மலேசியா: சமய விவகாரங்களில் தலையிட வேண்டாம் – அட்னானுக்கு வேதமூர்த்தி எச்சரிக்கை

பிரதமர் துறையில் துணையமைச்சராகப் பதவி ஏற்ற நாள் முதல் அரசாங்க முடிவுகளில் அவ்வப்போது மென்று முழுங்கி கருத்துத் தெரிவித்து வந்த ஹிண்ட்ராப் தலைவர் பி.வேதமூர்த்தி தற்போது அமைச்சர்களை வெளிப்படையாகவே சாடத் தொடங்கியுள்ளார்.

ஜாலான் பி.ரம்லியில் உள்ள 100 ஆண்டுகள் பழமைவாய்ந்த முனீஸ்வரர் காளியம்மன் ஆலயம் இடிக்கப்பட்ட விவகாரத்தில் கருத்துத் தெரிவித்த கூட்டரசுப் பிரதேச அமைச்சர் தெங்கு அட்னானுக்கு எதிராக, இந்து சமய விவகாரங்களில் தலையிட வேண்டாம் என்று வேதமூர்த்தி காட்டமாகக் கூறியுள்ளார்.

சிறிய கோவில் என்றோ, பெரிய கோவில் என்றோ விளக்கம் அளிக்கும் தகுதி அட்னானுக்கு இல்லை என்றும், சமயம் தொடர்பான விவகாரங்கள் பற்றி அறிக்கை விடும் உரிமை அவருக்குக் கிடையாது என்றும் வேதமூர்த்தி சாடியுள்ளார்.

கடந்த செப்டம்பர் மாதம் தொடங்கி ஆலயம் கட்டப்பட்டுள்ள இடம் தொடர்பாக அரசாங்கத்திற்கும், ஆலய நிர்வாகத்திற்கும் பிரச்சனைகள் இருந்து வந்தது குறிப்பிடத்தக்கது.

இந்நிலையில், கடந்த ஞாயிற்றுக்கிழமை கோலாலம்பூர் மாநகர மன்ற அமலாக்கப் பிரிவினர் (DBKL ) அதிரடியாக ஆலயத்திற்கு வந்திறங்கி, ஆலயத்தின் ஒரு பகுதி இடித்துத் தள்ளினர்.

இந்த விவகாரத்தில் கருத்துத் தெரிவித்த கூட்டரசுப் பிரதேச அமைச்சர் தெங்கு அட்னான்(படம்), ஆலயத்தின் வெளிப்புறத்திலுள்ள ஒரு பகுதி மட்டுமே இடிக்கப்பட்டுள்ளது. இனி ஆலயம் அழகுபடுத்தப்பட்டு எழிமிக்க ஒரு சுற்றுலாத் தளமாக மாற்றப்படும் என்று தெரிவித்தார்.

அவரது கருத்துக்கு எதிர்ப்பு தெரிவித்த வேதமூர்த்தி கூட்டரசுப் பிரதேச அமைச்சர் என்ற முறையில் அவர் இந்துக்களின் உணர்வுகளுக்கும், எண்ணங்களுக்கும் மதிப்பளிக்க வேண்டும். அதை விடுத்து டிபிகேஎல் அதிகாரிகளின் அநியாயமான செயலுக்கு ஆதரவு தெரிவிக்கக்கூடாது என்று விமர்சித்துள்ளார்.

செல்லியல்

இந்த ஆலயம் முழுமையாக வெளிப்பார்வைக்கு
தெரியும் வண்ணம், நன்மை செய்யவே
ஆக்ரமிப்பு அகற்றப்பட்டதாக தெரிகிறது...
-

“வேதமூர்த்திக்கு எதிராக என்னை ஏன் மாற்றுகிறீர்கள்?” – அட்னான் கேள்வி

முனீஸ்வரர் ஆலயம் உடைப்பு விவகாரத்தில் தான் கூறிய கருத்துக்கு எதிராக பதிலடி கொடுத்துள்ள வேதமூர்த்தியுடன் மேலும் விவாதத்தை வளர்க்க தான் விரும்பவில்லை என்று கூட்டரசுப் பிரதேச அமைச்சர் தெங்கு அட்னான் தெங்கு மன்சோர் தெரிவித்துள்ளார்.

“என்னை ஏன் வேதமூர்த்திக்கு எதிரானவராக மாற்றுகிறீர்கள்? அவர் அமைச்சரவையில் ஒருவர். நான் யாருக்கு எதிராகவும் இருக்க விரும்பவில்லை” என்று அட்னான் நாடாளுமன்ற வளாகத்தில் இன்று செய்தியாளர்களிடம் தெரிவித்துள்ளார்.

பாஸ் போன்ற கட்சிகள் மதம் அல்லாத விவகாரங்களுக்கு கூட மதத்தை உள் நோக்கங்களுக்காகப் பயன்படுத்திக் கொள்வதாகவும் தெங்கு அட்னான் குறிப்பிட்டார்.

கடந்த ஞாயிற்றுக்கிழமை கோலாலம்பூர் மாநகர மன்ற அமலாக்கப் பிரிவினர் (DBKL ) அதிரடியாக ஆலயத்திற்கு வந்திறங்கி, ஆலயத்தின் ஒரு பகுதி இடித்துத் தள்ளினர்.

இந்த விவகாரத்தில் கருத்துத் தெரிவித்த தெங்கு அட்னான் ஆலயத்தின் வெளிப்புறத்திலுள்ள ஒரு பகுதி மட்டுமே இடிக்கப்பட்டுள்ளது. இனி ஆலயம் அழகுபடுத்தப்பட்டு எழிமிக்க ஒரு சுற்றுலாத் தளமாக மாற்றப்படும் என்று தெரிவித்தார்.

அவரது கருத்துக்கு எதிர்ப்பு தெரிவித்த வேதமூர்த்தி கூட்டரசுப் பிரதேச அமைச்சர் என்ற முறையில் அவர் இந்துக்களின் உணர்வுகளுக்கும், எண்ணங்களுக்கும் மதிப்பளிக்க வேண்டும். அதை விடுத்து டிபிகேஎல் அதிகாரிகளின் அநியாயமான செயலுக்கு ஆதரவு தெரிவிக்கக்கூடாது என்று விமர்சித்தார்.