கடந்த 20 ஆண்டுகளாக மத்திய ரிசர்வ் போலீஸில் பணியாற்றி வந்தார். இவருக்கு மனைவி மற்றும் 2 குழந்தைகள் உள்ளனர்.

இந்நிலையில், திங்கள்கிழமை சத்தீஸ்கர் மாநிலத்தில் கிளைமன்ட் ஜோசப்ராஜ் பாதுகாப்புப் பணியில் ஈடுபட்டிருந்தார். அப்போது திடீரென மாவோயிஸ்டுகள் பாதுகாப்புப் பணியில் ஈடுபட்டிருந்த போலீஸார் மீது துப்பாக்கிச் சூடு நடத்தினர். இதில் கிளைமன்ட் ஜோசப்ராஜ் உயிரிழந்தார். அவரது உடல் சொந்த ஊரான கருங்கல் அருகே உள்ள கம்பிளாருக்கு புதன்கிழமை மாலை கொண்டுவரப்பட்டது. மாவட்ட ஆட்சியர் நாகராஜன், மாவட்ட எஸ்.பி. மணிவண்ணன் உள்ளிட்ட அதிகாரிகள் அஞ்சலி செலுத்தினர்.

பின்னர் ராணுவ மரியாதையுடன் குண்டுகள் முழங்க அடக்கம் செய்யப்பட்டது
thinamani

**ராஜா** · **ராஜா** Thu Nov 14, 2013 11:58 am

நாட்டிற்காக உயிர்க்கொடுத்த இந்த மாமனிதர் இறைவனடி சேர பிரார்திக்கிறேன்

மாவோயிஸ்ட் தாக்குதலில் உயிரிழந்த மத்திய ரிசர்வ் படை காவலர் உடலுக்கு ஆட்சியர் அஞ்சலி

மாவோயிஸ்ட் தாக்குதலில் உயிரிழந்த மத்திய ரிசர்வ் படை காவலர் உடலுக்கு ஆட்சியர் அஞ்சலி

Re: மாவோயிஸ்ட் தாக்குதலில் உயிரிழந்த மத்திய ரிசர்வ் படை காவலர் உடலுக்கு ஆட்சியர் அஞ்சலி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக