தனிமையில் பயணமா?

கொலை, கற்பழிப்பு, திருட்டு போன்றவை நாளுக்கு நாள் அதிகரித்து வருகிற இன்றைய சூழ்நிலையில் பெண் கள் ஒவ்வொரு விஷயத்திலும் மிகுந்த அக்கறையுடன் செய்லபட வேண்டியது அவசியமாகிறது. வீட்டை விட்டு வெளியே படிக்கவோ, வேலைக் காகவோ செல்லும் பெண்கள் பலரிடம் பலவிதங்களில் ஏமாந்து போக வாய்ப்பு கள் உண்டு. வெளியே தனியாக பயணம் செய்யும்போது தன்னைத்தேடி வரும் ஆபத்துக்களை எதிர்கொள்ளும் அளவிற்கு வீரமும், ஓரளவு பாதுகாப்பு உணர்வும் இருக்க வேண்டும். அதற்கு இதோ சில ஆலோசனைகள்....

* நீண்ட தூரம் வெளியே பயணம் மேற்கொள்ள வேண்டி வரும்போது, முடிந்தவரை தனியே செல்வதைத் தவிர்த்து நம்பிக்கைக்குரிய ஒரு துணையுடன் செல்லவே முயற்சி செய்யுங்கள்.

* தவிர்க்க முடியாத பட்சத்தில் தனியே செல்ல வேண்டி வந்தால் விலை உயர்ந்த ஆபரணங்கள் அணிவதையும், அளவுக்கதிகமான அலங்காரத்தையும் தவிர்த்து விடவும். ஏனெனில் இவை யெல்லாம் மற்றவரது கவனத்தை உங்கள் பக்கம் திருப்பக்கூடும்.

* சாலையில் நடந்து செல்லும்போது, எப்போதும் போக்குவரத்து உங்களை நோக்கி வரும் திசையிலேயே செல்லுங் கள். அப்போது உங்களுக்கு முன்னால் என்ன நடக்கிறது என்பதைப் பார்த்தபடி செல்ல முடியும்.

* வெளியில் செல்லத் திட்ட மிடும்போதே புறப்பட வேண்டிய நேரத்தை அரைமணி நேரம் முன்னதாகவே குறித்துக் கொள்ளுங்கள். தாமதமாகக் கிளம்பி பிறகு சீக்கிரம் செல்ல வேண்டுமே என்பதற்காக ஆள் நடமாட்டமில்லாத குறுக்குப் பாதைகளில் செல்ல வேண்டாம்.

* வீட்டை விட்டு வெளியே புறப்படும் போது செலவிற்குத் தேவையான பணத்தை ஒரே இடத்தில் மட்டுமே வைத்துக்கொண்டு செல்லாதீர்கள். இரண்டு, மூன்று இடங்களில் வைத்துக் கொண்டு செல்லுங்கள்.

* நீளமான பிடி வைத்த கைப்பைகளை எடுத்துச் செல்லும்போது, அதைத் தோள் பட்டையின் ஒரு பக்கத்தில் மாட்டித் தொங்க விட்டுக் கொண்டு போகாமல், குறுக்கே மாட்டிக் கொண்டு செல்லுங்கள்.

* பேருந்துகளில் பயணம் செய்யும் போது பைகளை மார்போடு அணைத்தபடி வைத்துக் கொண்ளுங்கள்.

* நீங்கள் பயந்த சுபாவ முடையவராக இருக்கலாம். ஆனால் அது உங்கள் முகத்தில் பிரதிபலிக்க வேண்டாம்.

* ஆட்டோ, டாக்சி போன்றவற்றில் செல்லும்போது அந்த வாகன எண்களைக் குறித்து வைத்துக் கொண்ளுங்கள்.

* ரயிலில் பயணம் செய்யும் போது கூட்டம் அதிகமுள்ள பெட்டி களாகப் பார்த்துச் செல்லுங்கள்.

* சந்தேகத்திற்குரிய நபர்கள் யாரேனும் உங்களிடம் நேரமோ, வழியோ கேட்பதுபோல அருகில் வரலாம். நேரம் சொல்லும்போது தோராயமாகச் சொன்னால் போதும். அதேபோல வழி கேட்டாலும், அவர்களை விட்டு சில அடிகள் விலகி நின்று, முகத்தைத் திருப்பாமல் கைகளை மட்டும் திருப்பி வழிகாட்டுங்கள்.
நேரம் பார்க்கக் குனியும்போதோ, முகத்தைத் திருப்பி வழி காட்ட முற்படும் போதோ அவர்கள் உங்களது உடைமை களைப் பறித்துக் கொண்டு ஓட முடியும்.

* ஆபத்து உங்களை நெருங்கும்போது பிறரது கவனத்தை ஈர்க்கும் வகையில் உரக்கக் கத்துங்கள்.

* சந்தர்ப்ப சூழ்நிலை காரணமாக துணையின்றி பாதுகாப்பில்லாத ஏதேனும் ஒரு இடத்திற்குச் செல்ல வேண்டிய நிர்ப்பந்தம் ஏற்பட்டால் எதற்கும் உங்கள் கைவசம் பேனாக்கத்தி, மிளகாய் பொடி போன்றவற்றை வைத்துக் கொள்ளுங்கள். எதிரிகளைக் கீழே தள்ளிவிட்டு நிலை குலைய வைக்குமளவிற்காவது தாக்க உங்களிடம் சக்தி இருக்க வேண்டும்.

* நீங்கள் செல்லப்போகும் இடத்தின் முகவரியை முதலிலேயே நன்றாக விசாரித்துக் கொண்டு புறப்படுங்கள். தேவைப்பட்டால் அந்த ஏரியாவின் வரைபடம் ஒன்றைக் கையில் வைத்துக் கொள்ளுங்கள்.

நல்லதொரு ஐடியாவை சொல்லியுள்ளீர்கள்.பெண்கள் கட்டாயம் தெரிந்து வைத்திருக்கவேண்டும்

பெண்களே...உஷார்...சிவாவோட ஐடியாவ அப்படியே புடுச்சு பாக்கேட்டுல வையுங்க...ஓகேவா......

அருமை

மிகவும் பயனுள்ள குறிப்புதான் பகிந்தமைக்கு நன்றி

என்ன பாலா. உமக்கு பயனுள்ள குறிப்போ.....பேஷ்.....பேஷ்

gunashan wrote:பெண்களே...உஷார்...சிவாவோட ஐடியாவ அப்படியே புடுச்சு பாக்கேட்டுல வையுங்க...ஓகேவா......

gunashan wrote:என்ன பாலா. உமக்கு பயனுள்ள குறிப்போ.....பேஷ்.....பேஷ்

நீங்களும் பக்கியோட சேர்ந்து கெட்டுட்டேல் போங்கோ

gunashan wrote:என்ன பாலா. உமக்கு பயனுள்ள குறிப்போ.....பேஷ்.....பேஷ்

ஆமாம் இனிமே யார்கூடயும் துணைக்கு போக வேண்டாமில அதான்

balakarthik wrote:

gunashan wrote:என்ன பாலா. உமக்கு பயனுள்ள குறிப்போ.....பேஷ்.....பேஷ்

ஆமாம் இனிமே யார்கூடயும் துணைக்கு போக வேண்டாமில அதான்

ஆமா..நீர் ஆண்மாகனா...இல்ல பெண்குட்டியா.......? யாரிடமும் சொல்ல மாட்டேன்...