மன்னித்தருள்க --தீபாவளி வாழ்த்துக்கள்

sugumaran · sugumaran Thu Oct 31, 2013 3:54 pm

திபாவளி வருகையின் உற்ச்சாகத்தால்
ஊரே உல்லாசத்தில் திளைத்திருந்தபோது,
எனைத்தேடி இருவர் எனது இல்லத்துக்கு,
அழையாமலேயேநேரேஉள்ளே புகுந்து விட்டனர்.
அத்தோடா விட்டனர் ? அவர்கள் எனது
நண்பர்கள் அனைவர் முகவரியும் ,
தட்டாமல் தருகவென கட்டாயமாகக் கேட்டனர்,

நானும் நண்பர்களின் அனுமதிபெற்று தருவதாக
நயமாகச் சொல்லிப்பார்த்தேன் ,
வந்த அந்த இருவரோ ,இந்த திபாவளிக்கு முன்
உங்கள் நண்பர்கள் அனைவரையும் சந்தித்தேத்
தீரவேண்டும் என்று அடம் பிடித்தனர் ,

தவிர்க்க இயலாமல் நானும் உங்கள்
அனைவரின் முகவரியும் உங்கள்
அனுமதி இன்றித் தந்துவிட்டேன்
மன்னித்தருள்க ,
அவசியம் அவர்கள் உங்கள் வீட்டுக்கு வரக்கூடும்

அவர்களின் பெயர்சொல்லமறந்துவிட்டேனே?
ஒருவரின் பெயர் சந்தோசம்
அடுத்தவர் பெயர் சுபீட்சம்
இருவரையும் உங்கள் இல்லத்தில் இருத்திக்கொள்ளுங்கள் .

உங்கள் அனுமதி இன்றி அவர்களை அனுப்பியதை
தவறாக நினைக்கமாடீர்களே ?
அன்புடன்
அண்ணாமலை சுகுமாரன்

**krishnaamma** · **krishnaamma** Thu Oct 31, 2013 4:08 pm

வாவ்! அற்புதம் சுகுமாரன் புன்னகை

அவர்களுடன் நீங்களும் எங்கள் விட்டுக்கு அவசியம் வாருங்கள் புன்னகை

அவர்களைப்போல உங்களையும் இருத்திக்கொள்கிறோம் புன்னகை

**பார்த்திபன்** · 24/07/2011

அவங்க ரெண்டு பேருக்கும் உங்க வீட்டு முகவரியைக் கொடுத்ததே நான்தான் சார்! புன்னகை

பூர்ணகுரு · பூர்ணகுரு Thu Oct 31, 2013 4:46 pm

ஐயா ,

என்

நேற்றைய முகவரி

" தாயின் கருவறை "

இன்றைய முகவரி

" தேடிக் கொண்டிருக்கிறேன் "

நாளைய முகவரி

" பிரேதப் பிணவறை "

இதில் தாங்கள் கொடுத்தது ... ?

sugumaran · sugumaran Thu Oct 31, 2013 6:40 pm

அன்புள்ள கிருஷ்ணம்மா அவர்களுக்கு ,
தீபாவளியில் இப்போதெல்லாம் தீபங்கள் இல்லை என்றாலும் ,
பரிவும் பலகாரமும் அன்று மிகுதியாக உண்டே !
தங்கள் அன்பிற்கு நன்றி ,
திருவிழாக்களே அன்பை வெளிப்படுத்தும் திரு நாட்களே ,
நன்றி கிருஷ்ணம்மா அவர்களே ,
அன்புடன்
அண்ணாமலை சுகுமாரன்

sugumaran · sugumaran Thu Oct 31, 2013 6:48 pm

அன்புள்ள கிருஷ்ணம்மா அவர்களுக்கு ,
தீபாவளியில் இப்போதெல்லாம் தீபங்கள் இல்லை என்றாலும் ,
பரிவும் பலகாரமும் அன்று மிகுதியாக உண்டே !
தங்கள் அன்பிற்கு நன்றி ,
திருவிழாக்களே அன்பை வெளிப்படுத்தும் திரு நாட்களே ,
நன்றி கிருஷ்ணம்மா அவர்களே ,
அன்புடன்
அண்ணாமலை சுகுமாரன்

sugumaran · sugumaran Thu Oct 31, 2013 6:54 pm

அன்புள்ள பார்த்திபன் ,
அவர்கள் இருவரும் எனது இல்லத்துக்கு வந்தபோதே ,
பார்த்திபனைப் பார்த்துவந்ததாகக் கூறினார்கள் .
எனக்குத்தான் அவர்கள் பார்த்துவந்த பார்த்திபனைத் தெரியவில்லை .

என்னிடம் மட்டும் அனுப்பிய அவர்கள் இருவரையும் நான்
அனைவருக்கும் அன்புடன் அனுப்பிவைத்தேன் .
இப்போது சந்தோசம் தானே பார்த்திபன் ,
நன்றி
அன்புடன்
அண்ணாமலை சுகுமாரன்

sugumaran · sugumaran Thu Oct 31, 2013 6:57 pm

நன்றி நண்பரே !
நீங்களோ பூரண குரு ,
உங்களுக்கு தெரியாததா ?
நீங்கள் கூறும் முகவரிகள் மூன்றுமே
தற்காலிகமானதுதான்,

முகவரிகள் என்றுமே நிரந்தனமானதும் அல்ல

நான் அனுப்பிய இருவரும் நீங்கள் எங்கே ,எப்படி இருக்கிறீர்களோ
அங்கேயே வந்து தேவையானதை அள்ளித்தருவார்கள் .
நன்றி நண்பரே ,
அன்புடன்
அண்ணாமலை சுகுமாரன்

பூர்ணகுரு · பூர்ணகுரு Thu Oct 31, 2013 7:03 pm

மிக்க நன்றி ஐயா !

நல்ல வாழ்த்துகள் உரைக்கும் உங்கள் கவிதைக்கு

புறம்பாக எழுதியதாக தவறாக எண்ண வேண்டாம் !

எதுவும் நிரந்தரம் இல்லை ... எல்லாம் கடந்து போகும்

என்பதை எடுத்துக் கூறவே அதனை எழுதினேன் - என்னையும் மன்னித்தருள்க !

நீங்கள் அனுப்பிய இருவரும் அனைவருடனும் நிலையாக இருப்பார்கள் என்றால்

முதலில் மகிழ்வது நானாகத்தானிருப்பேன் !

தங்கள் நல்வார்த்தைகளும் நல்லுள்ளமும் நலமாக வாழட்டும் ! வாழ்த்தட்டும் !!

மிக்க நன்றி ஐயா !

**krishnaamma** · **krishnaamma** Thu Oct 31, 2013 8:20 pm

sugumaran wrote:அன்புள்ள கிருஷ்ணம்மா அவர்களுக்கு ,
தீபாவளியில் இப்போதெல்லாம் தீபங்கள் இல்லை என்றாலும் ,
பரிவும் பலகாரமும் அன்று மிகுதியாக உண்டே !
தங்கள் அன்பிற்கு நன்றி ,
திருவிழாக்களே அன்பை வெளிப்படுத்தும் திரு நாட்களே ,
நன்றி கிருஷ்ணம்மா அவர்களே ,
அன்புடன்
அண்ணாமலை சுகுமாரன்

மன்னித்தருள்க --தீபாவளி வாழ்த்துக்கள் 2Q==

ரொம்ப நன்றி சுகுமாரன் புன்னகை

அன்பு மிகுதியால் 2 முறை பதிவு போட்டுவிட்டிர்கள் போல இருக்கு புன்னகை

.
நாம் தமிழர்கள் கார்த்திகை இன் போது தானே தீபங்கள் ஏற்றுவது வழக்கம் புன்னகை

Sponsored content · Sponsored content

மன்னித்தருள்க --தீபாவளி வாழ்த்துக்கள்

மன்னித்தருள்க --தீபாவளி வாழ்த்துக்கள்

Re: மன்னித்தருள்க --தீபாவளி வாழ்த்துக்கள்

Re: மன்னித்தருள்க --தீபாவளி வாழ்த்துக்கள்

Re: மன்னித்தருள்க --தீபாவளி வாழ்த்துக்கள்

Re: மன்னித்தருள்க --தீபாவளி வாழ்த்துக்கள்

Re: மன்னித்தருள்க --தீபாவளி வாழ்த்துக்கள்

Re: மன்னித்தருள்க --தீபாவளி வாழ்த்துக்கள்

Re: மன்னித்தருள்க --தீபாவளி வாழ்த்துக்கள்

Re: மன்னித்தருள்க --தீபாவளி வாழ்த்துக்கள்

Re: மன்னித்தருள்க --தீபாவளி வாழ்த்துக்கள்

Re: மன்னித்தருள்க --தீபாவளி வாழ்த்துக்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக